完整藏文原文 · 德格版页 当前仅加载第 77 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི། །སེམས་ཅན་ཐམས་ཅད་དབང་བྱེད་པ། །སྟོབས་ཀྱིས་མྱུར་དུ་བཀུག་ནས་ནི། །བྲན་བཞིན་དུ་ནི་བྱེད་དུ་འཇུག །སུ་བྷ་གཱ་སྟྃ་མ་ཧཱ་ན་དེ་བི་ཧི་རི། མི་རི། རི་ཏི། ནི་རི་ཤྲི་ཡེ་སྭཱ་ཧཱ། ཆོས་ཀྱི་ཕྱག་རྒྱ་དམ་པ་འདི། །འདོད་པའི་བདེ་བ་ཀུན་སྦྱིན་པའོ། །ཨོྃ་ཏཱརེ་ཏུ་ཏྟཱ་རེ་ཏུ་རེ་སྭཱ་ཧཱ། ཆོས་
D366.077.0177b01.01ཀྱི་ཕྱག་རྒྱ་ལ་གནས་པ། །སངས་རྒྱས་བྱང་ཆུབ་རབ་བསྒྲུབས་ན། །བུད་མེད་གཞན་ལྟ་ཅི་ཞིག་སྨོས། །ཏྲཱི་བྷ་བ་ཊཱ་ཊཱ། ཏྲ་ཊ་ཏྲ་ཊ། རེ་བ་ཐམས་ཅད་ཀུན་ནས་རྫོགས། །ཆོས་ཀྱི་ཕྱག་རྒྱ་དམ་པ་འདི། །རེ་བ་ཐམས་ཅད་རྫོགས་བྱེད་པའོ། །ཤྲཱི་བཛྲ་པདྨ་བྷཌྜ་བྷ་མུ་ཁ་ཡོ་གཱི་ཤྭ་ར་ཧི་ཧི་ཧི་ཧི་ཧི།
D366.077.0177b02.01ཆོས་ཀྱི་ཕྱག་རྒྱ་དམ་པ་འདི། །འཇིག་རྟེན་ཐམས་ཅད་རབ་ཏུ་འཇིག །ཆོས་ཀྱི་ཕྱག་རྒྱ་ཤེས་པའོ། །སྐད་ཀྱི་གསང་ནི་མཐོན་དམན་དང་། །གྲེ་སྒྱུར་བཅོས་ཤིང་བཟླས་པ་དང་། །དུས་རབ་ཞི་བ་མཆོག་རྣམས་ཀྱིས། །ཧཱུྃ་ལ་སོགས་པའི་གླུ་བླང་ཞིང་། །ཚིག་རྣམས་ཀུན་གྱིས་ཅི་འདོད་
D366.077.0177b03.01པར། །ཇི་ལྟར་སྤྲོ་བར་གླུ་ཀུན་གྱིས། །ཧཱུྃ་གི་གླུ་ཡི་ཕྱག་རྒྱ་དཔལ། །རྡོ་རྗེ་སེམས་དཔའ་རབ་སྒྲུབ་པའོ། །ལྷ་མོ་ཀུན་གྱི་ལྷ་མོ་མཆོག །ཆ་ལུགས་བཞིན་དུ་གར་བྱ་ཞིང་། །ཀ་ཀ་ལ་ཤང་བྷ་ལ་སོགས། །གླུ་རྣམས་ཐམས་ཅད་རྗེས་སུ་བླང་། །ཨོཾ་གྱི་གླུ་ཡི་ཕྱག་རྒྱ་ནི། །ཚངས་པའི་
D366.077.0177b04.01དབྱངས་ཀྱིས་ཅི་དགར་བླངས། །མ་ལུས་ལུས་པ་མེད་པ་ཡི། །སེམས་ཅན་ཐམས་ཅད་ཐར་བར་བྱེད། །རྡོ་རྗེ་དྲག་པོ་གད་མོ་ཆེ། །མཁུར་བའི་དབུགས་ཀྱིས་རླུང་འབྱིན་ཅིང་། །འབྲུག་གི་སྒྲ་ལྟར་ཟབ་པ་ཡི། །རུ་ལུ་རུ་ལུའི་སྒྲ་བྱུང་ན། །ཕྱག་རྒྱ་འདི་ཡིས་རྣལ་འབྱོར་པ། །ཁམས་གསུམ་
D366.077.0177b05.01དག་ཀྱང་རྒྱས་འདེབས་ཤིང་། །ཐར་པར་བྱེད་ཅིང་གསོད་པར་བྱེད། །ཤི་བ་མོད་ལ་འཚོ་བར་བྱེད། །རྡོ་རྗེ་དྲག་ཏུ་བཞད་པ་ཞེས་བྱ་བའི་ཕྱག་རྒྱའོ། །ཊེ་ཞེས་བྱ་བའི་གླུ་ཡི་རྒྱ། །ཐམས་ཅད་དག་པར་སྒྲུབ་པའོ། །ཧི་ཞེས་བྱ་བའི་གླུ་ཡི་རྒྱ། །ཁམས་གསུམ་རྣམ་པར་རྒྱལ་བར་བྱེད། །ཀ་
D366.077.0177b06.01ཀ་ལ་ལྱེ་དང་ཙོ་རའི་དབྱངས། །དེ་བཞིན་རབ་ཏུ་གདངས་སྙན་དང་། །ཀ་ཧ་ཤ་ཡི་གླུ་ཡི་རྒྱ། །འཇོམས་པ་ཐམས་ཅད་གྲུབ་པའོ། །གླུ་ཡི་ཕྱག་རྒྱ་ཤེས་པའོ། །གླིང་བུ་དང་ནི་རྒྱུད་གཅིག་དང་། །དེ་བཞིན་རྒྱུད་{མངས་,མང་}རྒྱུད་སྟུག་དང་། །སིལ་སྙན་ཕྱག་རྒྱ་བཤད་པ་རྣམས། །ལས་
D366.077.0177b07.01