完整藏文原文 · 德格版页 当前仅加载第 80 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡི་ལྔ་པས་སོ། །དྲུག་པ་ཡི་ནི་ཐིམ་པ་འབྱུང་། །བཅུ་དྲུག་པ་ཡི་དྲུག་པས་སོ། །འདུན་པ་ཡི་ནི་རབ་མཆོད་དབང་། །མར་ངོ་ཡི་ནི་བརྒྱད་པ་དང་། །དབྱངས་ཡིག་བརྒྱད་པོས་མཆོད་པར་བྱ། །དགུ་པ་ཡི་ནི་ལོངས་སྤྱོད་འབྱུང་། །བཅུ་དྲུག་པ་ཡི་དགུ་པས་སོ། །བཅུ་བ་ཡི་ནི་ཐིམ་པ་
D422.080.0105b01.01འབྱུང་། །དབྱངས་ཡིག་གི་ནི་བཅུ་པས་སོ། །བཅུ་གཅིག་པ་ཡི་དབང་ཡིན་ཏེ། །བཅུ་གཅིག་པ་ཡིས་མཆོད་པར་བྱ། །བཅུ་གཉིས་ཀྱི་ནི་ཐིམ་པ་འབྱུང་། །དབྱངས་ཡིག་བཅུ་གཉིས་པོ་ཡིས་སོ། །བཅུ་གསུམ་པ་ཡི་ལོངས་སྤྱོད་ནི། །དེ་གཉིས་ཀྱིས་ནི་མཆོད་པར་བྱ། །བཅུ་བཞི་
D422.080.0105b02.01ཡིས་ནི་ཐིམ་པར་འགྱུར། །དབྱངས་ཡིག་བདུན་པ་གཉིས་ཀྱིས་མཆོད། །ཉ་གང་བ་ལ་དབང་ཡིན་ཏེ། །དབྱངས་ཡིག་{བཅྭ་,བཅོ་}ལྔ་པ་ཡིས་སོ། །བྱང་ཆུབ་སེམས་འབྱུང་མཆོད་པ་ཡིན། །ཡར་ངོ་མར་ངོ་བྱེ་བྲག་ཏུ། །ཤེས་རབ་ཐབས་ནི་རབ་ཏུ་སྦྱོར། །སྐུ་གསུམ་ཡེ་ཤེས་དཀྱིལ་
D422.080.0105b03.01འཁོར་ནི། །ཚེས་དང་ཡི་གེ་སྔགས་ཀྱིས་སུ། །རི་བོང་ཅན་ནི་འཕེལ་བར་འགྱུར། །ཐིག་ལེའི་ནམ་མཁའ་འགོག་པ་ཡིས། །རང་བཞིན་དེ་ནི་འབྱུང་བར་འགྱུར། །ཐིག་ལེའི་རང་བཞིན་ཡེ་ཤེས་ནི། །སངས་རྒྱས་ཀུན་གྱིས་ཀྱང་རྙེད་དཀའ། །བདག་གིས་བཀའ་དྲིན་རང་
D422.080.0105b04.01བཞིན་མྱུར། །ཐེ་ཚོམ་མེད་པར་རྙེད་པ་ཡིན། །བླུན་པོ་གང་གིས་བདག་མི་ཤེས། །བསམ་གཏན་རགས་ལ་རྟག་མོས་པ། །དེ་རྣམས་ཀུན་ནི་གྲུབ་པ་མེད། །ལྷ་ཡི་དབང་ཕྱུག་བདེན་པའོ། །ས་ཀུན་དབང་ཕྱུག་གིས་བདག་པོ། །ས་ཀུན་དབང་ཕྱུག་མངའ་བདག་པོ། །ས་ཀུན་
D422.080.0105b05.01དབང་ཕྱུག་གི་རྒྱལ་པོ། །ཐམས་ཅད་བདག་ཉིད་ཀུན་ནང་བདག །ཐམས་ཅད་ཁྱབ་པ་རྟག་ཏུ་སྟོང་། །སངས་རྒྱས་ཀུན་གྱིས་ཕྱག་མཛད་པ། །ཤེས་རབ་ཐབས་ཀྱི་རང་བཞིན་གྲགས། །འགྲོ་མེད་འགྲོ་ལ་བདག་ཉིད་རོལ། །མཆོག་གི་ནམ་མཁའ་མཐའ་མེད་པ། །མཚན་ཉིད་
D422.080.0105b06.01དང་བྲལ་གཞི་དང་བྲལ། །ལྷ་ཡི་དབང་རྣམས་ཐུབ་དབང་རྣམས། །རྡོ་རྗེ་ཅན་ཡང་རྙེད་དཀའ་བ། །ཆོས་དང་ལོངས་སྤྱོད་བདག་གིས་མཐའ། །ཡེ་ཤེས་རྣམ་ཤེས་ངོ་བོ་དག །རྡོ་རྗེ་ཅན་དང་སངས་རྒྱས་ཀུན། །ལྷ་ཡི་དབང་ཕྱུག་རྙེད་པར་སླ། །རྣམ་པ་མཆོག་གི་ཡེ་ཤེས་སྐུ། །སུས་
D422.080.0105b07.01