完整藏文原文 · 德格版页 当前仅加载第 63 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་རྫོགས་པའི་སངས་རྒྱས་ཤཱཀྱའི་རྒྱལ་པོའི་མཆོག་ཤཱཀྱ་ཐུབ་པས་གང་ལ་གནས་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས། དེ་སྐད་ཅེས་སྨྲས་པ་དང་། ངས་དེ་ལ་འདི་སྐད་ཅེས་སྨྲས་སོ། །དེ་བཞིན་གཤེགས་པ་རི་རབ་ལྟ་བུས་གང་ལ་གནས་
D229.063.0230b01.01ཏེ་འགྲོ་བ་དྲུག་སྟོན་པ་དེ་ལ་གནས་ནས་ཁོ་བོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། དེ་ནི་ཡིད་ཀྱི་ཡང་དག་པར་བགྲོ་བའི་དྲི་བའོ། །འཇམ་དཔལ་གཞན་ཡང་ཤར་ཕྱོགས་ལོགས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
D229.063.0230b02.01རྒྱས་ཀུན་ཏུ་མེ་ཏོག་ཅེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། དེ་ལ་ངས་འདི་སྐད་ཅེས་སྨྲས་སོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་མེ་ཏོག་གིས་གང་ལ་གནས་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D229.063.0230b03.01མངོན་པར་རྫོགས་པར་སངས་རྒྱས་ལ། སངས་རྒྱས་ཀྱི་ཞིང་འདི་ཡང་ཇི་ལྟར་མངོན་པར་བསྒྲུབས། དེ་སྐད་ཅེས་སྨྲས་པ་དང་། འཇམ་དཔལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་མེ་ཏོག་གིས་ང་ལ་འདི་སྐད་ཅེས་སྨྲས་སོ། །ཁོ་བོ་དང་པོ་
D229.063.0230b04.01སེམས་བསྐྱེད་པ་ལ་གནས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ལ། སྒྱུ་མའི་སྐྱེས་བུས་རྣམ་པར་ཐར་པ་བརྒྱད་ཇི་ལྟར་མངོན་པར་བསྒྲུབས་པ་དེ་ལྟར་སངས་རྒྱས་ཀྱི་ཞིང་འདི་ཡང་མངོན་པར་བསྒྲུབས་སོ། །དེ་སྐད་ཅེས་བཀའ་སྩལ་པ་དང་། འཇམ་
D229.063.0230b05.01དཔལ་གཞོན་ནུར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་ན་དེ་བཞིན་གཤེགས་པ་ཀུན་ཏུ་མེ་ཏོག་དེས་དང་པོ་སེམས་བསྐྱེད་པ་ལ་གནས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ལགས། དེ་སྐད་ཅེས་
D229.063.0230b06.01གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དང་པོའི་སེམས་གང་ཡིན་པ་དེ་ཡང་མ་སྐྱེས་པ་ཡིན་ལ། ད་ལྟར་གྱི་དེ་ཡང་མ་སྐྱེས་པ་ཡིན་ཏེ། དང་པོའི་སེམས་བསྐྱེད་པ་དེ་ལྟ་བུ་ལ་གནས་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D229.063.0230b07.01