完整藏文原文 · 德格版页 当前仅加载第 81 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱོར་གྱི་བདག་ཉིད་དང་། དཔལ་ནག་པོ་ཆེན་པོའི་སྐྱེ་བོ་ལ་སོགས་པའི་དོན་དུ་སྐད་ཅིག་དང་ཅིག་ཤོས་གཞན་དང་གཞན་དུ་གང་བཀག་པ་དེ་ལ་དངོས་གྲུབ་མི་འཇུག་གོ། །དང་པོ་གོམས་པའི་དུས་སུ་དངོས་གྲུབ་ཀྱི་མཆོག་གི་གནས་བརྟག་པར་བྱ་སྟེ། གང་དུ་གྲུབ་པའི་གནས་
D440.081.0052b01.01དེའམ། སྔགས་པ་རང་གི་ཁྱིམ་མམ། ཐང་སྟོང་ངམ། ཕྱི་རོལ་བླ་གབ་མེད་པའམ། དབེན་པའི་ཕྱོགས་སམ། དེར་མཉམ་པར་གཞག་སྟེ། ཁང་སྟོང་དུ་རྟག་ཏུ་བསྒོམ་པར་བྱའོ། །ཕྱག་བཅུ་དྲུག་པ། རྣལ་འབྱོར་མ་བརྒྱད་ཀྱིས་བསྐོར་བ། ཡང་དག་པར་ལྡན་
D440.081.0052b02.01པ་དེའི་འཁོར་རྣམས་སྲེད་མེད་ཀྱི་བུ་ལ་སོགས་པས་ཀྱང་ཡོངས་སུ་གང་བ་བསྒོམ་པར་བྱའོ། །དངོས་གྲུབ་བསྒྲུབ་པ་ཞེས་ངས་བསམ་པར་བྱའོ། །རིགས་ལྔ་ལ་བཞུགས་པ། ཤེས་རབ་ཀྱིས་ཀྱང་མཉམ་པར་སྦྱོར་བའོ། །རྣལ་འབྱོར་པས་རྟག་ཏུ་བཟའ་བ་ནི་ཤ་ཆེན་ནམ།
D440.081.0052b03.01བ་ལང་དང་། ཁྱི་དང་། མི་ལ་སོགས་པ་ཤ་ལྔ་དང་། བདུད་རྩི་ལྔ་རྣམས་རྟག་ཏུ་བཟའ་བར་བྱའོ། །འདིར་དངོས་གྲུབ་འདོད་པའི་རྣལ་འབྱོར་པ་རྣམས་ཀྱིས་དངོས་གྲུབ་སྒྲུབ་བོ། །གང་རིགས་ལྔ་ལ་གནས་པས་བ་སེར་སྐྱའི་ཤ་བཟའ་བར་བྱའོ། །དེ་ནས་བདག་གི་སེམས་
D440.081.0052b04.01ཀྱིས་ནག་པོ་ཆེན་པོ་བསྒོམ་པར་བྱའོ། །རྣལ་འབྱོར་པས་ཕྱག་བཅུ་དྲུག་པ། རྟག་ཏུ་དེ་ཉིད་ཀྱིས་བྱེད་པ་བརྗོད་པར་བྱའོ། །གང་དང་གང་དུ་ཕྱག་གཉིས་པ་བསྒོམས་པས་དངོས་གྲུབ་ཐམས་ཅད་བསྒྲུབ་པའི་དོན་ནོ། །ཕྱག་རྒྱ་བསྒྲུབ་པ་རབ་ཏུ་འབད་པ་ཡིས་ཕྱི་ནས་དུས་
D440.081.0052b05.01འདིར་དངོས་གྲུབ་ཐམས་ཅད་ངེས་པའོ། །དངོས་པོ་བསྒོམ་པ་བསྒོམ་པ་མེད་པའོ། །རྟག་ཏུ་དངོས་གྲུབ་ཀྱི་ཡེ་ཤེས་ཉེ་བར་འཐོབ་པའོ། །གང་དངོས་གྲུབ་ཐོབ་པའི་རྣམ་པ་ཇི་ལྟར་འགྱུར། དེ་ནས་དང་པོ་མཆོད་པ་ཉེ་བར་བྱ་སྟེ། དྲི་སྣ་ཚོགས་པ་ལ་སོགས་པ་
D440.081.0052b06.01སྤོས་དང་མེ་ཏོག་ཕྲེང་བ་ལ་སོགས་པའོ། །སྙིང་གར་ཧཱུྃ་ཡིག་བལྟས་ལ་མཆོད་པ་ལ་སོགས་པ་བྱས་ནས་མདུན་དུ་བལྟ་བར་བྱའོ། །སྡིག་པ་བཤགས་པ་ལ་སོགས་པ་བྱས་ནས་ཚངས་པའི་གནས་བཞི་བསྒོམ་པར་བྱའོ། །ལག་པ་ལ་དགོད་པ་ལ་སོགས་པ་བྱ་སྟེ། ལག་
D440.081.0052b07.01