完整藏文原文 · 德格版页 当前仅加载第 77 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པས། །སངས་རྒྱས་བརྡ་ཡི་ཕྱག་རྒྱ་ཡིས། །ཕྱག་རྒྱ་དམ་ཚིག་ཡིན་པར་བཤད། །ཕྱག་རྒྱའང་སྦྱོར་བ་ཡིན་པར་བཤད། །སྦྱོར་བའང་ཕྱག་རྒྱ་ཡིན་པར་བཤད། །རྡོ་རྗེ་སེམས་དཔའ་དཔལ་སྦྱོར་བ། །སྦྱོར་བ་ཐམས་ཅད་ཡིན་པར་བཤད། །ང་ནི་སྣ་ཚོགས་
D366.077.0185a01.01དམ་ཚིག་སྟེ། །རྡོ་རྗེ་སེམས་དཔའ་བདེ་བ་ཆེ། །སངས་རྒྱས་བརྡ་ཡི་ཕྱག་རྒྱ་ཡིས། །སྦྱོར་བ་ཐམས་ཅད་ཡིན་པར་བཤད། །དེ་ཡི་ཉེ་བའི་ལོངས་སྤྱོད་ནི། །ཁམས་གསུམ་ཐམས་ཅད་མ་ལུས་པའོ། །དེ་ཡི་གཟུགས་དང་སྒྲ་དང་དྲི། །རོ་དང་རེག་པ་བདེ་མྱོས་པའོ། །
D366.077.0185a02.01གཟུགས་ནི་རི་མོ་ཡིན་པར་གསུངས། །སྒྲ་ནི་གླུ་ཡིན་ཞེས་བཤད་དོ། །དྲི་ནི་རབ་ཏུ་ཚིམ་པར་གསུངས། །རོ་ནི་ར་ས་ཡ་ན་ཡིན། །རེག་པ་བདེ་བ་ཡིན་པར་བཤད། །རབ་ཏུ་རེག་པ་དགའ་བའི་བདེ། །སངས་རྒྱས་བརྡ་ཡི་ཕྱག་རྒྱ་ཡིས། །ཆོས་ནི་སྦྱོར་བ་ཡིན་པར་བཤད། །
D366.077.0185a03.01སྦྱོར་བའི་ལོངས་སྤྱོད་ཐམས་ཅད་ཀྱིས། །ཇི་ལྟར་བདེ་བར་སྟེན་བྱེད་ཅིང་། །བདག་གི་ལྷག་པའི་ལྷར་སྦྱར་བ། །རང་གི་མཆོད་པའི་དམ་ཚིག་ཡིན། །རྗེས་སུ་སྦྱོར་བས་མཆོད་ན་ནི། །སྦྱོར་བ་ཀུན་གྱི་བདེ་བའི་མཆོག །སངས་རྒྱས་བརྡ་ཡི་ཕྱག་རྒྱ་ཡིས། །བདེ་བ་
D366.077.0185a04.01ཆེན་པོ་ཡིན་པར་བཤད། །ལྷ་མོ་ཀུན་དང་མཉམ་སྦྱོར་བ། །སངས་རྒྱས་ཐམས་ཅད་འདུས་པའོ། །ཡེ་ཤེས་ཙམ་ལ་སྙོམས་འཇུག་པ། །རྣལ་འབྱོར་ཞེས་ནི་བཤད་པ་ཡིན། །སངས་རྒྱས་བརྡ་ཡི་ཕྱག་རྒྱ་ཡིས། །ཏིང་འཛིན་རབ་ཏུ་སྦྱོར་བའང་བཤད། །ལྷ་མོ་ཀུན་དང་མཉམ་
D366.077.0185a05.01སྦྱོར་བ། །སངས་རྒྱས་ཐམས་ཅད་འདུས་པའོ། །སངས་རྒྱས་ཐམས་ཅད་མཉམ་སྦྱོར་བ། །སངས་རྒྱས་ཀུན་གྱིས་བྱིན་བརླབ་བོ། །དགའ་བར་སྤྱོད་པ་གྲུབ་པར་བཤད། །རྗེས་སུ་སྦྱོར་བ་རྗེས་སུ་གྲུབ། །སྐྱེས་པ་ལྟར་བྱེད་དགའ་སྤྱོད་པ། །སླར་ཡང་རྗེས་སུ་གྲུབ་པར་མཛད། །
D366.077.0185a06.01ལྷ་མོ་ཀུན་ལ་བདེ་འཇུག་པ། །སྦྱོར་བ་ཀུན་ལ་མོས་པ་ནི། །ཀུན་ཏུ་སངས་རྒྱས་ཀུན་གྱི་བདག །ར་ས་ཡ་ན་བདེ་བར་བཤད། །ཐམས་ཅད་ལྡང་བ་ཀུན་འགྲོ་བ། །དངོས་གྲུབ་དམ་པར་རབ་ཏུ་བཤད། །དངོས་གྲུབ་ཆེན་པོ་ལྡང་བ་ཆེར། །སངས་རྒྱས་བརྡ་ཡི་ཕྱག་རྒྱར་བཤད། །དངོས་
D366.077.0185a07.01