完整藏文原文 · 德格版页 当前仅加载第 66 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་ཏེ། དགེ་བའི་བཤེས་གཉེན་ནོ་ཅོག་ཀུན་ཀྱང་ཅི་ཡང་ཐེག་པ་ཆེན་པོའི་ཡི་གེ་དང་། ཚུལ་ཁྲིམས་ནོད་ཅིང་གཟུངས་སུ་འཛིན་པར་བསྟན་པའི་རིགས་སོ། །གཞུང་དང་ལུགས་ཤེས་ཤིང་བྱང་ཆུབ་སེམས་དཔའི་སེམས་བསྐྱེད་པ་དང་། བསྐྱེད་ཅིང་གསོལ་བའི་སེམས་བཅུ་དང་།
D256.066.0081b01.01རྡོ་རྗེའི་ཆོས་ཀྱི་སེམས་གཡོ་བར་བསྟན་ཏེ། གཅིག་ནས་གཅིག་ཏུ་{གོ་རིམས་,གོ་རིམ་}དང་། ཆོས་ཀྱིས་ཆོ་ག་ཤེས་པར་བྱའོ། །བྱང་ཆུབ་སེམས་དཔའ་ལ་བྱང་ཆུབ་སེམས་དཔས་ངན་སེམས་དང་། ཞེ་སྡང་བསྐྱེད་དེ། གཞན་ཉན་ཐོས་ཀྱི་ཐེག་པ་ཆུང་ངུ་རྣམ་གཉིས་ཀྱི་ཚུལ་ཁྲིམས་དང་།
D256.066.0081b02.01ཡི་གེ་དང་། མུར་འདུག་དང་། ལོག་པར་ལྟ་བའི་བཤད་པ་བསྟན་པ་ན་ལྟུང་བའོ། །སངས་རྒྱས་ཀྱི་བུ་ལེགས་པའི་སེམས་ཀྱིས་སྔར་ཐེག་པ་ཆེན་པོའི་གོ་ཆ་དང་། ཚུལ་ཁྲིམས་དང་། ཡི་གེ་བསླབས་ནས་རྒྱ་ཆེར་ཕྱེ་ནས་གཞུང་གི་རོ་ཅི་བྲོ་བ་ཤེས་ནས་བྱང་ཆུབ་སེམས་དཔའ་གསར་
D256.066.0081b03.01དུ་སློབ་པ་རྒྱང་གྲགས་བརྒྱ་སྟོང་གི་ལམ་ནས་ཐེག་པ་ཆེན་པོའི་ཡི་གེ་དང་། ཚུལ་ཁྲིམས་འདོད་ཅིང་འོང་བ་མཐོང་ན་ཆོས་ཀྱི་ཕྱིར་དཀའ་ཐུབ་སྤྱོད་པ་ཆོས་བཞིན་བཤད་པའི་རིགས་སོ། །དཀའ་ཐུབ་ཅེས་བྱ་བ་ནི་ལུས་བསྲེགས་པ། ལག་ངར་བསྲེགས་པ་སོར་མོ་བསྲེགས་པའོ། །
D256.066.0081b04.01དེ་ལ་ལུས་དང་། ལག་ངར་དང་། སོར་མོ་བསྲེགས་ཏེ། སངས་རྒྱས་ཐམས་ཅད་ལ་ཡོན་དུ་མ་གསོལ་ན། དེའི་རབ་ཏུ་བྱུང་བའི་བྱང་ཆུབ་སེམས་དཔའ་མ་ཡིན་ནོ། །སྟག་དང་། སྤྱང་ཀི་དང་། སེང་གེ་ལྟོགས་པ་ལ་སོགས་པ་དང་། འདྲེ་ལྟོགས་པ་ལ་སོགས་པ་ཐམས་ཅད་
D256.066.0081b05.01ལ་ལུས་ཀྱི་ཤ་དང་། རྐང་ལག་གཏོང་ཕོད་པར་བྱས་ཏེ། བྱིན་ལ་དེ་ནས་གཅིག་ནས་གཅིག་ཏུ་མཐར་གྱིས་ཡང་དག་པའི་ཆོས་བཤད་དེ། སེམས་ནི་ཕྱེ། ཡིད་ནི་གོལ་བར་བྱའོ། །དེ་ལ་བྱང་ཆུབ་སེམས་དཔའ་དེ་དག་གསོ་བའི་ཁེ་འདོད་པའི་ཕྱིར་ལན་བླན་པའི་རིགས་པ་ནི་
D256.066.0081b06.01མ་བླན་གྱི། ཡི་གེ་དང་། ཚུལ་ཁྲིམས་རི་མོ་དང་། འབྲུ་ཕྱིན་ཅི་ལོག་ཏུ་བཤད་ནས་སྔ་ཕྱི་མེད་པར་དཀོན་མཆོག་གསུམ་ལ་འཕྱ་ཞིང་འཆད་པ་ནི་ལྟུང་བའོ། །སངས་རྒྱས་ཀྱི་བུ་བདག་ཁ་ཟས་དང་། ནོར་རྫས་དང་། གསོ་བའི་ཁེ་དང་། མིང་སྙན་པའི་ཕྱིར་རྒྱལ་པོ་དང་། རྒྱལ་
D256.066.0081b07.01