完整藏文原文 · 德格版页 当前仅加载第 80 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
ག་རུ། །ལྟེ་བ་པདྨ་ཡིས་ནི་བརྒྱན། །ཆུ་སྲིན་ཁ་ནས་བྱུང་བ་ཡི། །རྩེ་དགུ་པ་ཡི་རྡོ་རྗེ་ཡིས། །དགང་གཟར་གྱི་ནི་མཐའ་རུ་ལྡན། །བླུགས་གཟར་བ་ཡི་མིག་དང་འདྲ། །ཡང་ན་དེ་ནི་པདྨས་སོ། །ནང་གི་གཏིང་རིང་གསལ་བ་དང་། །ཧ་ཅང་རིང་དང་ཐུང་མ་ཡིན། །རྡོ་རྗེ་ཕྲ་མོས་ནང་དུ་
D422.080.0107b01.01བརྒྱན། །མར་ཞུའི་སྣོད་ནི་ཟླུམ་པོར་གྲགས། །ལྟེ་བ་རིང་ཞིང་དྲི་མ་མེད། །རྡོ་རྗེ་ལ་སོགས་རྒྱན་དང་ལྡན། །ལྕི་བ་དང་ནི་ཡང་བ་སྤང་། །ཞི་བ་ལ་སོགས་བྱེ་བྲག་ཏུ། །བཞི་རུ་དབྱེ་བ་བདག་གིས་བས་བསྟན། །དྲུག་པོ་དེ་ནི་དུར་ཁྲོད་དུ། །དབང་ནི་ཆུ་ཡི་ངོགས་སུ་བྱ། །རྒྱས་པ་
D422.080.0107b02.01ཞིང་གི་དབུས་སུ་སྟེ། །ཡང་ན་དགོན་པ་ཆེན་པོ་རུ། །ཞི་བ་དེ་ནི་གྲོང་ཁྱེར་དུ། །ཡང་ན་རྒྱལ་པོ་ཡི་ནི་ཁབ། །རྟ་དང་གླང་པོ་ཆེན་པོ་དང་། །གཞོན་ནུ་མ་དང་བ་ལ་སོགས། །སྦྱིན་སྲེག་དུས་སུ་འབད་པ་ཡིས། །སྔགས་པས་སློབ་དཔོན་ལ་དབུལ་བྱ། །ཞ་བོ་འོན་པ་དམན་པ་
D422.080.0107b03.01ལའང་། །ཅི་ནུས་ཀྱིས་ནི་སྦྱིན་པར་བྱ། །དཔལ་ཡེ་ཤེས་ཐིག་ལེ་ལས་སྦྱིན་སྲེག་གི་ཆོ་ག་ཞེས་བྱ་བའི་ལེའུ་སྟེ་བརྒྱད་པའོ།། །།དེ་ནས་ཡང་ནི་བཤད་བྱ་བ། །ཚོགས་ཀྱི་འཁོར་ལོའི་གཏོར་མ་ཆེ། །ཁྱིམ་ནི་སུམ་ཐོག་གི་ནི་གནས། །ཆོམ་རྐུན་ཀུན་དང་བྲལ་བ་ཡི། །ཕྱི་རོལ་
D422.080.0107b04.01ཡུལ་མིན་ནང་གི་མིན། །སློབ་དཔོན་འདུས་ལས་བརྒྱན་པ་དང་། །རྡོ་རྗེ་མདའ་ནི་རྣམ་པར་གཟུགས། །རྡོ་རྗེ་སྐུད་ལ་སོགས་པས་བསྐོར། །དེ་ལྟ་བུ་ཡི་ཁང་མཆོག་ནི། །སྣ་ཚོགས་མེ་ཏོག་ལ་སོགས་ཀྱིས། །དཀྱིལ་འཁོར་ཐམས་ཅད་རྫོགས་པར་བྱ། །སི་ཧླ་ག་བུར་གྱིས་ནི་
D422.080.0107b05.01མཛེས། །དེ་རུ་མཆོད་སྦྱིན་དོན་དུ་ནི། །བྱོལ་སོང་གཟུགས་ནི་རབ་ཏུ་བླང་། །སྐྱེ་བ་གཅིག་གམ་གཉིས་པ་འམ། །ཡང་ན་གསུམ་པ་ལང་ཚོ་སར། །ནད་ཀུན་མེད་པའི་བདེ་གྲུབ་པ། །དྲི་ཞིམ་རྡུལ་ནི་འབྱུང་བ་ཅན། །གང་ཞིག་མིག་ནི་ཡུན་{རིངས་,རིང་}འཛུམས། །མཁས་པས་འབད་
D422.080.0107b06.01དེ་བླང་བར་བྱ། །སྣ་ཚོགས་པ་ཡི་མཆོད་སྦྱིན་གྱིས། །གྲི་གུག་རུང་བས་བརྟག་པར་བྱ། །ཡན་ལག་རབ་ཀྱི་པདྨའི་སྣོད། །བཏུང་བའི་དོན་དུ་བླ་མའི་མདུན། །ཕྱེད་ནི་འཁོར་ལོ་ལ་བྲི་མ་སྟེ། །ཕྱེད་ནི་གཏོར་མར་གཏང་བར་བྱ། །ཁྲག་ཆེན་དང་ནི་ཤ་ཆེན་པོ། །ཅི་རྙེད་པ་ནི་བརྟག་པ་
D422.080.0107b07.01