完整藏文原文 · 德格版页 当前仅加载第 81 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
དང་གང་དུ་ང་ཡིས་གནས་བསྟན་པ། དེ་དང་དེ་ནི་སངས་རྒྱས་ཀྱིས་བྱིན་གྱིས་བརླབས་པའོ། །གནས་གཞན་རྣམས་ནི་སངས་རྒྱས་མ་ཡིན་པའི་ལྷ་རྣམས་ཀྱིས་རྣམ་པར་བརྟགས་པའོ། །གང་གྲུབ་པ་ཐོབ་པ་ཐམས་ཅད་ཀྱི་མིང་གནས་ཀྱིས་བརྟགས་
D440.081.0070a01.01སོ། །སྡིག་པ་རེ་རེ་དག་པར་བྱེད་པ་གང་དང་གང་ལ་ཡོད་པ་དེ་དང་དེ་ཏིང་ངེ་འཛིན་ནོ། །བུམ་པ་གསུམ་ལ་སོགས་པ་རྣམས་དང་། གང་དང་གང་ལ་ཕུང་པོ་ལྔ་རྣམས་ཡོད་པ་ལ་ལུས་ཞེས་བྱ་སྟེ། རྒྱལ་པོ་དང་རྒྱལ་སྲིད་རྣམས་དང་། རྣལ་འབྱོར་པ་དང་། རྣལ་འབྱོར་
D440.081.0070a02.01མ་རྣམས་ལ་དབུགས་དབྱུང་བ་དང་། དབུགས་འཇུག་པས་དག་པ་ནི་དཔེར་ན་དབང་པོ་དང་ཡུལ་བཞིན་ནོ། །བདེ་བར་གཤེགས་པའི་ལམ་དང་འབྲེལ་པ་ལ་སྐྱབས་སུ་གང་འགྲོ་བ་དེས་སྐྱེ་བ་འདི་ལ་བསྒྲུབ་པར་བྱས་པ་ཐམས་ཅད་འགྲུབ་བོ། །གང་གིས་རྒྱལ་པོའི་
D440.081.0070a03.01གཏམ་རྒྱུད་འདི་བཀླགས་ན་དེས་ལྐོག་ཏུ་གྱུར་པའི་ཡེ་ཤེས་འཐོབ་བོ། །ལེའུ་སུམ་ཅུ་སོ་དྲུག་པར་རྩིས་ཀྱི་ཡེ་ཤེས་བརྗོད་པར་བྱ་སྟེ། འདས་པ་དང་། མ་འོངས་པ་དང་། ད་ལྟར་བ་ཇི་ལྟར་ཤེས་པ་དེའི་བྱ་བ་བྱེད་དོ། །ཀྱེ་ལྷ་མོ་ལེའུ་ཉི་ཤུ་རྩ་ལྔ་པ་ལ་སོགས་པར་མིང་གང་
D440.081.0070a04.01གིས་ཐམས་ཅད་ཤེས་པར་བྱེད་པར་ནུས་པ་དེའི་དུས་ཀྱི་ཡེ་ཤེས་སོ། །དེ་ལྟར་ཐམས་ཅད་བདུད་ཀྱིས་བསླུས་པར་མི་འགྱུར་རོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་རྒྱལ་པོའི་གཏམ་རྒྱུད་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་བཅོམ་ལྡན་འདས་
D440.081.0070a05.01ཀྱིས་བཀའ་སྩལ་པ། བསྒྲུབ་པར་བྱ་བ་རྒྱལ་པོ་འདོད་པས་རྒྱལ་པོ་ལ་བལྟ་བར་བྱའོ། །བསྒྲུབ་པར་བྱ་བ་དངུལ་ཆུ་འདོད་པས་དངུལ་ཆུ་ལ་བལྟ་བར་བྱའོ། །བསྒྲུབ་པར་བྱ་བ་ལུས་གྲུབ་པར་འདོད་པས་ལུས་ལ་བལྟ་བར་བྱའོ། །བསྒྲུབ་པར་བྱ་བ་དེ་ཁོ་ན་འདོད་པས་དེ་ཁོ་ན་ལ་
D440.081.0070a06.01བལྟ་བར་བྱའོ། །བསྒྲུབ་པར་བྱ་བ་འདོད་པའི་ཡོན་ཏན་འདོད་པས་འདོད་པའི་ཡོན་ཏན་ལ་བལྟ་བར་བྱའོ། །ལྷ་མོ་དེའི་ཕྱིར་བསྒྲུབ་བྱ་གཅིག་གྲུབ་ནས་ཐམས་ཅད་ཚེགས་མེད་པར་འགྲུབ་བོ། །དེ་སྤངས་པའི་གཞན་སྒྲུབ་པ་རྣམས་འབྲས་བུ་མེད་པ་ལ་འབད་རྩོལ་བྱེད་པའོ།
D440.081.0070a07.01