完整藏文原文 · 德格版页 当前仅加载第 63 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་ལྡེམ་པོ་ངག་གོ། །རྒྱལ་པོ་ཆེན་པོ་ལྡེམ་པོ་ངག་ཅེས་བྱ་བ་ཅིའི་ཕྱིར་ལྡེམ་པོ་ངག་ཅེས་བྱ་ཞེ་ན། འདི་ལ་ངག་{ཆུང་ཟད་,ཅུང་ཟད་}ཀྱང་(མད་,མེད་)ལ་དེ་ལ་ཤེས་པར་བྱ་བ་ཡང་མེད་དོ། །གང་ལ་ཤེས་པར་བྱ་བ་མེད་པ་དེ་ནི་རྣམ་པར་ཤེས་པར་བྱ་བ་མ་ཡིན་ནོ། །རྒྱལ་པོ་ཆེན་པོ་རིགས་པ་མ་ཡིན་པ་མི་རིགས་པ་ཞེས་
D229.063.0243b01.01བྱ་བ་ཅིའི་ཕྱིར་རིགས་པ་མ་ཡིན་པ་ཞེ་ན། ལེན་ཅིང་འདོར་བར་བྱེད་པའི་ཕྱིར་རོ། །ཅི་ཞིག་ལེན་ཅིང་འདོར་བར་བྱེད་ཅེ་ན། གང་ན་ལེན་པ་མེད་ཅིང་འདོར་བ་མེད་པའོ། །གང་དག་འདོར་བ་དེ་དག་ནི་རྣམ་པར་རྒྱུག་པའོ། །གང་དུ་རྣམ་པར་རྒྱུག་ཅེ་ན། བྱང་ཆུབ་ལ་རྣམ་པར་རྒྱུག་གོ། །སྟོང་པ་ཉིད་
D229.063.0243b02.01ལ་རྣམ་པར་རྒྱུག་གོ། །རྣམ་པར་རྒྱུག་པ་དེ་དག་ནི་བསྟན་པ་འདི་དང་བྱང་ཆུབ་དང་ཉེ་བ་ལས་དེ་དག་ཐག་རིང་ངོ་། །རྒྱལ་པོ་ཆེན་པོ་ཉེ་བ་ཞེས་བྱ་བ་ཅིའི་ཕྱིར་ཉེ་བ་ཞེས་བྱ་ཞེ་ན། བྱང་ཆུབ་དང་ཉེ་བ་ཡང་མ་ཡིན། མི་ཉེ་བ་ཡང་མ་ཡིན་པའོ། །གང་བྱང་ཆུབ་གང་ལ་བཀོད་པ་ཡོད་པ་མ་ཡིན་པ་དེའི་ཕྱིར་ཉེ་བར་ཞི་
D229.063.0243b03.01བ་དང་། ཉེ་བར་ཞི་བ་མ་ཡིན་པ་ཞེས་བརྗོད་པར་མི་བྱའོ། །རྒྱལ་པོ་ཆེན་པོ་ཉེ་བར་ཞི་བ་ཞེས་བྱ་བ་དང་། བྱང་ཆུབ་ཅེས་བྱ་བ་ཅིའི་ཕྱིར་བྱང་ཆུབ་ཅེས་བྱ་ཞེ་ན། སེང་གེའི་ཕྱིར་རོ། །སེང་གེ་གང་ཞེ་ན། བག་ཚ་བ་མེད་པའོ། །ཅིའི་ཕྱིར་བག་ཚ་བ་མེད་པ་ཞེས་བརྗོད་ཅེ་ན། རྒྱལ་པོ་ཆེན་པོ་བག་ཚ་
D229.063.0243b04.01བ་ནི་འདས་པ་ཞེས་བརྗོད་དོ། །གང་བག་ཚ་བ་མེད་པ་དེ་དག་ལ་ཅིའི་ཕྱིར་དེ་བཞིན་གཤེགས་པ་དེ་བཞིན་གཤེགས་པ་ཞེས་བརྗོད་ཅེ་ན། འགྲོ་བ་དང་འོང་བ་སྟེ། དེའི་ཕྱིར་དེ་བཞིན་གཤེགས་པ་དེ་བཞིན་གཤེགས་པ་ཞེས་བརྗོད་དོ། །རྒྱལ་པོ་ཆེན་པོ་གཞན་ཡང་ཅིའི་ཕྱིར་དེ་བཞིན་གཤེགས་
D229.063.0243b05.01པ་ཞེས་བྱ་ཞེ་ན། འདི་ལྟར་སོང་བ་ཡང་མེད། མ་སོང་བ་ཡང་མེད་པ་དེའི་ཕྱིར་དེ་བཞིན་གཤེགས་པ་ཞེས་བརྗོད་དོ། །རྒྱལ་པོ་ཆེན་པོ་སངས་རྒྱས་ཀྱི་བགྲོ་བ་ཞེས་བརྗོད་པ་དེ་ཅིའི་ཕྱིར་སངས་རྒྱས་ཀྱི་བགྲོ་བ་དང་། དེ་བཞིན་གཤེགས་པའི་བགྲོ་བ་ཞེས་བརྗོད་ཅེ་ན། ཆོས་ཐམས་ཅད་འགྲོ་བ་མེད་
D229.063.0243b06.01པར་དེས་རྟོགས་པའི་ཕྱིར་རོ། །ཇི་ལྟར་རྟོགས་ཞེ་ན། འགྲོ་བ་དང་འོང་བ་མེད་པ་ཇི་ལྟར་རྟོགས་པ་དེ་ལྟར་རྟོགས་པའི་ཕྱིར་རོ། །དེ་སྐད་ཅེས་བཀའ་སྩལ་པ་དང་། ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་
D229.063.0243b07.01