完整藏文原文 · 德格版页 当前仅加载第 66 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བུ་རྟག་པར་སྨོན་ལམ་ཐམས་ཅད་གསོལ་ལ། ཕ་མ་དང་། མཁན་པོ་དང་། དགེ་འདུན་དང་། དཀོན་མཆོག་གསུམ་ལ་སྲི་ཞུ་ཆེ་ཞིང་ཡིད་དང་མི་འགལ་བར་སྨོན། རྟག་པར་མཁན་པོ་མཁས་པ་དང་། ཚངས་པར་སྤྱོད་དུ་མཚུངས་པའི་དགེ་བའི་བཤེས་གཉེན་དང་ཕྲད་དེ་
D256.066.0085b01.01རྟག་པར་བདག་ཐེག་པ་ཆེན་པོའི་ཡི་གེ་དང་། ཁྲིམས་དང་། གཡོ་ཞིང་ཕྱོགས་པ་བཅུ་དང་། བསྐྱེད་ཅིང་གསོ་གསོ་བ་བཅུ་དང་། ཆོས་རྡོ་རྗེ་དང་མཚུངས་པ་བཅུ་དང་། ས་བཅུ་ལ་སོགས་པ་བདག་བྱེད་ཅིང་ཤེས་ལ་ཆོས་བཞིན་དུ་ལས་བྱེད་པར་སྨོན་ཏོ། །སངས་
D256.066.0085b02.01རྒྱས་ཀྱི་བུ་ཚུལ་ཁྲིམས་བཟུང་ལ་སྲན་ཐུབ་པར་བྱ་བ་ནི་ལུས་དང་སྲོག་ཀྱང་བོར་ཏེ་སེམས་ལ་སེམས་པའི་བར་མི་གཅད་པར་སེམས་བསམ་མོ། །དེ་ལ་བྱང་ཆུབ་སེམས་དཔའ་ཐམས་ཅད་འདི་ལྟ་བུའི་སྨོན་ལམ་མ་བསྐྱེད་ན་ལྟུང་བའོ། །སངས་རྒྱས་ཀྱི་བུ་སྨོན་ལམ་ཆེན་པོ་
D256.066.0085b03.01བཅུ་སྨོན་པའི་འོག་ཏུ་སངས་རྒྱས་ཀྱི་ཚུལ་ཁྲིམས་གཟུངས་སུ་བཟུང་སྟེ། སྨོན་ལམ་འདི་བཞིན་དུ་གདབ་བོ། །བདག་གི་ལུས་འདི་མེ་ཆེན་པོའི་ནང་དུ་ཚིག་ཀྱང་རུང་ཁུང་ཟབ་མོ་དང་། རལ་གྲིའི་རི་ལ་སོང་ཡང་རུང་སྟེ། དུས་གསུམ་གྱི་སངས་རྒྱས་ཀྱི་དམ་པའི་ཆོས་ཀྱི་ཡི་གེ་དང་།
D256.066.0085b04.01ཚུལ་ཁྲིམས་མཐར་མི་ཞིག་པ་དང་། ནམ་དུ་ཡང་མི་ཞིག་པ་བུད་མེད་ཐམས་ཅད་སོགས་པ་མི་བྱེད་པར་སྨོན་ཏོ། །གཅིག་ཏུ་སྨོན་ལམ་འདི་ལྟར་སྨོན་ཏོ། །ལྕགས་བསྲེགས་པའི་དྲ་བ་དང་། དེ་ལྟ་བུ་རྒྱ་མོ་རིམ་པ་སྟོང་གིས་བསྐོར་ཏེ་ལུས་དཀྲིས་ཀྱང་མཐར་ཡུན་དུ་ཚུལ་
D256.066.0085b05.01ཁྲིམས་དྲལ་བའི་ལུས་ཀྱིས་དད་པའི་སྦྱིན་བདག་གི་གོས་ཐམས་ཅད་མི་བགོ་བར་སྨོན་ཏོ། །ཡང་གཅིག་ཏུ་སྨོན་ལམ་འདི་ལྟར་སྨོན་ཏོ། །ཁ་འདིའི་ནང་དུ་ལྕགས་ཀྱི་ཐུ་ལུམ་བསྲེགས་པ་དང་། མེ་ཆུ་བཞིན་དུ་བབ་སྟེ་འོང་བ་ལ། བསྐལ་པ་བརྒྱ་སྟོང་གི་བར་དུ་ལོན་ཀྱང་ཚུལ་
D256.066.0085b06.01ཁྲིམས་བཤིག་པའི་ཁས་དད་པའི་སྦྱིན་བདག་གི་ཟས་ཐམས་ཅད་མི་ཟ་བར་སྨོན་ཏོ། །ཡང་གཅིག་ཏུ་སྨོན་ལམ་འདི་ལྟར་སྨོན་ཏོ། །ལུས་འདི་མེ་ཆེན་པོས་བསྲེགས་པའི་ལྕགས་ཀྱི་དྲ་བ་དང་། ལྕགས་བསྲེགས་པའི་ཚ་བའི་སྟེང་དུ་བསྙལ་ཀྱང་ཚུལ་ཁྲིམས་དྲལ་བའི་ལུས་
D256.066.0085b07.01