完整藏文原文 · 德格版页 当前仅加载第 81 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
སྤེན་པའི་ཚེ་ཤིང་ཨ་རྒའི་ལོ་མ་ལ་གཟའ་སྤེན་པ་བྲིས་ལ་དཔྲལ་བ་ལ་ཡི་གེ་ལྃ། མཆུ་ལ་ཡི་གེ་དཾ། ལག་པ་གཉིས་ལ་ཡི་གེ་མྃ། སྙིང་ཀར་མིང་། ལྟེ་བར་ཡི་གེ་སཿརྣམས་དེ་བཞིན་དུ་བྲི་བར་བྱས་ནས་མེ་ལ་བསྲོས་ན་ངེས་པར་གློ་ཡིས་ཐེབས་པར་འགྱུར་
D440.081.0075b01.01རོ། །ཚེས་བཅུ་གཅིག་གི་དུས་སུ་ཤིང་བ་ཌའི་ལོ་མ་ལ་ཁྲག་གིས་སྤྲེའུ་བྲིས་ལ་ལག་པ་གཉིས་ལ་ཡི་གེ་བཾ་བྲིས་ནས་ཤིང་ནཱ་ག་གེ་སར་ལ་བཅུག་སྟེ་ཐལ་ལྕག་བརྒྱབ་ན་དུས་ཐམས་ཅད་དུ་རྩོད་པ་འབྱུང་བར་འགྱུར་རོ། །དེ་རྣམས་ཀུན་གྱི་སྔགས་ནི། ཨོཾ་མཱཾ་ཧཱུཾ་ཨ་མུ་ཀཱ་
D440.081.0075b02.01སྲུཾ་ཕཊ་ཅེས་པ་འདི་བསྒྲགས་ན་ངེས་པར་འགྲུབ་སྟེ། དེ་རྣམས་ཐམས་ཅད་སྡུག་བསྔལ་སྟེར་བར་གོ་བར་བྱའོ། །ནག་པོའི་བརྒྱད་ཀྱི་དུས་སུ་གྲོ་གའི་ལོ་མ་ལ་རྒྱ་སྐྱེགས་དང་བ་བླ་དག་གིས་གཟའ་སྒྲ་གཅན་བྲིས་ལ། ས་ལ་ཡི་གེ་རཾ་གསུམ། དཔྲལ་བ་ལ་ཡི་གེ་
D440.081.0075b03.01ཧྲིཿ། མགོ་ལ་མིང་རྣམས་བྲིས་ཏེ་མེ་ལ་བསྲོས་ན་མགོ་ནད་འབྱུང་ཞིང་ཉིན་ཞག་གསུམ་ན་དབང་པོ་ཆེན་པོའི་རིམས་འབྱུང་བར་འགྱུར་རོ། །ཆུར་བཅུག་ནས་སླར་རབ་ཏུ་ཞི་བར་འགྱུར་རོ། །ཤིང་ཨརྐའི་ལོ་མ་ལ་བ་བླའི་སེང་གེ་བྲིས་ལ་ས་ལ་ཡི་གེ་དེ་བཞི་ལྕེ་ལ་ཡི་གེ་ཧཱུྃ་ལས་
D440.081.0075b04.01མིང་དང་སྔགས་རྣམས་བྲིས་ནས་བ་ལང་ཆུ་ལ་བཅུག་ན་དུག་གི་ཆུ་བུར་འབྱུང་བར་འགྱུར་རོ། །འོ་མས་སླར་རབ་ཏུ་ཞི་བར་འགྱུར་རོ། །ཤིང་བ་ཌའི་ལོ་མ་ལ་བསེ་རུའི་ཁྲག་གིས་ཆུ་བདག་བྲིས་ལ། ལྟོ་བ་ལ་སྔགས། ལྕེ་ལ་ཡི་གེ་ཧླིཾ། མགོ་ལ་ཡི་གེ་ཙྃ་དང་མིང་རྣམས་བྲིས་
D440.081.0075b05.01ཏེ་གཙང་པོ་ལ་བཅུག་ན་སྦྲུལ་གྱིས་གསོད་པར་འགྱུར་རོ། །གང་གིས་གསོ་བར་འདོད་ན་སྟེང་དུ་ལག་པས་བཟུང་ངོ་། །ཚེས་ལྔའམ་བཅུ་གསུམ་ལ་ཤིང་བ་ཌིའི་ལོ་མ་ལ་བྱང་སེམས་ཀྱིས་སྒུར་ལ་རྒས་པ་བྲིས་ལ་བྲང་ལ་ཡི་གེ་ཏྲཱཾ། སྙིང་ག་ལ་མིང་རྣམས་བྲིས་ནས་ཆུ་ལ་བཅུག་
D440.081.0075b06.01ན་ངེས་པར་སྒུར་པོར་འགྱུར་རོ། །རྗེ་བཙུན་གྱིས་གང་གསུངས་པ་དེས་ཚེགས་མེད་པར་འགྲུབ་སྟེ། རྗེས་སུ་གནང་ནས་བྱེད་པས་ཇི་ལྟར་བསྒྲུབས་པ་ལྟར་འགྲུབ་པར་འགྱུར་རོ། །བརྗོད་བྱའི་གཙོ་བོར་ཐམས་ཅད་ཀྱི་ལུས་རྣམས་བཤིག་པར་བྱེད་པ་ཅིའི་ཕྱིར་ན་སྒྲུབ་པ་པོ་སངས་རྒྱས་
D440.081.0075b07.01