完整藏文原文 · 德格版页 当前仅加载第 77 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དོན་དུ་ཐམས་ཅད་འགྲོ། །གླུ་འདི་དག་ནི་བླངས་པ་ཡིས། །རྒྱལ་སྲིད་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །གདོན་མི་ཟ་བར་འགྲུབ་པར་འགྱུར། །དཔལ་རྡོ་རྗེ་ཉི་མའི་ཕྱག་རྒྱ་ཤེས་པའོ། །རྣལ་འབྱོར་དེ་ཉིད་བཅོམ་ལྡན་འདས། །
D366.077.0174a01.01རྡོ་རྗེ་སེམས་དཔའ་དེ་བཞིན་གཤེགས། །དྲག་ཤུལ་སྦྱོར་བས་རྣལ་འབྱོར་དཔལ། །རྟ་ཡི་ཕྱག་རྒྱ་རབ་ཏུ་གནས། །ཐམས་ཅད་དག་པར་མོས་པ་ཡིས། །སྡིག་མེད་སྟོབས་ཀྱིས་ངོ་འཐོན་དུ། །རབ་ཏུ་གདོན་པའི་རྩལ་དག་གིས། །འཇིག་རྟེན་ཐམས་ཅད་རབ་ཏུ་འཇོམས། །
D366.077.0174a02.01འདོད་ཆགས་ཅན་ལ་གཡེན་པར་སྟོན། །གདུག་པ་རྣམས་ལ་གདུག་པར་སྟོན། །ཞི་བ་རྣམས་ལ་ཞི་བར་འགྱུར། །དྲག་ཤུལ་ཅན་ལ་དྲག་ཤུལ་སྦྱོར། །ཞལ་བཞི་པ་ལ་ཕྱག་བཞི་པ། །ཞབས་བཞི་པ་ལ་རྨིག་པ་བཞི། །རྟ་མགྲིན་རྒྱལ་པོ་ཆེན་པོ་སྟེ། །དབང་ཕྱུག་དམ་པ་གྲུབ་
D366.077.0174a03.01པར་འགྱུར། །གཡོན་པའི་མཛུབ་མོ་ཁུ་ཚུར་གྱིས། །དཔལ་ལྡན་པདྨ་སྣ་ཚོགས་འཛིན། །རྡོ་རྗེར་བཅས་ཤིང་སློང་བ་སྒྲུབ། །གཡས་པ་བ་དན་གསུམ་པར་བྱ། །ཕྱག་རྒྱ་འདི་ཡིས་བཏབ་ན་ནི། །ཤིན་ཏུ་ལྷུང་བར་གྱུར་པ་ཡང་། །དེ་མ་ཐག་ཏུ་ཀུན་བསླངས་ནས། །ལྡང་བ་ཐམས་ཅད་
D366.077.0174a04.01རབ་ཏུ་འགྲུབ། །ཐམས་ཅད་དག་པ་མཉམ་པར་སྦྱོར་བ་སྐལ་བ་བཟང་པོ། །དཔལ་རྡོ་རྗེ་སློང་བ་ཞེས་བྱ་བའི་ཕྱག་རྒྱའོ། །གཡས་དང་གཡོན་པའི་སྦྱོར་བ་ཡིས། །བརྐྱང་བསྐུམ་པ་ཡི་ཚུལ་བྱས་ནས། །ཁྲོ་བོའི་སྐྱིལ་མོ་ཀྲུང་བཅས་ཏེ། །འཇིག་རྟེན་ཐམས་ཅད་རབ་ཏུ་བཤིག །དཔལ་
D366.077.0174a05.01རྡོ་རྗེ་ཁྲོ་བོ་གནས་པའོ། །དེ་ནས་ཕྱག་རྒྱ་ཤེས་པ་འདིའི། །རྟ་མཆོག་དཔལ་དང་ལྡན་པའི་གླུ། །ལས་རྣམས་ཐམས་ཅད་རབ་སྒྲུབ་པ། །ཁྱད་པར་དུ་ནི་བཤད་པར་བྱ། །མྱོས་བྱེད་སྟོང་ལས་ལྷག་པར་བདེ་བ་འདོད་པའི་གཟུགས་སྟོན་པ། །འདུལ་བའི་དབང་གིས་གཤིན་རྗེ་སྟོང་ལས་
D366.077.0174a06.01ལྷག་པར་རབ་ཏུ་འཇིགས། །ཞི་བའི་སྐུ་ཡང་ཚངས་པ་སྟོང་པས་ཤིན་ཏུ་ལྷག་པར་སྟོན། །དཀྱིལ་འཁོར་ཀུན་གྱི་མཆོག་ཏུ་དེ་བཞིན་གཤེགས་ཀུན་འགྲུབ་པར་མཛོད། །ཐམས་ཅད་རྣམ་པར་དག་པས་ངོ་འཐོན་སྟོབས་ཀྱིས་གནོན་པས་ནོན། །ཧི་ཧེ་ཧེ་ཧེ་ཧེ་དབང་ཕྱུག་ཐམས་ཅད་རབ་
D366.077.0174a07.01