完整藏文原文 · 德格版页 当前仅加载第 81 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
གྲོལ་བར་འགྱུར་རོ། །དགང་བ་དང་། དབྱུང་བ་དང་། བུམ་པ་ཅན་རིམ་པ་ཇི་ལྟ་བར་དྲན་པར་བྱས་ན་ཟླ་བ་ཕྱེད་ཀྱིས་མཁའ་སྤྱོད་འགྲུབ་པར་འགྱུར་རོ། །རླུང་གིས་ཡིད་བསད་པ་ལ་ཟླ་བའི་སྦྱོར་བ་བྱ་བ་ནི་སྔགས་ཀྱི་སྦྱོར་བ་རྣམ་པར་བྱེད་པས་སྐད་ཅིག་ཙམ་གྱིས་ཀྱང་འཕྲོག་སྟེ།
D440.081.0085b01.01ལག་པ་རབ་ཏུ་གཅག་པར་བྱའོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་རྣལ་འབྱོར་གྱི་ལེའུ་སྟེ་བཞི་བཅུ་རྩ་བཞི་པའོ།། །།འདིར་རྣལ་འབྱོར་པ་གཟའ་རྣམས་ཀྱི་གཙོ་བོ་བསྒྲུབས་ནས་ཡང་དག་པའི་བདེ་བ་ཤིན་ཏུ་ཁྱབ་པར་བྱེད་པའི་སྦྱིན་བསྲེག་བྱ་སྟེ།
D440.081.0085b02.01བདག་ཉིད་ལ་གུར་གུམ་དང་། སྨན་ཧ་རེ་ཎུ་དང་ཁུ་བ་དང་དངུལ་ཆུ་རྣམས་ལུས་ལ་བྱུགས་ན་ཕས་ཀྱི་དཔུང་འཇོམས་པར་འགྱུར་རོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་ཕས་ཀྱི་དཔུང་འཇོམས་པའི་ལེའུ་སྟེ་བཞི་བཅུ་རྩ་ལྔ་པའོ།། །།གཞན་ཡང་ལྷ་མོས་གསོལ་
D440.081.0085b03.01པ། ཀྱེ་བཅོམ་ལྡན་འདས་ཉི་མ་གང་དང་གང་ལ་སྔགས་དང་སྨན་གྱི་ནུས་པ་འགྲུབ་པར་འགྱུར་གསུངས་ཤིག་ཉན་པར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ཉི་མ་ཐམས་ཅད་བཟང་པོ་ཡིན་ཏེ། འོན་ཀྱང་དུས་ཚོད་ལ་ལྟོས་པར་རིགས་པས་དེའི་ཕྱིར་དུས་
D440.081.0085b04.01ཚོད་བརྗོད་པར་བྱའོ། །ཉི་མ་ནི་ལྔ་པ་ལའོ། །ཟླ་བ་ནི་གཉིས་པ་ལའོ། །གཟའ་རྣམས་ཀྱི་གཙོ་བོ་ནི་བདུན་པ་ལའོ། །སྔགས་པ་ནི་བཞི་པ་ལའོ། །གཟའ་ལྷག་པ་ནི་གསུམ་པ་ལའོ། །མིག་དམར་ནི་དྲུག་པ་ལའོ། །སྤེན་པ་ནི་གཅིག་པ་ལ་སྟེ། རང་རང་གི་དུས་ཚོད་ངེས་
D440.081.0085b05.01པར་འགྲུབ་པར་འགྱུར་རོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་གཟུང་བ་དང་དོར་བའི་ལེའུ་སྟེ་བཞི་བཅུ་རྩ་དྲུག་པའོ།། །།གཞན་ཡང་ནང་གི་བདག་ཉིད་ཅན་གྱིས་རྨི་ལམ་བརྟགས་ལ་སེམས་ཅན་རྣམས་ཀྱི་རྨོངས་པ་དང་བྲལ་བའི་དུས་ཚོད་དང་རབ་ཏུ་ལྡན་པར་བྱ་བའི་
D440.081.0085b06.01ཕྱིར་གཟའ་དང་། སྐར་མ་དང་། ཚེས་གྲངས་ཀྱི་{གོ་རིམས་,གོ་རིམ་}བརྗོད་པར་བྱ་སྟེ། ནག་པོའི་ཕྱོགས་ཀྱི་བཅུ་བཞིའམ། བརྒྱད་དམ། བཅུའམ། ཚེས་གཅིག་རྣམས་ཀྱིས་རི་དང་། ཆུ་སྟོད་དང་། མེ་བཞི་དང་། སྐག་དང་། མཆུ་དང་། ནག་པ་དང་། ཐ་སྐར་དང་། བྲ་ཉེ་དང་། སྨིན་དྲུག་རྣམས་དང་རབ་ཏུ་ལྡན་
D440.081.0085b07.01