完整藏文原文 · 德格版页 当前仅加载第 63 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་བཀའ་སྩལ་པ་དང་། འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །འཁོར་བ་ན་འཁོར་བའི་ཚེ་གང་ལ་གནས་ཏེ་སེམས་ཅན་ཐམས་ཅད་ཀྱི་སྔོན་གྱི་མཐའ་མི་མངོན་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D229.063.0231b01.01འཇམ་དཔལ་མ་རིག་པ་ལ་གནས་ནས་བྱིས་པ་སོ་སོའི་སྐྱེ་བོ་ཐམས་ཅད་ཀྱི་སྔོན་གྱི་མཐའ་མི་མངོན་ནོ། །འཇམ་དཔལ་གྱིས་གསོལ་པ། བཅོམ་ལྡན་འདས་ཅིའི་སླད་དུ་སྔོན་གྱི་མཐའ་མི་མངོན་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ལྟར་ཆོས་ཐམས་ཅད་ནི་དངོས་
D229.063.0231b02.01པོ་མེད་པ་སྟེ། དངོས་པོ་མེད་པ་ལ་གནས་ནས་ཁོ་བོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །འཇམ་དཔལ་གྱིས་གསོལ་པ། དེ་བཞིན་གཤེགས་པ་ཏིང་ངེ་འཛིན་ཇི་ལྟ་བུ་ཞིག་ལ་གནས་ནས་ཆོས་འདི་དག་ལ་ཡང་དག་པར་བགྲོ་བ་མཛད།
D229.063.0231b03.01བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་བསམ་གྱིས་མི་ཁྱབ་ཅིང་དྲི་མ་མེད་པ་ཤིན་ཏུ་ཡོངས་སུ་དཀར་བའི་ཕྱག་རྒྱའི་ཏིང་ངེ་འཛིན་ལ་གནས་ནས་དེ་བཞིན་གཤེགས་པ་རྣམས་ཆོས་འདི་དག་ལ་བགྲོ་བ་མཛད་དོ། །འཇམ་དཔལ་སངས་རྒྱས་ཀྱི་སྐུ་གཅིག་ཀྱང་མེད་མོད་ཀྱི། ཏིང་ངེ་
D229.063.0231b04.01འཛིན་དེ་ལ་གནས་ན་སངས་རྒྱས་ཀྱི་སྐུ་ཐ་དད་པ་ཡང་སྣང་ངོ་། །འཇམ་དཔལ་སངས་རྒྱས་ཀྱི་ཞིང་གཅིག་ཀྱང་མེད་མོད་ཀྱི། ཏིང་ངེ་འཛིན་དེ་ལ་གནས་ན་སངས་རྒྱས་ཀྱི་ཞིང་ཐ་དད་པ་ཡང་སྣང་ངོ་། །འཇམ་དཔལ་ཉན་ཐོས་གཅིག་ཀྱང་མེད་མོད་ཀྱི། ཏིང་ངེ་འཛིན་དེ་ལ་གནས་ན་ཉན་ཐོས་
D229.063.0231b05.01ཐ་དད་པ་ཡང་སྣང་ངོ་། །འཇམ་དཔལ་སངས་རྒྱས་ཀྱི་གསུང་གཅིག་ཀྱང་མེད་མོད་ཀྱི། ཏིང་ངེ་འཛིན་དེ་ལ་གནས་ན་སངས་རྒྱས་ཀྱི་གསུང་ཐ་དད་པ་ཡང་གྲག་གོ། །འཇམ་དཔལ་རྣམ་པར་རིག་པ་གཅིག་ཀྱང་མེད་མོད་ཀྱི། ཏིང་ངེ་འཛིན་དེ་ལ་གནས་ན་རྣམ་པར་རིག་པ་ཐ་
D229.063.0231b06.01དད་པ་ཡང་བྱེད་དོ། །འཇམ་དཔལ་སེམས་ཅན་གཅིག་ཀྱང་མེད་མོད་ཀྱི། ཏིང་ངེ་འཛིན་དེ་ལ་གནས་ན་སེམས་ཅན་མང་པོ་དེ་དག་ཀྱང་རྣམ་པར་གྲོལ་བར་འགྱུར་རོ། །འཇམ་དཔལ་གྱིས་གསོལ་པ། བཅོམ་ལྡན་འདས་ཨ་ལ་ལ་ཏིང་ངེ་འཛིན་འདི་ནི་རྒྱ་ཆེ་བ་ལགས་སོ། །བཅོམ་ལྡན་
D229.063.0231b07.01