完整藏文原文 · 德格版页 当前仅加载第 77 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཤེས་པར་བྱའོ། །སེམས་དཔའ་སྔོན་དང་མཐའ་མེད་པ། །རྡོ་རྗེ་སེམས་དཔའ་བདེ་བའི་མཆོག །སངས་རྒྱས་ཕྱག་རྒྱ་བདེ་བ་ཡིས། །ཨེ་མའོ་བདེ་བ་ཡིན་པར་བཤད། །ཨེ་མའོ་བདེ་བ་དཔལ་གྱི་མཚན། །རྡོ་རྗེ་སེམས་དཔའ་གང་བརྗོད་པ། །སྡིག་པ་ཀུན་ལས་
D366.077.0184a01.01ཐར་བར་འགྱུར། །བདེ་བ་ཐམས་ཅད་རབ་ཏུ་འགྲུབ། །བདེ་མཆོག་ཨེ་མའོ་བདེ་བ་དང་། །སྒྲོན་མ་དེ་བཞིན་ཤི་ཤི་དག །རྒྱས་འདེབས་མ་དང་རྨོངས་བྱེད་དང་། །ཟ་བ་མོ་དང་ཚེ་འཕེལ་མ། །སངས་རྒྱས་བྱང་ཆུབ་ཆོས་འཁོར་ལོ། །དེ་བཞིན་ཁམས་གསུམ་རྣམ་པར་རྒྱལ། །
D366.077.0184a02.01འདོད་པའི་ལྕུག་མ་ཐམས་ཅད་ཀྱང་། །ཕྱག་རྒྱ་བརྡ་ཡི་ཕྱག་རྒྱའོ། །རྟ་དང་རྡོ་རྗེའི་ཞལ་དག་དང་། །དེ་བཞིན་རྡོ་རྗེ་སྣང་བ་དང་། །ཐལ་བར་རློག་པའི་རོ་ལངས་མ། །སངས་རྒྱས་ཀུན་གྱི་བརྡ་ཡིན་ནོ། །གླིང་བུ་དང་ནི་རྒྱུད་རྣམས་དང་། །དེ་བཞིན་དུ་ནི་རྒྱུད་གཅིག་དང་། །སྟུག་
D366.077.0184a03.01པོ་དང་ནི་རྫ་རྔ་དག །སངས་རྒྱས་བརྡ་ཡི་ཕྱག་རྒྱའོ། །མེ་ཏོག་མཆོད་དང་བདུག་པའི་མཆོད། །དེ་བཞིན་མར་མེའི་མཆོད་པ་དང་། །སྦོས་ཡི་མཆོད་པ་གླ་རྩི་དག །ལོངས་སྤྱོད་ཕྱག་རྒྱའི་བརྡ་ཡིན་ནོ། །དེ་ལ་སོགས་པ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་
D366.077.0184a04.01པ། །ནམ་མཁའི་དབྱིངས་ཀྱི་མཐའ་ཀླས་པའི། །ལྷ་མོ་ཀུན་གྱི་བརྡ་ཡིན་ནོ། །སྨིན་མ་བསྐྱོད་པ་མདའ་བཞི་ཡིན། །བྷ་ག་ལིང་ག་ཨེ་མའོ་བདེ། །ཐོད་པ་པདྨ་ཡིན་པར་བཤད། །ཁ་ཊྭཱཾ་ག་ཡང་རྒྱལ་མཚན་ཆེ། །སངས་རྒྱས་ཕྱག་རྒྱ་པདྨར་གནས། །བདེ་བ་ཀུན་གྱི་
D366.077.0184a05.01བདུད་རྩི་ཡིན། །སངས་རྒྱས་བརྡ་ཡི་ཕྱག་རྒྱ་ཡིས། །ཤི་ཤི་སངས་རྒྱས་ཀུན་ཏུ་བཤད། །དཀྱིལ་འཁོར་ལ་ནི་འཁོར་ལོར་བཤད། །དེ་ཉིད་དམ་ཚིག་ཡིན་པར་བཤད། །ལྷ་རྣམས་ཐམས་ཅད་ཚོགས་པས་ན། །སྐྱེ་བོ་དམ་པ་ཀུན་ཚོགས་པ། །ཚོགས་ཀྱི་འཁོར་ལོ་དམ་པ་ནི། །
D366.077.0184a06.01མཛའ་བ་ཐམས་ཅད་འདུས་པ་སྟེ། །སངས་རྒྱས་ཀུན་གྱི་བརྡ་དག་གིས། །དེ་བཞིན་མཛའ་བར་འདུས་པར་གསུངས། །རྡོ་རྗེ་སེམས་དཔའ་དཔལ་སྦྱོར་བས། །དཀྱིལ་འཁོར་ཐམས་ཅད་ཡིན་པར་བཤད། །ལྷ་མོ་ཐམས་ཅད་ཀུན་འདུས་པས། །ཐམས་ཅད་སྣ་ཚོགས་སྐལ་བ་བཟང་། །
D366.077.0184a07.01