完整藏文原文 · 德格版页 当前仅加载第 80 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་པ་ཡིན། །སེམས་ཉིད་ནམ་མཁའ་ལྟ་བུའོ། །གཟུགས་སོགས་ཁ་དོག་གནས་པའི་ཕྱིར། །ཐ་མལ་པ་ཡི་ལུས་སུ་སྣང་། །རྣམ་པར་དག་པས་ལྟ་ཉིད་དུ། །བླ་མའི་ཞལ་སྔའི་བཀའ་དྲིན་ནོ། །ལྷ་མོས་གསོལ་བ། མགོན་པོ་བླ་མ་ཇི་ལྟ་བུ། །སློབ་མ་
D422.080.0127a01.01ཡང་ནི་ཅི་འདྲ་བ། །རྒྱུད་ཀྱི་རིམ་པ་ཇི་ལྟར་ལགས། །རེ་ཞིག་རྒྱུད་ནི་ཇི་ལྟར་གསུངས། །དཔལ་ཡེ་ཤེས་ཐིག་ལེ་ལས། དཔལ་ཡེ་ཤེས་ཐིག་ལེའི་ཚད་དང་། གནས་དང་། ས་བསྟན་པའི་དོན་དང་། ཕུང་པོ་རྣམ་པར་དག་པ་ཞེས་བྱ་བའི་ལེའུ་སྟེ་{བཅྭ་,བཅོ་}བརྒྱད་པའོ།། །།དེ་
D422.080.0127a02.01ནས་ཡང་ནི་བཤད་བྱ་བ། །བླ་མ་སློབ་མའི་མཚན་ཉིད་ནི། །བླ་མ་ཐ་མ་པ་དངོས་བྲལ་ཡོན་ཏན་ལྡན། །གཞན་མིན་མཆོག་གི་དབང་གིས་དབང་བསྐུར་སྐུ། །ཐུགས་རྗེ་དང་ལྡན་ཤིན་དུ་རླབས་ཆེའི་སེམས། །དེ་ཉིད་ཤེས་པ་ལོག་པའི་ང་རྒྱལ་མེད། །བླ་མ་ཡུལ་གྱིས་མ་
D422.080.0127a03.01གོས་དམུ་རྒོད་མ་ཡིན་པ། །རྒྱུད་ལུང་བསྟན་བཅོས་དུ་མའི་ཕ་རོལ་ཕྱིན། །ཡན་ལག་མཚན་མཆོག་ཀུན་གྱིས་ཤིན་ཏུ་བརྒྱན། །དཀྱིལ་འཁོར་འདྲི་དང་དབང་གི་རིམ་ལ་མཁས། །བླ་མ་ཡིད་ཐུབ་སྲིད་པའི་འཇིགས་བྲལ་ཞིང་། །མྱ་ངན་འདས་ལ་འདོད་པའི་ཡིད་དང་
D422.080.0127a04.01བྲལ། །དངོས་པོ་ཆུ་ཟླ་ལྟ་བུར་ཉིད་ཀྱིས་མཐོང་། །དྲུག་ལྷག་བཅུ་ཡིས་སྟོང་ལ་གཅིག་ཏུ་སེམས། །བླ་མཆོག་ཉོན་མོངས་མེད་ཅིང་སྐྱེ་བ་མེད། །ཕུང་པོ་ལ་སོགས་སྐྱེ་མཆེད་ཁམས་དང་བྲལ། །མཆོག་དང་དགའ་བྲལ་གཉིས་ཀའི་དབུས་ན་བཞུགས། །དེ་ལྟའི་དཔལ་
D422.080.0127a05.01བླ་རྡོ་རྗེ་རྒྱལ་པོ་ཉིད། །སློབ་མ་ཁྲིམས་ལྡན་དུལ་ཞིང་དད་པ་ཅན། །རླབས་ཆེན་ཟབ་མོའི་ཐེག་པ་བསྙེན་པར་བྱེད། །རྣམ་རྟོག་འདམ་གྱིས་རྟག་ཏུ་མ་གོས་ཤིང་། །མཁས་ཤིང་བློ་རྣོ་ཐུགས་རྗེའི་བདག་ཉིད་ཅན། །སྤྱན་{རིངས་,རིང་}བཟང་མོ་འདི་ལྟ་བུ་དག་གི། །བླ་མ་དང་
D422.080.0127a06.01ནི་སློབ་མ་རྣམ་གཉིས་ཀྱི། །མཚན་ཉིད་དང་ནི་ལེགས་པར་བརྟག་པ་ནི། །ཇི་ལྟའི་དོན་གྱིས་རབ་ཏུ་གསལ་བའོ། །དཔལ་ཡེ་ཤེས་ཐིག་ལེ་ལས་བླ་མ་དང་སློབ་མའི་མཚན་ཉིད་བརྟག་པ་ཞེས་བྱ་བའི་ལེའུ་སྟེ་བཅུ་དགུ་པའོ།། །།དེ་ནས་གཞན་ཉོན་བདག་གིས་བཤད། །
D422.080.0127a07.01