完整藏文原文 · 德格版页 当前仅加载第 81 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བྷྃ་ག་ལའི་རི་ཁྲོད་པ་རྣམས་ཀྱི་དཔོན་པོའི་ཆུང་མར་སྐྱེས་ནས་ལྷ་མོ་ཙུན་དཱ་ལ་མཆོད་པ་བྱེད་པར་འགྱུར་རོ། །དེ་ནས་སྐྱེ་བ་བརྒྱད་ན་ཀཱ་མ་རཱུ་པའི་རྒྱལ་པོར་སྐྱེས་ཏེ། བཙུན་མོ་བཞི་བརྒྱ་དང་། ཕོ་བྲང་དགུ་དང་། འབྲུ་སྣ་ཚོགས་ཚང་བ་དང་།
D440.081.0067a01.01ཨ་ག་རུ་ནག་པོ་རྣམས་དང་ལྡན་པ་འབྱུང་བར་འགྱུར་རོ། །དེའི་ལྷོ་ཕྱོགས་སུ་མ་གན་དྷ་རི་ཞེས་པའི་ཚོང་འདུས་འབྱུང་སྟེ། ལོ་འབུམ་ཕྲག་བརྒྱའི་བར་དུ་གནས་སོ། །ཕྱི་ནས་དེ་དཔལ་གྱི་ཚོང་འདུས་ཞེས་པར་གྱུར་ནས་འགྲོ་སྟེ་དེའི་ལྔ་ཆ་གཅིག་ལྕི་བ་དང་ཡང་བ་
D440.081.0067a02.01དང་། གཞོན་པའི་ཨ་ག་རུ་ནག་པོ་འབུམ་ཕྲག་དང་ལྡན་པར་འགྱུར་བ་དང་། ལོ་བརྒྱ་ཕྲག་སུམ་ཅུ་སོ་གཉིས་ཀྱི་བར་དུའོ། །ཀཱ་མ་རཱུ་པའི་ཤར་ལྷོ་མཚམས་ཀྱི་རི་ཀུ་ཧ་ར་ཞེས་པར་ཇི་སྲིད་ཉི་ཟླ་གནས་ཀྱི་བར་དུ་གནས་པ་ཧ་ན་མནྟ་ཞེས་པ་འབྱུང་ངོ་། །དེའི་ལྷོ་ཕྱོགས་
D440.081.0067a03.01སུ་རྒྱལ་པོ་ཡང་དག་པའི་དོན་ཅན་ཞེས་པ་ར་མ་དང་། ལ་ཁྨ་ཎའི་ཕ་ཤིང་རྟ་བཅུ་པ་དང་། ཨ་ཛ་ཏིའི་བུ་བཱ་ལི་དང་པུ་དྲི་བ་དང་། ཐམས་ཅད་ཡོངས་སུ་བྱེད་པ་བྷུ་ཛཾ་ག་པོ་ད་དྷི་ཀ་རྣམས་ཀྱི་བར་འདོད་ཆགས་དང་། གཏི་མུག་དང་། མྱ་ངན་གསུམ་གྱིས་བསྐྱེད་ནས་
D440.081.0067a04.01རྒྱལ་པོར་འགྱུར་རོ། །དེའི་ནུབ་ཕྱོགས་སུ་བ་སུ་དེ་བའི་སྤྲུལ་བ་པཱཎྜུ་ཞེས་པ་རྟགས་ལྔ་འཛིན་པ་ལག་པས་དབྱུག་པ་མ་བཟུང་བར་འདུལ་བར་ནུས་པ་འབྱུང་བ་དང་། ལྷ་མ་ཡིན་གྱི་རྒྱལ་པོ་བཱ་ལའི་རིམ་པ་འབྱུང་སྟེ། དེ་དག་གི་ཡུལ་ཚོས་བསྐོར་བ་འབྱུང་བར་
D440.081.0067a05.01འགྱུར་རོ། །དེའི་དབུས་སུ་པ་ཏི་ཀོ་ར་ཀ་ཞེས་པའི་ཡུལ་དུ་བུ་དང་བུའི་བུ་ལ་སོགས་པའི་རྒྱལ་པོ་ལོ་ལྔ་བཅུ་ལྷག་པའི་ལྔ་བརྒྱའི་བར་ལ་ལྷ་རུ་ཕྱུགས་བདག་མཆོད་པ་འབྱུང་བར་འགྱུར་ཏེ། དེ་རྣམས་ནི་གནས་སྐབས་ཀྱི་རྒྱལ་པོ་པཱ་ལ་ཞེས་པ་དང་ལྡན་པའི་
D440.081.0067a06.01བརྒྱུད་པ་ལྔ་བཅུ་འབྱུང་བར་འགྱུར་རོ། །དེའི་ལྷོ་ནུབ་ཏུ་གྲོང་ཁྱེར་བྷཎྜ་པུ་རི་ཞེས་པའི་རྒྱལ་པོའི་བཞུགས་ས་འབྱུང་སྟེ། དེར་རྒྱལ་པོ་བི་ཀྲ་མ་ཨ་དི་ཏྱ་ཞེས་པ་ཛམྦྷལའི་བཀའ་དྲིན་གྱིས་གྲུབ་པ་ཐོབ་པ་ལོ་བཞི་བརྒྱ་གནས་པར་འབྱུང་བ་དང་། གྲོང་ཁྱེར་དེ་རུ་
D440.081.0067a07.01