完整藏文原文 · 德格版页 当前仅加载第 80 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
གཡོན་གཉིས་ན་ཐོད་པ་དང་དབྱུག་པའོ། །ལྷོ་ཕྱོགས་ཀྱི་རྩིབས་ལ་ཤེས་རབ་མཐར་བྱེད་དཀར་པོ་གཡས་ཀྱི་ཞལ་དམར་བ། གཡོན་སྔོ་བ། ཕྱག་གཡས་པ་གཉིས་ཀྱིས་དབྱུག་པ་དང་རལ་གྲི། །ཕྱག་གཡོན་པ་གཉིས་ན་མཚོན་རྩེ་གཅིག་པ་དང་མགོ་བོའོ། །ནུབ་
D422.080.0102a01.01ཏུ་པདྨ་མཐར་བྱེད་དམར་པོ་ཞལ་གཡས་དཀར་ཞིང་གཡོན་སྔོན་པོ། གཡས་དང་གཡོན་གྱི་ཕྱག་བཞིན་རལ་གྲི་དང་། འཁོར་ལོ་དང་། ཟླ་བ་ཕྱེད་པ་དང་། རི་རབ་ཟུར་བརྒྱད་པའོ། །བྱང་དུ་བགེགས་མཐར་བྱེད་སྔོན་པོ་གཡས་དང་གཡོན་གྱི་ཞལ་གཉིས་ནི་དཀར་པོ་དང་དམར་པོའོ། །གཡས་
D422.080.0102a02.01དང་གཡོན་གྱི་ཕྱག་བཞིན་རྡོ་རྗེ་རྒྱ་གྲམ་དང་། རལ་གྲི་དང་། མདུང་ཐུང་དང་དུང་ངོ་། །མེའི་མཚམས་སུ་འདོད་པའི་རྒྱལ་པོའི་གཟུགས་ཅན་གཡས་དང་གཡོན་གྱི་ཞལ་གཉིས་ནི་དཀར་བ་དང་དམར་བ། གཡས་ཀྱི་ཕྱག་གཉིས་ན་རལ་གྲི་དང་རིན་པོ་ཆེ། ཕྱག་གཡོན་ན་སྟ་རེ་དང་མདུང་ཐུང་ངོ་། །
D422.080.0102a03.01སྲིན་པོའི་མཚམས་སུ་དབྱུག་བ་སྔོན་པོ་ཆུ་སྲིན་འཛིན་སེར་པོའི་གཟུགས། གཡས་དང་གཡོན་གྱི་ཞལ་ལྗང་བ་དང་དམར་བ། ཕྱག་གཡས་གཉིས་ན་རྒྱ་གྲམ་རྩེ་གསུམ་དང་རལ་གྲི། ཕྱག་གཡོན་གཉིས་ན་སཱ་ལའི་ཤིང་ཆེན་པོ་དང་། དེ་བཞིན་དུ་མེའོ། །རླུང་མཚམས་སུ་སྟོབས་པོ་
D422.080.0102a04.01ཆེ་དུ་བའི་མདོག །གཡས་པ་དང་། གཡོན་པའི་ཞལ་གཉིས་ནི་སེར་བ་དང་དམར་པོ། ཕྱག་བཞི་ལ་རལ་གྲི་དང་དུང་དང་དགྲ་སྟ་དང་རྔ་མའོ། །དབང་ལྡན་གྱི་མཚམས་སུ་མི་གཡོ་མགོན་དཀར་ནག་ཞལ་གཡོན་དམར་པོ་དང་། གཡས་སྔོན་པོ། གཡས་གཡོན་གྱི་ཕྱག་བཞི་ན་
D422.080.0102a05.01རལ་གྲི་དང་ལྕགས་ཀྱུ་དང་པི་ཝང་དང་རྔེའུ་ཆུང་ངོ་། །སྟེང་དུ་གཙུག་ཏོར་འཁོར་ལོས་སྒྱུར་བ་སྐུ་མདོག་སེར་པོ་གཡས་དང་གཡོན་པའི་ཞལ་གཉིས་ནི་སྔོ་བ་དང་དཀར་བ། ཕྱག་བཞི་ན་འཁོར་ལོ་དང་། རལ་གྲི་དང་། ཀ་པཱ་ལ་དང་། ཁྭ་ཊྭཱྃ་གའོ། །འོག་ཏུ་སུམ་བྷའི་རྒྱལ་པོ་སྐུ་མདོག་ནམ་
D422.080.0102a06.01མཁའ་ལྟར་སྔོ་བ། གཡས་ཀྱི་ཞལ་མཐོན་མཐིང་ཆེན་པོའི་འོད་ཅན། གཡོན་པ་ནི་ཉི་མ་གཞོན་ནུའི་འོད་ཅན། གཡས་ཀྱི་ཕྱག་གཉིས་ན་རལ་གྲི་དང་ལྕགས་ཀྱུ། གཡོན་གཉིས་ན་གྲི་གུག་དང་ཐོད་པའོ། །ཐམས་ཅད་ཀྱི་རྩ་བའི་ཕྱག་གཉིས་ཀྱིས་རྡོ་རྗེ་དང་པདྨ་བསྣམས་པ། རང་གི་
D422.080.0102a07.01