完整藏文原文 · 德格版页 当前仅加载第 77 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་དངོས་གྲུབ་མ་ལུས་པ། །ལུས་པ་མེད་པར་འགྲུབ་པར་འགྱུར། །སེམས་དཔའི་གཙུག་ཏོར་གྱི་ཕྱག་རྒྱའོ། །རྡོ་རྗེ་ཐལ་མོ་གྱེན་དུ་དབྱེ། །མཛུབ་མོ་གཉིས་ཀྱི་རྩེ་མོ་དགུག །མཐེ་བོ་གཉིས་ཀྱི་མཆེ་བ་གཙིགས། །འཇིགས་པའི་རྡོ་རྗེ་གནོད་སྦྱིན་མ། །འགྲུབ་པ་
D366.077.0175a01.01བདུད་ལ་སོགས་པ་ཟ། །དེ་བཞིན་དུ་ནི་རྨོངས་པར་བྱེད། །དབབ་པ་ཐམས་ཅད་རབ་ཏུ་འགྲུབ། །དེ་བཞིན་རྣམ་པར་ཤེས་པ་སྒྲུབ། །གཏེར་རྣམས་འབྱིན་པར་བྱེད་པ་དང་། །དེ་བཞིན་ནོར་ཀུན་འཕྲོག་པར་བྱེད། །ངལ་བསོ་པོ་ནི་དཔལ་མནན་ཏེ། །དཔལ་མོ་དག་ཀྱང་ཕྲོགས་
D366.077.0175a02.01ནས་ནི། །མངག་གཞུག་མར་ནི་བྱེད་པ་དང་། །གནོད་སྦྱིན་མ་དང་དགའ་བ་སྤྱོད། །གནོད་སྦྱིན་དག་གི་སྡེ་དཔོན་དུ། །འདིས་ནི་མྱུར་དུ་འགྲུབ་པར་འགྱུར། །དཔལ་རྡོ་རྗེ་གནོད་སྦྱིན་གྱི་ཕྱག་རྒྱའོ། །རྡོ་རྗེ་ཐལ་མོ་མཉམ་སྦྱར་ནས། །གུང་མོ་མཉམ་པར་རབ་ཏུ་བསྒྲུབ། །མཐེ་
D366.077.0175a03.01བོ་མཐེའུ་ཆུང་འདབ་མ་བཞི། །པདྨ་དྲི་མེད་རབ་ཏུ་རྒྱས། །འདིས་ནི་སྡིག་རྣམས་འབྱང་བར་འགྱུར། །སྡིག་པ་བྱང་ན་རབ་ཏུ་འགྲུབ། །སངས་རྒྱས་བྱང་ཆུབ་མངོན་སངས་རྒྱས།།རྡོ་རྗེ་སེམས་དཔའ་ཉིད་དུ་འགྱུར། །དཔལ་ལྡན་པདྨའི་ཕྱག་རྒྱའོ། །རྡོ་རྗེ་ཐལ་མོ་མཉམ་སྦྱར་ལ། །
D366.077.0175a04.01མཛུབ་མོ་མཉམ་པར་ཕྱིར་བཀུག་སྟེ། །མཐེ་བོ་རྡོ་རྗེ་གཡོགས་པ་ནི། །རྡོ་རྗེ་དཔལ་གྱི་ནོར་བུ་སྟེ། །ཕྱག་རྒྱ་འདི་ཡིས་བཏབ་ན་ནི། །ནམ་མཁའ་ཐམས་ཅད་རབ་འགྲུབ་སྟེ། །བུད་མེད་ལ་སོགས་རིན་ཆེན་མཆོག །མཁའ་ལས་དངོས་རྣམས་ཐམས་ཅད་སྤྱོད། །རྡོ་རྗེ་ཐལ་
D366.077.0175a05.01མོ་མཉམ་སྦྱར་ནས། །མཐེའུ་ཆུང་སྲིན་ལག་མཉམ་པར་བརྐྱང་། །མཛུབ་མོ་རྩེ་མཉམ་བཀུག་པ་ནི། །དཔལ་མཆོག་རྟ་ཞེས་གྲགས་པ་སྟེ། །ཕྱག་རྒྱ་འདི་ཡིས་བཏབ་ན་ནི། །སངས་རྒྱས་བྱང་ཆུབ་རབ་འབྲེལ་ན། །ཐམས་ཅད་དགའ་བར་བྱེད་པའི་དཔལ། །ལྷ་ཡི་སྐལ་བཟང་
D366.077.0175a06.01སྨོས་ཅི་དགོས། །དམ་ཚིག་གི་ཕྱག་རྒྱ་ཤེས་པའོ། །ལུས་དང་ངག་སེམས་རྡོ་རྗེ་ཡི། །མཚན་པའི་ཕྱག་རྒྱར་ལྡན་བྱས་ཏེ། །ཐམས་ཅད་འབྱུང་བའི་སྦྱོར་བ་ཡིས། །བདག་གི་ལྷར་ནི་བདག་ཉིད་བྱ། །འདིས་ནི་སངས་རྒྱས་ཐམས་ཅད་དཔལ། །དེ་བཞིན་དཔའ་བོ་ཐམས་ཅད་དང་། །
D366.077.0175a07.01