完整藏文原文 · 德格版页 当前仅加载第 66 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་འཐབ་ཅིང་རྩོད་པ་མེད་པར་བྱས་ལ་རྟག་པར་སྙིང་རྗེ་བསྐྱེད་ཅིང་བྱ་བའི་རིགས་ཀྱི། ཕྱིར་ལོག་པར་སེམས་ཅན་ཐམས་ཅད་ཀྱི་ནང་ན་སེམས་ཅན་མ་ཡིན་པ་ལ་ཁ་ངན་པས་གཤེ་ཞིང་ལག་པས་འཚོག་པ་དང་། རལ་གྲི་དང་། དབྱིག་པས་གདབ་ཅིང་བརྡེགས་ཀྱང་སྙིང་
D256.066.0079a01.01བརྩེ་མ་བྲི་སྟེ། ཕ་ལོག་པོ་འགྱོད་ཅིང་ཚིག་འཇམ་པོས་འཆགས་ཤིང་གནོང་བསྐུར་ཀྱང་ཁྲོ་བའི་མདུད་པ་མ་བཀྲོལ་ན་དེ་ནི་བྱང་ཆུབ་སེམས་དཔའི་ཕས་ཕམ་པའོ། །སངས་རྒྱས་ཀྱི་བུ་ལ་ལ་ཞིག་གིས་དཀོན་མཆོག་གསུམ་ལ་མ་ཡིན་ཞེས་ཟེར་རམ། གཞན་དཀོན་མཆོག་གསུམ་
D256.066.0079a02.01ལ་མ་ཡིན་ཞེས་ཟེར་བར་བསྟན་ཏམ། མ་ཡིན་ཞེས་ཟེར་བའི་རྒྱུ་དང་། རྐྱེན་བྱེད་དམ། མ་ཡིན་པའི་ཆོས་བྱེད་དམ། མ་ཡིན་པའི་ལས་བྱེད་ན། བྱང་ཆུབ་སེམས་དཔའ་ནི་མུར་འདུག་དང་མ་རབས་ཀྱི་ངན་ཚིག་གཅིག་སངས་རྒྱས་ཀྱི་སྒྲ་སྐད་མ་ཡིན་ཞེས་ཟེར་བ་ཞིག་མཐོང་ངམ་ཐོས་ན་མདུང་རྩེ་ཁ་
D256.066.0079a03.01གསུམ་པ་སུམ་བརྒྱས་སྙིང་ལ་ཟུག་པ་དང་མཚུངས་ན། བདག་གི་ཁ་ནས་མ་ཡིན་ཞེས་ཟེར་བ་ལྟ་སྨོས་ཀྱང་ཅི་དགོས་ཏེ། ཡིད་ཆེས་པའི་སེམས་སྲི་ཞུ་དང་མི་འགལ་བའི་སེམས་བསྐྱེད་པའི་རིགས་ན། སླར་ལོག་པར་མ་རབས་ལོག་པ་ལ་ལྟ་ཞིང་མ་ཡིན་ཞེས་ཟེར་བའི་གྲོགས་བྱེད་ན་དེ་ནི་བྱང་
D256.066.0079a04.01ཆུབ་སེམས་དཔའི་ཕས་ཕམ་པའོ། །དགེ་ཞུགས་སྤྱོད་པའི་རྣམས་ནི་བྱང་ཆུབ་སེམས་དཔའི་སོ་སོར་ཐར་པ་འདི་བསླབས་པའི་རིགས་སོ། །འདིའི་ནང་ནས་རྡུལ་ཕྲ་མོ་ཙམ་ཡང་གཞིག་ཏུ་མི་རུང་ན་ཚུལ་ཁྲིམས་བཅུ་ཚང་བར་བཤིག་པ་ལྟ་སྨོས་ཀྱང་ཅི་དགོས། ལ་ལ་ཞིག་གིས་ཚུལ་ཁྲིམས་
D256.066.0079a05.01བཤིག་པ་ཞིག་ན་ད་ལྟར་གྱི་ལུས་ལ་བྱང་ཆུབ་སེམས་དཔའི་སེམས་བསྐྱེད་པའི་ལས་མ་ནུས་ཏེ། རྒྱལ་པོའི་གྲལ་ཡང་སྟོར། འཁོར་ལོ་བསྐོར་བའི་རྒྱལ་པོའི་གྲལ་ཡང་སྟོར། དགེ་སློང་དང་། དགེ་སློང་མའི་གྲལ་ཡང་སྟོར། གཡོས་ཤིང་ཕྱོགས་པ་བཅུ་དང་། བསྐྱེད་ཅིང་གསོལ་བ་བཅུ་
D256.066.0079a06.01དང་། ཆོས་རྡོ་རྗེ་དང་མཚུངས་པ་བཅུ་དང་། ས་བཅུའི་སངས་རྒྱས་ཀྱི་ངོ་བོ་ཉིད་རྟག་པའོ། །ཡོན་ཏན་ཟབ་མོ་ལ་སོགས་པ་ཟད་པར་སྟོར་ནས་ངན་སོང་གསུམ་དུ་ལྟུང་སྟེ། བསྐལ་པ་གཉིས་གསུམ་གྱི་བར་དུ་ཕ་མ་དང་། དཀོན་མཆོག་གསུམ་གྱི་མིང་མཁན་ཀྱང་མི་ཐོས་ཏེ། དེ་བས་ན་
D256.066.0079a07.01