完整藏文原文 · 德格版页 当前仅加载第 66 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
ལོག་པ་བདུན་ཞེས་བྱ་བ་ནི་སངས་རྒྱས་ཀྱི་ལུས་ལ་ཁྲག་ཕྱུང་བ་དང་། ཕ་མ་དང་མཁན་པོ་དང་སློབ་དཔོན་བསད་པ་དང་། ལུས་ཀྱི་ཚུལ་ཁྲིམས་གཙང་མ་བཤིག་པ་དང་། ཆོས་ཀྱི་འཁོར་ལོ་བསྐོར་བ་པའི་འཕགས་པ་གསོད་པ་ཡིན་ཏེ། འདི་རྣམ་བདུན་ཚང་བར་བྱས་ཏེ་བསྒྲིབས་པའི་
D256.066.0088a01.01ཚུལ་ལ་ཚུལ་ཁྲིམས་སྦྱིན་དུ་མི་རུང་ངོ་། །གཞན་ནི་ཐམས་ཅད་ཀྱང་ཚུལ་ཁྲིམས་སྦྱིན་དུ་རུང་ངོ་། །རབ་ཏུ་བྱུང་བའི་ཆོས་ནི་རྒྱལ་པོ་ལ་ཡང་ཕྱག་མི་འཚལ། ཕ་མ་ལ་ཡང་ཕྱག་མི་འཚལ། གཉེན་པ་རྣམ་པ་དྲུག་ལ་ཡང་ཞེ་ས་མི་བྱ། ལྷ་མ་སྲིན་ལ་ཡང་ཕྱག་མི་འཚལ་ལོ། །ཆོས་ཀྱི་མཁན་
D256.066.0088a02.01པོ་སྐད་ཤེས་པ་ཞིག་རྒྱང་གྲགས་སྟོང་གི་ལམ་ནས་འོངས་ཏེ། ཁྲིམས་གསོལ་བ་ཞིག་ཡོད་ན་བྱང་ཆུབ་སེམས་དཔའ་ཆོས་ཀྱི་མཁན་པོས་ངན་སེམས་དང་ཁྲོ་བའི་སེམས་བསྐྱེད་དེ། སེམས་ཅན་ནོ་ཅོག་ལ་ཚུལ་ཁྲིམས་མ་བྱིན་ན་ལྟུང་བའོ། །སངས་རྒྱས་ཀྱི་བུ་ལ་བསྟན་བཅོས་ཏེ་ཡིད་ཆེས་
D256.066.0088a03.01པའི་སེམས་གཡོ་བར་བྱ་ན་བྱང་ཆུབ་སེམས་དཔས་གཞན་ཚུལ་ཁྲིམས་བསྟན་པའི་ཆོས་ཀྱི་མཁན་པོ་བྱས་ཏེ། ཚུལ་ཁྲིམས་མནོད་དུ་འོང་བའི་མི་ཞིག་མཐོང་ན་སྔར་མཁན་པོ་སློབ་དཔོན་གཉེར་དུ་ཐོང་ཤིག །མཁན་པོ་གཉིས་ཀྱིས་ཀྱང་ཁྱེད་ལ་བདུན་གྱིས་བསྒྲིབས་པའི་སྡིག་ཡོད་དམ་དྲིས་ཤིག །
D256.066.0088a04.01དེ་ལ་ཡང་ཚེ་འདི་ལ་བདུན་གྱིས་བསྒྲིབས་པའི་སྡིག་ཡོད་ན་མཁན་པོས་ཚུལ་ཁྲིམས་སྦྱིན་པ་མི་རིགས་སོ། །བདུན་གྱིས་བསྒྲིབས་པའི་སྡིག་མེད་ན་ཚུལ་ཁྲིམས་སྦྱིན་དུ་རུང་ངོ་། །ལ་ལ་ཞིག་གིས་ཚུལ་ཁྲིམས་བཅུ་བཤིག་པ་ཞིག་ཡོད་ན་མཐོལ་ཚངས་བྱེད་དུ་ཆུག་ཤིག །སངས་རྒྱས་དང་བྱང་ཆུབ་སེམས་
D256.066.0088a05.01དཔའི་ཞལ་སྔར་ཉིན་མཚན་དྲུག་ཏུ་ཕམ་པ་བཅུ་དང་། ལྟུང་བ་བཞི་བཅུ་རྩ་བརྒྱད་ཀྱི་ཚུལ་ཁྲིམས་ཁ་ཏོན་དུ་བླགས་ལ་དུས་གསུམ་གྱི་སངས་རྒྱས་ལ་སེམས་ཐག་པ་ནས་ཕྱག་འཚལ་བའི་ཚེ་ལྟས་བཟང་པོར་བྱ་དགོས་སོ། །དེ་ལ་ཉི་མ་བདུན་དང་། བདུན་གཉིས་དང་། བདུན་གསུམ་དང་། ལོ་གཅིག་ཚུན་ཆད་ལྟས་
D256.066.0088a06.01བཟང་པོ་མཐོང་དགོས་སོ། །ལྟས་བཟང་པོ་ཞེས་བྱ་བ་ནི་སངས་རྒྱས་གཤེགས་ཏེ་སྤྱི་བོ་ལ་བྱུགས་ཏེ་འོད་མཐོང་བ་དང་། མེ་ཏོག་མཐོང་བ་དང་། ལྟས་ཅི་ཡང་རུང་བ་བཟང་པོ་མཐོང་ན་མོད་ལ་སྡིག་འབྱིན་ཏོ། །དེ་ལ་ལྟས་བཟང་པོ་མེད་ན་མཐོལ་ཚངས་སུ་ཟིན་ཀྱང་མི་ཕན་ཏེ། དེའི་ཚེ་ལུས་ཀྱིས་ནི་ཚུལ་ཁྲིམས་མི་ཐོབ་
D256.066.0088a07.01