完整藏文原文 · 德格版页 当前仅加载第 63 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ན་སའི་ཁམས་ཡོད་པ་དང་། རིན་པོ་ཆེ་དང་འདྲ་བའི་རྩྭ་དང་། ཤིང་དང་། ཡལ་ག་དང་། ལོ་མ་དང་། འདབ་མ་དག་ཉེ་བར་བཟུང་བ་དང་། རི་ཐམས་ཅད་དང་། དེ་དག་ལ་གང་དག་སའི་ཁམས་ཡོད་པ་དང་། ཇི་ཙམ་དུ་འབྱུང་བ་ཆེན་པོ་བཞི་གནས་པ་ལས་སའི་ཁམས་སུ་གདགས་པས་བཏགས་
D229.063.0254b01.01པ་དེ་རྡུལ་ཕྲ་རབ་ཀྱི་རྡུལ་དུ་རླགས་ན་ཁྱིམ་བདག་རྣམས་དེ་ཇི་སྙམ་དུ་སེམས། རྡུལ་ཕྲ་རབ་དེ་དག་མང་བ་ཡིན་ནམ་དེ་སྐད་ཅེས་བཀའ་སྩལ་པ་དང་། ཁྱིམ་བདག་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྡུལ་ཕྲ་རབ་དེ་དག་མང་བ་ལགས་སོ། །རྡུལ་ཕྲ་རབ་ཀྱི་
D229.063.0254b02.01རྡུལ་དེ་དག་ཤིན་ཏུ་མང་བ་ལགས་སོ། །བཅོམ་ལྡན་འདས་རྡུལ་ཕྲ་རབ་ཀྱི་རྡུལ་དེ་དག་ཚད་མ་མཆིས་པ་ལགས་སོ། །ཁྱིམ་བདག་རྣམས་གཞན་ཡང་ཡོངས་སུ་བརྟག་པ་ཉེ་བར་བཟུང་སྟེ། སེམས་ཅན་རྣམས་རྡུལ་ཕྲ་རབ་ཀྱི་རྡུལ་དེ་དག་སྙེད་དུ་གྱུར་ཅིང་སེམས་ཅན་དེ་དག་ཀྱང་སྔ་ཕྱི་མེད་པར་མིའི་ལུས་
D229.063.0254b03.01ཐོབ་པར་གྱུར་ལ། དེ་དག་ཐམས་ཅད་ཀྱིས་མིའི་ལུས་ཐོབ་ནས་ཀྱང་རབ་ཏུ་བྱུང་ངོ་། །དེ་དག་ཐམས་ཅད་རབ་ཏུ་བྱུང་ནས་ཀྱང་དགྲ་བཅོམ་པ་ཉིད་ཐོབ་སྟེ། དེ་དག་མངོན་པར་ཤེས་པ་དག་མངོན་སུམ་དུ་བྱེད་ཅིང་། དེ་དག་མངོན་པར་ཤེས་པ་དྲུག་པོའི་རྫུ་འཕྲུལ་གྱི་སྟོབས་ཀྱིས་ཉན་ཐོས་ཆེན་པོ་དེ་དག་
D229.063.0254b04.01ཇི་སྙེད་པ་དེ་སྙེད་ཀྱི་འཇིག་རྟེན་གྱི་ཁམས་ཁོ་ན་དག་ཉན་ཐོས་གཅིག་གིས་སེ་གོལ་འགའ་གཏོགས་པ་ཙམ་གྱིས་འདའ་བར་བྱེད་དོ། །ཁྱིམ་བདག་རྣམས་རྣམ་གྲངས་འདིས་ན་ཉན་ཐོས་ཆེན་པོ་རེ་རེས་ཀྱང་འདའ་བར་བྱེད་ལ། གལ་ཏེ་གཅིག་གིས་འདའ་བར་བྱེད་པས་ཀྱང་འཇིག་རྟེན་གྱི་ཁམས་གཞན་
D229.063.0254b05.01དང་གཞན་དུ་འགྲོ་བར་བྱེད་དེ། ཁྱིམ་བདག་རྣམས་རྣམ་གྲངས་འདིས་ན་ཉན་ཐོས་ཆེན་པོ་དེ་དག་ལོ་བརྒྱ་སྙེད་དུ་འདའ་བར་བྱེད་ན། ཁྱིམ་བདག་རྣམས་དེ་ཇི་སྙམ་དུ་སེམས། ཉན་ཐོས་ཆེན་པོ་དེ་དག་གིས་ལོ་བརྒྱ་སྙེད་ཐལ་བར་འདའ་བའི་འཇིག་རྟེན་གྱི་ཁམས་ཇི་སྙེད་ཅིག་ཡོད། གསོལ་པ།
D229.063.0254b06.01བཅོམ་ལྡན་འདས་ཉན་ཐོས་ཆེན་པོ་དེ་དག་གིས་འདའ་བའི་འཇིག་རྟེན་གྱི་ཁམས་ཇི་སྙེད་པ་དེ་དག་ནི་ཚད་མ་མཆིས་པ་ལགས་སོ། །བཅོམ་ལྡན་འདས་འཇིག་རྟེན་གྱི་ཁམས་དེ་དག་གྲངས་མ་མཆིས་པ་ལགས་སོ། །བཀའ་སྩལ་པ། ཡོངས་སུ་བརྟག་པ་ཉེ་བར་བཟུང་སྟེ། ཉན་ཐོས་ཆེན་
D229.063.0254b07.01