完整藏文原文 · 德格版页 当前仅加载第 66 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲིམས་བཀྲོལ་བཤད་དེ། མཆོད་སྟོན་བྱས་ཏེ་དགེ་བའི་བསོད་ནམས་ཐོབ་པར་གསོལ་ཅིག །འགྲོ་འོངས་ཀྱང་གསོན་པོའི་མཚོ་བསོད་ནམས་བྱེད་པ་ལ་མེ་ཆེན་པོས་བསྲེགས། ཆུ་ཆེན་པོས་ཁྱེར། རླུང་ནག་པོ་ཆེན་པོས་གྲུ་བུས་པ་དང་། གཙང་པོ་དང་མཚོ་ཆེན་པོའི་དགྲའི་བགེགས་ལ་
D256.066.0087b01.01སོགས་ཏེ། སྡིག་གོ་ཅོག་བགེགས་དང་ལན་གྱིས་ན་མཚམས་མེད་པ་བདུན། བགེགས་བརྒྱད། ལག་སྒྲིལ། རྐང་སྒྲིལ་ལྟུང་དང་། ལྕགས་དང་ལུས་བཅིངས་དྲགས་ཏེ། གཡེམ་ཞིང་ཁྲོ་བ་མང་པོ་དང་། བླུན་ཞིང་གླེན་པ་མང་པོ་དང་། ན་ཚའི་མང་པོའི་དགྲ་ཟུས་ན་ཀུན་གྱིས་ཀྱང་ཐེག་པ་ཆེན་
D256.066.0087b02.01པོའི་ཆོས་ཀྱི་ཡི་གེ་དང་། ཚུལ་ཁྲིམས་ཁ་ཏོན་བླགས་ཏེ་དགྲོལ་བཤད་དོ། །བྱང་ཆུབ་སེམས་དཔའ་གསར་དུ་སློབ་པ་འདི་བཞིན་མ་བྱས་ན་ལྟུང་བའོ། །ཚུལ་ཁྲིམས་འདི་དགུ་བསླབས་ལ་གུས་པར་རྟག་པར་གཟུངས་སུ་ཟུང་ཤིག །སྙོམས་པའི་ཆོས་ཀྱི་ལེའུ་ལས་ཀྱང་རྒྱ་ཆེ་ཞིང་མངོན་
D256.066.0087b03.01པར་བཤད་དོ། །སངས་རྒྱས་ཀྱིས་སངས་རྒྱས་ཀྱི་བུ་ལ་བཀའ་སྩལ་པ། སངས་རྒྱས་ཀྱི་བུ་མི་ལ་ཚུལ་ཁྲིམས་ཤིག་སྦྱིན་ན་བྱེ་བྲག་དབྱེ་ཞིང་གདམ་དུ་མི་རུང་། རྒྱལ་པོ་དང་། རྒྱལ་བུ་དང་། བློན་པོ་ཆེན་པོ་དང་། བློན་པོ་ཕལ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་།
D256.066.0087b04.01དགེ་བསྙེན་མ་དང་། ཕོ་གཡེམ་མོ་གཡེམ་དང་། གཟུགས་ཀྱི་གནམ་{བཅྭ་,བཅོ་}བརྒྱད་དང་། འདོད་པའི་ཁམས་ཀྱི་གནམ་དྲུག་དང་། དབང་པོ་མེད་པ་དང་། དབང་པོ་རྣམ་གཉིས་ཡོད་པ་དང་། ཉུང་རུམ་དང་། བྲན་ཕོ་སྨོས་དང་། ལྷ་མ་སྲིན་ལ་སོགས་ཏེ། ཐམས་ཅད་ཀུན་ཁྲིམས་མནོད་དུ་
D256.066.0087b05.01རུང་ངོ་། །ལུས་ལ་ཆོས་ཀྱི་གོས་བགོ་བ་རྣམས་ནི་ཁ་དོག་བསྒྱུར་བར་སྟོན་ལ་ཆོས་དང་འཐུན་པར་གྱིས་ཤིག །ཁ་དོག་སེར་པོ་སྔོན་པོ་ནག་པོ་དམར་པོ། མལ་གོས་ཡན་ཆད་ཁ་དོག་བསྒྱུར་རོ། །ལུས་ལ་གོས་བགོའོ་ཅོག་ཚོས་ཏེ་ཁ་དོག་སྒྱུར་ཅིག །ཡུལ་ལོ་ཅོག་གི་ནང་ན་མིའི་གོས་
D256.066.0087b06.01སུ་བགོ་བ་ལ། དགེ་སློང་ངོ་ཅོག་གི་གོས་ནི་ཐ་མལ་པའི་གོས་དང་མི་འཐུན་ནོ། །ཐོག་མ་ཚུལ་ཁྲིམས་སྦྱིན་པའི་ཚེ་མཁན་པོས་དྲི་བ་ཁྱེད་ཚེ་འདི་ལ་ལོག་པ་བདུན་གྱི་སྡིག་བྱས་སམ་ཞེས་དྲིས་ཤིག །ཆོས་ཀྱི་མཁན་པོ་བྱང་ཆུབ་སེམས་དཔའ་ནི་ལོག་པ་བདུན་བྱས་པ་ལ་ཚུལ་ཁྲིམས་སྦྱིན་དུ་མི་རུང་ངོ་། །
D256.066.0087b07.01