完整藏文原文 · 德格版页 当前仅加载第 80 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་འཁོར་ཐམས་ཅད་དང་ལྷན་ཅིག་ཏུ་ལན་གསུམ་དུ་བསྐོར་བ་བྱས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ས་ལ་བལྟ་ཞིང་ཅང་མི་སྨྲ་བར་འདུག་གོ། །
D422.080.0097b01.01དེའི་ཚེ་ནམ་མཁའ་ལ་མེ་ཏོག་མནྡཱ་ར་བ་དང་། མནྡཱ་ར་བ་ཆེན་པོ་དང་། ཨུཏྤལ་དང་། ཉི་མའི་འོད་མཉམ་པ་དང་། ཆུ་སྐྱེས་དང་། པཎྜ་རཱི་ཀ་དང་། ཨ་ཤོ་ཀ་དང་། ཙམ་པ་ཀ་དང་། ཨརྫུ་ན་དང་། ནཱ་ག་གེ་སར་ལ་སོགས་པ་དྲི་ཞིམ་པའི་མེ་ཏོག་རྣམ་པ་སྣ་ཚོགས་པ་དང་། རིན་
D422.080.0097b02.01པོ་ཆེའི་ཆར་དུ་མ་བཅོམ་ལྡན་འདས་ཀྱི་ཞབས་ཀྱི་དྲུང་དུ་བབས་སོ། །ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་ལ་བོས་ཏེ། ཁྱོད་ཅི་ཞིག་ལ་ཡ་མཚན་དུ་གྱུར། ལྷའི་དབང་ཕྱུག་གིས་གསོལ་བ། བཅོམ་ལྡན་འདས་དེ་ཁོ་ན་ཉིད་གསུམ་གྱི་
D422.080.0097b03.01བདག་ཉིད་ཀྱི་དང་། ཟླ་བ་བདེ་བ་མཆོག་དང་། ཕྱག་རྒྱ་ཆེན་པོའི་མཐའ་དང་། དེ་ལ་རང་གི་ངོ་བོ་དང་། ཚད་དང་། རྣམ་པ་ཡོད་དམ་ཅི་ལགས་ཞེས་བདག་ཡ་མཚན་དུ་གྱུར་ལགས་སོ། །དཔའ་བོ་ཆེན་པོ་ལྷའི་དབང་ཕྱུག་ལ་རྡོ་རྗེ་འཛིན་པའི་མཆོག་གིས་འདི་སྐད་ཅེས་བཀའ་སྩལ་ཏོ། །ཨེ་
D422.080.0097b04.01མ་ཧོ། །དེ་ཁོ་ན་ཉིད་གསུམ་གྱི་བདག་ཉིད་ཀྱི་དང་། ཟླ་བའི་བདེ་བ་མཆོག་དང་། ཕྱག་རྒྱ་ཆེན་པོའི་མཐའ་ལ་དེའི་རང་གི་ངོ་བོ་དང་། རྣམ་པ་དང་། ཚད་མེད་དམ་ཅི། དེ་ལྟར་མ་ཡིན་ན་ཆོས་ཐམས་ཅད་ཀྱི་ངོ་བོ་སྟོང་པ་ཉིད་འདི་ག་ལ་ཤེས། མིག་ཡོར་ཙམ་གྱི་རྒྱུའི་རྟེན་ནི་ཆོས་ཐམས་
D422.080.0097b05.01ཅད་དོ། །དེ་ལྟར་གླ་རྩི་ལ་བརྟེན་ནས་དྲི་འབྱུང་བ་གླ་རྩིའི་དངོས་པོ་མེད་ན་དྲི་ཇི་ལྟར་རྙེད་པར་འགྱུར། དེ་བཞིན་དུ་རང་གི་ངོ་བོ་དང་། ཆོས་ཀྱི་ཚད་དང་། རྣམ་པ་དག་མེད་པར་གྱུར་ན། དེ་ཁོ་ན་ཉིད་གསུམ་གྱི་བདག་ཉིད་དང་། ཟླ་བའི་བདེ་བ་མཆོག་དང་། ཕྱག་རྒྱ་ཆེན་པོའི་སྐུའི་རྙེད་
D422.080.0097b06.01པ་མེད་དོ། །དེ་བས་ན་ཁྱབ་དང་ཁྱབ་བྱེད་བྱེ་བྲག་ཏུ། །གཉིས་སུ་མེད་པའི་བདེ་བ་ཆེ། །བདེ་བ་སྐུ་ལ་བརྟེན་པའི་ཕྱིར། །བདེ་བ་བསྟེན་ན་དེ་ཉིད་འགྱུར། །བདེ་སྐུ་རྣམ་པར་ཤེས་ཡིན་ན། །ཐམས་ཅད་གཉིས་སུ་མེད་པའི་དངོས། །དྲུག་གི་བདེ་བ་ཡེ་ཤེས་མཆོག །
D422.080.0097b07.01