完整藏文原文 · 德格版页 当前仅加载第 81 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་གཉིས་པ་ན་གྲི་གུག །གསུམ་པ་ན་ཐོ་བ། བཞི་པ་ན་རྔ་མ་དཀར་པོ། ལྔ་པ་ན་གཤིན་རྗེའི་དབྱུག་པ། དྲུག་པ་ན་རྡོ་རྗེ། བདུན་པ་ན་ལོག་འདྲེན་གྱི་མཆེ་བ། བརྒྱད་པ་ན་གླང་པོ་ཆེའི་པགས་པ། གཡོན་གྱི་གཉིས་པ་ན་ཁྲག་གིས་བཀང་བའི་ཐོད་པ། གསུམ་པ་ན་རྩེ་གསུམ་པ།
D440.081.0053b01.01བཞི་པ་ན་རྔེའུ་ཆུང་། ལྔ་པ་ན་རྡོ་རྗེ། དྲུག་པ་ན་དྲིལ་བུ། བདུན་པ་ན་མ་ཧེའི་མགོ། བརྒྱད་པ་ན་གླང་པོ་ཆེའི་པགས་པ་ལྟོ་འཕྱང་བ། སྟག་གི་པགས་པས་རྐེད་པ་དཀྲིས་པ། རིགས་ཅན་གྱིས་དཔུང་པ་བརྒྱན་པ། མགོ་བོའི་ཕྲེང་བའི་དོ་ཤལ་འཕྱང་བ། རྐེད་པ་དང་མགྲིན་པ་
D440.081.0053b02.01ལ་སོགས་པ་རྣམས་ལ་དགའ་བོ་དང་། ནོར་རྒྱས་ལ་སོགས་པ་རྣམས་ཀྱིས་ཡོངས་སུ་བརྒྱན་ཞིང་། ཀླུ་ཐམས་ཅད་ཀྱིས་བརྒྱན་པ། མཁའ་འགྲོ་མ་བརྒྱད་ཀྱིས་ཡོངས་སུ་བསྐོར་བ། སྲེད་མེད་ཀྱི་བུ་ལ་སོགས་པ་རྣམས་ཀྱི་ཞབས་ལ་འཇུས་ནས་ཕྱག་བྱེད་པ། ཕེཾ་གྱི་སྒྲ་ཆེན་པོ་
D440.081.0053b03.01ཡོངས་སུ་སྒྲོགས་པ། ཀཱི་ལི་ཀཱི་ལའི་སྒྲ་དང་ལྡན་པ། འབྲུག་གི་སྒྲ་སྒྲོགས་པ། ཧ་ཧཱ་ཧི་ཧཱི་ཧེ་ཧཻ་ཧོ་ཧཽ་སྒྲ་རབ་ཏུ་འབྱུང་བ། ཤར་གྱི་འཕར་མ་ལ། གཏུམ་པའི་དབང་ཕྱུག་མ། ཙོཾ་གྱི་ས་བོན་ལས་བསྐྱེད་པ། ཕྱག་གཉིས་ཀྱིས་གྲི་གུག་དང་ཐོད་པ་འཛིན་པ། མགོ་བོའི་ཕྲེང་བའི་
D440.081.0053b04.01དོ་ཤལ་ཅན་ཁ་དོག་དཀར་མོ་མཆེ་བ་རྣམ་པར་གཙིགས་ཤིང་འཇིགས་པར་བྱེད་པ། ལྷོའི་འཕར་མ་ལ་[ཙརྩི་]ཀཱ་ཁ་དོག་ནག་མོ་ཀྃ་གི་ས་བོན་ལས་བསྐྱེད་པ། ཕྱག་གཉིས་ན་གྲི་གུག་དང་ཐོད་པ་འཛིན་པ། ལྷག་མ་སྔར་བཞིན། ནུབ་ཀྱི་འཕར་མ་ལ་ཀཱ་ལི་ཀཱ། ལྃ་གྱི་ས་བོན་ལས་བསྐྱེད་
D440.081.0053b05.01པ་གཡས་གཡོན་ན་རྩེ་གསུམ་པ་དང་ཐོད་པ། ལྷག་མ་རྣམས་སྔར་བཞིན་ནོ། །བྱང་དུ་རིགས་ཀྱི་དབང་ཕྱུག་མ། རྃ་གྱི་ས་བོན་ལས་བསྐྱེད་པ་ཁ་དོག་སེར་མོ། གཡས་པ་གྱེན་དུ་བསྒྲེང་བ། གཡོན་པ་ན་ཐོད་པ་ཐོགས་པ། ལྷག་མ་ནི་སྔ་མ་བཞིན་ནོ། །ལྷ་མོ་ཐམས་ཅད་སྤྱན་
D440.081.0053b06.01གསུམ་པ། མགོ་བོའི་ཕྲེང་བ་རབ་ཏུ་འཕྱང་བ། ཀླུ་བརྒྱད་ཀྱིས་ཡང་དག་པར་བརྒྱན་པ། རོའི་སྟེང་ན་ཞབས་གཡོན་བརྐྱང་བས་གནས་པ། དེ་བཞིན་དུ་གཅེར་བུ་སྐྲ་སིལ་བུ་འཇིགས་པར་བྱེད་པ། ཕྱིའི་སྣམ་བུ་ལ་ཆོམ་རྐུན་མ་ལག་པ་རྔ་མ་བཟུང་བ་ཁ་དོག་ནག་མོ། ཙྃ་གྱི་ས་
D440.081.0053b07.01