完整藏文原文 · 德格版页 当前仅加载第 66 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
གནང་བ་ལ་མཚོན་ཆ་དང་། མདའ་གཞུ་འཆང་བ་དང་། ཚོང་སྤོགས་བྱེད་པ་དང་། སྲང་དང་། བྲེ་ཆེ་ཆུང་འཆང་བ་དང་། རྩ་ལག་སྙེམས་ཤིང་མི་གཞན་ལ་ནོར་ལེན་པ་དང་། སེམས་ཅན་ལ་ཕྲག་དོག་བྱེད་དེ། ཕ་ལོག་པོ་བཅིངས་དགས་བྱས་པ་དང་། ངོ་སོ་དོན་
D256.066.0085a01.01དུ་ཡོད་པ་ཞིག་བཏང་བྱི་ལ་དང་། སེལ་བྱི་དང་། ཁྱི་དང་། ཕག་དང་། བྱ་འཆང་ཞིང་གསོར་མི་རུང་ངོ་། །དེ་ལྟ་བུ་ཆེད་ཀར་གསོས་ན་ལྟུང་བའོ། །སངས་རྒྱས་ཀྱི་བུ་ངན་སེམས་བསྐྱེད་དེ། ཕོ་སྨོས་ལ་སོགས་པ་འཐབ་བོ་ཅོག་ལ་ལྟ་བ་དམག་གི་གཡུལ་དང་དགྲ་ཆེན་པོ་བྱེད་
D256.066.0085a02.01པ་ལ་སོགས་པ་ལ་བལྟར་མི་རུང་ངོ་། །ཡང་གཅིག་ཏུ་དུང་འབུད་པ་དང་། རྔ་གླིང་དང་། གྱིམ་ཤིང་དང་། ཛེང་དང་། གླིང་བུ་དང་། ཀོང་ཧིའུ་དང་། གླུ་ལེན་པ་དང་། རོལ་མོའི་སྒྲ་ལ་མཉན་དུ་མི་རུང་ངོ་། །ཆོ་ལོ་དང་། མིག་{མངས་,མང་}དང་། པར་སིག་གི་རྩེད་མོ་དང་། ར་
D256.066.0085a03.01འབྲི་ལུག་གི་དམག་གི་རྩེད་མོ་དང་། ཕོ་ལོང་རྡོབ་པ་དང་། རྡོ་འཕེན་གྱིས་རྩེ་བ་དང་། བུམ་བུ་ལ་རྡེའུ་འཕེན་པ་དང་། ཁྲས་བྱེད་པ་དང་། མེ་ལོང་བྲུད་པ་བྱར་མི་རུང་ངོ་། །རྩ་ཙི་ཚའུ་དང་། རྒྱ་ཅང་དང་། ཕོར་བུ་ཁ་རུབ་དང་། མིའི་ཐོད་པ་དང་། དེ་རྣམས་ལ་མོ་གདབ་ཏུ་མི་
D256.066.0085a04.01རུང་ངོ་། །རྐུན་པོའི་ཐན་གྱི་ཕོ་ཉ་ལ་སོགས་པ་གཅིག་ཀྱང་བྱར་མི་རུང་ངོ་། །དེ་ལྟར་ཆེད་ཀར་བྱས་ན་ལྟུང་བའོ། །སངས་རྒྱས་ཀྱི་བུ་ཚུལ་ཁྲིམས་ཐུབ་པར་བཟུང་བའི་རིམ་གྲོ་བྱས་ན་འགྲོ་ཉལ་འདུག་ལངས་དང་། ཉིན་མཚན་དུས་དྲུག་ཏུ་ཚུལ་ཁྲིམས་ཁ་ཏོན་བླགས་ན་རྡོ་རྗེ་དང་
D256.066.0085a05.01མཚུངས་སོ། །རྐྱལ་པ་ཐོགས་པ་མཚོ་ཆེན་པོ་བརྒལ་བ་དང་མཚུངས་སོ། །གཅིག་ཏུ་ན་དགེ་སློང་རྩྭས་བཅིངས་པ་དང་མཚུངས་ཏེ། ཐེག་པ་ཆེན་པོ་ལ་དགེ་ཞིང་ཡིད་ཆེས་པའི་སེམས་རྟག་པར་བསྐྱེད་ལ་བདག་གིས་ཤེས་པར་བསམ་པ་ང་ནི་ད་རུང་སངས་རྒྱས་སུ་མ་ཕྱིན་པའི་
D256.066.0085a06.01སངས་རྒྱས་སོ། །སངས་རྒྱས་ཀྱི་བུ་རྣམས་ནི་སངས་རྒྱས་སུ་ཕྱིན་པའི་སངས་རྒྱས་སོ་སྙམ་དུ་བྱང་ཆུབ་ཏུ་སེམས་བསྐྱེད་དེ་བར་མི་ཆད་པར་སེམས་ལ་བསམས་ལ་དེ་སྐད་ཅིག་གཅིག་ཐེག་པ་ཆུང་ངུ་གཉིས་དང་། མུར་འདུག་ལ་སེམས་ཀྱིས་བསམས་ན་ལྟུང་བའོ། །སངས་རྒྱས་
D256.066.0085a07.01