完整藏文原文 · 德格版页 当前仅加载第 77 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་གྲུབ་པར་རབ་འབྱམ་དང་། །དངོས་གྲུབ་མ་ལུས་མྱུར་དུ་འགྲུབ། །དཔལ་རྡོ་རྗེ་པི་བང་བདེ་བས་རྨོངས་པར་བྱེད་པ་ཞེས་བྱ་བའི་ཕྱག་རྒྱའོ། །ཅང་ཏེའུ་ཚུལ་སྟོན་རྣལ་འབྱོར་པ། །ཇི་ལྟར་བབས་པའི་གར་བྱེད་པས། །རིམས་དང་གདོན་དང་དུག་ཞེན་པའི། །སྡུག་བསྔལ་ཐམས་
D366.077.0169b01.01ཅད་མྱུར་དུ་སེལ། །དཔལ་རྡོ་རྗེ་ཅང་ཏེའུ་སྡུག་བསྔལ་ཐམས་ཅད་སེལ་བར་བྱེད་པ་ཞེས་བྱ་བའི་ཕྱག་རྒྱའོ། །རྫ་རྔའི་ཚུལ་སྟོན་རྣལ་འབྱོར་པ། །ཇི་ལྟར་བབས་པའི་གར་བྱེད་པ། །གནས་གསུམ་དག་ནི་མ་ལུས་པ། །སྐད་ཅིག་ཙམ་གྱིས་འབེབས་པར་བྱེད། །དཔལ་རྡོ་རྗེ་རྫ་
D366.077.0169b02.01རྔས་མྱོས་པར་བྱེད་པ་ཞེས་བྱ་བའི་ཕྱག་རྒྱའོ། །ཕྱག་རྒྱ་གར་གྱི་མཆོད་པ་ཡིས། །མཆོད་པ་ཐམས་ཅད་བྱས་ན་ནི། །རང་བྱུང་གར་གྱི་མཆོད་པ་རྣམས། །མ་ལུས་ལུས་པ་མེད་པར་འགྲུབ། །རིམས་དང་དུག་དང་དབྱིག་དུག་བྱད། །ཕྲ་མེན་གདོན་གྱི་གནོད་པ་རྣམས། །བསྐོར་བའི་གར་
D366.077.0169b03.01རྣམས་སྣ་ཚོགས་ཀྱིས། །སྐད་ཅིག་ཙམ་གྱིས་ཞི་བར་འགྱུར། །དྲག་པོ་དབང་པོ་ཉེ་དབང་བཅས། །ཉི་ཟླ་གཤིན་རྗེ་ཚངས་བཅས་པའི། །རྒྱས་བཏབ་རྨོངས་བྱས་ཟོས་པ་དག །སྐད་ཅིག་ཙམ་གྱིས་འཚོ་བར་བྱེད། །དེ་ལ་སོགས་པ་མཐའ་ཡས་མཆོག །ཆོས་དབྱིངས་མཉམ་
D366.077.0169b04.01དང་མི་མཉམ་པའི། །ནམ་མཁའི་དབྱིངས་ཀྱི་མཐའ་ཀླས་པ། །རང་བྱུང་ལྷ་མོ་ཕྱག་རྒྱ་རྣམས། །ནམ་མཁའ་ཀུན་གྱི་སྐབས་ན་དཔལ། །རྡོ་རྗེ་སེམས་དཔའ་ལ་གནས་ཏེ། །དངོས་གྲུབ་དབང་ཕྱུག་རབ་གྲུབ་པས། །ཐམས་ཅད་བདག་ཉིད་བབས་པར་འགྱུར། །སངས་རྒྱས་ཐམས་
D366.077.0169b05.01ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་མཆོག་གི། །རབ་ཏུ་གྲུབ་པའི་གླུ་རྣམས་ཀྱིས། །བླ་མེད་པ་ཡི་དངོས་གྲུབ་འཐོབ། །དེ་ནས་ཕྱག་རྒྱ་ཡེ་ཤེས་འདི། །དཔལ་ལྡན་རྡོ་རྗེ་མཆོག་གི་གླུ། །ལས་རྣམས་ཐམས་ཅད་རབ་གྲུབ་ཅིང་། །སྲིད་པ་ཤིན་ཏུ་བསྒྲུབ་པ་ནི། །ཀྱེ་ཀྱེ་རྡོ་རྗེ་
D366.077.0169b06.01སེམས་དཔའ་བདེ་ཆེན་སྐལ་བཟང་དཔལ་ཁྱོད་བདག་ལ་བསྒྲུབ་ལ་རྟོགས་པར་མཛད་དུ་གསོལ། །ཀྱེ་དེ་བཞིན་གཤེགས་པ་ཀུན་གྱི་བདག་ཉིད་བདེ་བ་མཁའ་འགྲོ་སྒྱུ་མ་སྣ་ཚོགས་བདེ་བའི་མཆོག །འགྲོ་བའི་རྒྱུད་རྣམས་རྣམ་པ་སྣ་ཚོགས་འདུལ་མཆོག་སྒྲུབ་པ་བདག་ལ་གྲུབ་པར་
D366.077.0169b07.01