完整藏文原文 · 德格版页 当前仅加载第 80 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེང་དུ་བགྲད་པས་བདེ་བར་བཞུགས། །གཡས་བརྐྱང་བ་ཡི་གར་དང་ལྡན། །གསང་བའི་དོན་གནས་བརྡ་བྱེད་པ། །མཁའ་འགྲོ་མ་ཡི་ཚོགས་ཀྱིས་བསྐོར། །དུར་ཁྲོད་བརྒྱད་ཀྱི་དབུས་ན་བཞུགས། །རྡོ་རྗེ་དྲིལ་བུ་གཉིས་མེད་སྦྱོར། །ཚངས་པ་ཡི་ནི་
D422.080.0114a01.01པགས་པས་ཁེབས། །མདའ་གཞུ་འཁོར་ལོ་རིན་པོ་ཆེ། །རལ་གྲི་རྩེ་གསུམ་རྔེའུ་ཆུང་དང་། །ཟླ་བ་ཉི་མ་སྟ་རེ་སྣོད། །ཁ་ཊྭཱྃ་ག་དང་ཐོད་པའོ། །བཅོམ་ལྡན་འདས་མ་དེ་དང་འདྲ། །ཡང་ན་ཕྱག་ནི་གཉིས་མའོ། །རྡོ་རྗེ་གྲི་གུག་འཛིན་པས་འཁྱུད། །ཞི་བ་སྤྱན་ནི་
D422.080.0114a02.01གསུམ་པའོ། །ནང་གི་འཕར་མ་དགྱེས་པ་ནི། །ཟླ་བ་གང་བ་བཞིན་དུ་དག །སྣ་ཚོགས་པདྨ་ཡི་ནི་གཞི། །འདབ་མ་བརྒྱད་ཀྱིས་རྣམ་པར་མཛེས། །ཕྱི་མ་གྲུ་བཞི་རུ་ནི་གྲགས། །སྣ་ཚོགས་རྡོ་རྗེའི་སྟེང་དུའོ། །{ཡི་དགས་,ཡི་དྭགས་}ཆེན་པོའི་ཕྲེང་བས་ལྡན། །སྣ་ཚོགས་
D422.080.0114a03.01དཔའ་བོས་ཉེ་བར་མཛེས། །སྣ་ཚོགས་པ་ཡི་ཤིང་གིས་བསྐོར། །སྣ་ཚོགས་རྣལ་འབྱོར་མ་དང་ལྡན། །དེའི་ནང་དུ་གྲུ་གསུམ་གྱི་ཕྱག་རྒྱའི་གྲྭ་ནི་དཔལ་ཨཽ་རྒྱན་དང་ཛ་ལན་དྷར་དང་། པུ་ལཱི་ར་སྟེ། མགོ་བོ་དང་། གཙུག་པུད་དང་། སྤྱི་བོར་ལེགས་དགྱེས་རྡོ་རྗེ་མ་དང་། རྡོ་རྗེ་
D422.080.0114a04.01འཚེད་མ་དང་། རྡོ་རྗེ་གླང་ཆེན་མ་བཅོམ་ལྡན་འདས་ལ་སྐུལ་བར་བྱེད་ཅིང་ཕྱག་གི་འཕར་མ་འབར་བར་རོ་མཆོག་ཆེན་པོའི་སྣོད་ཀྱིས་མཆོད་སྦྱིན་འབུལ་བར་བྱེད་ཅིང་ཚངས་པའི་བུ་གར་རྩེ་སྦྱར་གྱི་ཕྱག་རྒྱ་བྱེད་པ་སྟེ་མཐེའུ་ཆུང་ལུ་གུ་རྒྱུད་དུ་སྦྲེལ་ཏེ་ལྷག་མས་མཐེ་བོང་མནན་ནས།
D422.080.0114a05.01མཛུབ་མོ་སྦྱར་བ་འོག་ཏུ་བཅིངས་པའི་སྐུ་{ཡི་དགས་,ཡི་དྭགས་}ཆེན་པོའི་སྟེང་ན་གཡོན་བརྐྱང་བས་གནས་པ། སྤྱན་གསུམ་པ། སྐྲ་གྲོལ་ཞིང་ན་བཟའ་གྲོལ་བ། ཆུ་སྐྱེས་རྒྱས་པ། བཅོམ་ལྡན་འདས་ལ་བལྟ་ཞིང་བཞུགས་པའོ། །ཤར་གྱི་ཕྱོགས་སུ་སྣ་ཚོགས་པདྨ་འདབ་མ་བརྒྱད་
D422.080.0114a06.01པའི་ལྟེ་བར་ཀཱམ་རཱུ་པ་སྟེ། སྨིན་མའི་དབུས་སུ་འཇིགས་མའོ། །དེའི་ཤར་གྱི་འདབ་མར་མཱ་ལ་ཝ་སྟེ་སྣའི་རྩེ་མོར་དཔའ་མོའོ། །བྱང་གི་འདབ་མར་སིན་དྷུ་སྟེ་མིག་གཉིས་སུ་ཆང་འཐུང་མའོ། །ནུབ་ཀྱི་འདབ་མར་ནཱ་ག་ར་སྟེ་རྣ་བ་གཉིས་སུ་འཇིགས་བྱེད་མའོ། །ལྷོ་ཡི་འདབ་
D422.080.0114a07.01