完整藏文原文 · 德格版页 当前仅加载第 63 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་འདི་སྙེད་ཅིག་དུལ་ལོ་ཞེས་བྱ་བ་དེ་ནི་མ་བྱས་པ། འགྱུར་བ་མེད་པར་སེང་གེའི་སྒྲ་སྒྲོགས་པའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བསྟན་པ་འདི་བཤད་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་
D229.063.0245a01.01འགུལ། རབ་ཏུ་འགུལ། ཀུན་ཏུ་རབ་ཏུ་འགུལ་ཏོ། །གཡོས་རབ་ཏུ་གཡོས། ཀུན་ཏུ་རབ་ཏུ་གཡོས་སོ། །ལྡེག །རབ་ཏུ་ལྡེག །ཀུན་ཏུ་རབ་ཏུ་ལྡེག་གོ། །དེ་ནས་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཇིག་རྟེན་
D229.063.0245a02.01དུ་དོག་ས་ཆེར་གཡོས་པར་གྱུར་པའི་རྒྱུ་ནི་གང་ལགས། རྐྱེན་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དེ་བཞིན་གཤེགས་པས་བསྟན་པ་འདི་བཤད་པ་ན་འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷ་ཐེར་འབུམ་ཕྲག་འབུམ་ཕྲག་བརྒྱད་ཅུ་པོ་དེ་དག་ནི་ཆོས་རྣམས་ལ་ཆོས་
D229.063.0245a03.01ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །ལྷ་ཐེར་འབུམ་ཕྲག་དགུ་བཅུ་ནི་མི་སྐྱེ་བའི་ཆོས་ལ་བཟོད་པ་སྐྱེས་སོ། །བྲམ་ཟེ་སྟོང་ཕྲག་དྲུག་ཅུ་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །སྲོག་ཆགས་ལྷ་དང་མིར་བཅས་པ་བརྒྱད་ཁྲི་ནི་ཆོས་རྣམས་ལ་
D229.063.0245a04.01ཆོས་ཀྱི་མིག་རྣམ་པར་དག་གོ། །སྲོག་ཆགས་མིའི་སྐྱེ་དགུ་སྟོང་ཕྲག་དྲུག་ཁྲི་ནི་མི་སྐྱེ་བའི་ཆོས་ལ་བཟོད་པ་སྐྱེས་སོ། །སྲོག་ཆགས་སྟོང་ཕྲག་བརྒྱད་སྟོང་ནི་ཕྱིར་མི་འོང་བའི་འབྲས་བུ་མངོན་སུམ་དུ་བྱེད་དོ། །རྒྱལ་པོ་ཆེན་པོ་འཇིག་རྟེན་དུ་ས་ཆེར་གཡོས་པར་གྱུར་པའི་རྒྱུ་ནི་དེ་ཡིན་ནོ། །རྐྱེན་ནི་དེ་ཡིན་ནོ། །
D229.063.0245a05.01རྒྱལ་པོ་ཆེན་པོ་དེ་བཞིན་གཤེགས་པ་བགྲོ་བའི་ཆོས་ཀྱི་རྣམ་གྲངས་འདི་ནམ་མཁའ་དང་ལྡན་པའི་ས་ཕྱོགས་འདི་ཉིད་དུ་འདས་པའི་སངས་རྒྱས་བཅོམ་ལྡན་འདས་རྣམས་ཀྱིས་ཀྱང་བཤད་དོ། །ང་ཡང་འཆད་དོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱམས་
D229.063.0245a06.01པ་ཡང་ས་ཕྱོགས་འདི་ཉིད་དུ་འཆད་པར་འགྱུར་རོ། །དེ་ནས་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་ཆོས་ཀྱི་རྣམ་གྲངས་འདི་ཉིད་ལ་མཆོད་པ་བྱ་བའི་ཕྱིར་དེ་བཞིན་གཤེགས་པ་ལ་མེ་ཏོག་དང་། སྤོས་དང་། ཕྲེང་བ་སྣ་ཚོགས་དེ་དག་གིས་མངོན་པར་གཏོར་ཏོ། །རབ་ཏུ་གཏོར་ཏོ། །རབ་ཏུ་མངོན་
D229.063.0245a07.01