完整藏文原文 · 德格版页 当前仅加载第 63 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
ཐག་ཏུ་གྲོགས་པོ་དག་དེང་ཤིག །གྲོགས་པོ་དག་དེང་ཤིག །དེ་ལྟར་སྣ་ཆེན་པོ་ལ་གཏོགས་པ་རྩིས་པ་ས་ག་བཟང་པོས་ཀྱང་རྒྱལ་པོ་ཆེན་པོའི་ལྟར་མཉན་ནས་རྒྱལ་པོ་གསལ་རྒྱལ་གྱིས་ཇི་སྐད་བསྒོ་བ་བཞིན་བསྒྲགས་སོ། །དེ་ནས་བཙུན་མོ་ཕྲེང་ཐོགས་ཀྱིས་བྲན་མོ་དཔལ་བཟང་མོ་དང་།
D229.063.0238b01.01བྲན་མོ་མེ་ཏོག་དཔལ་དང་། བྲན་མོ་དཔལ་དགའ་མོ་རྣམས་ལ་སྨྲས་པ། ཁྱོད་དེང་ལ་ང་ན་རེ་ཁྱིམ་བདག་གི་ཆུང་མ་རབ་ཏུ་རྟོག་བྱེད་ལ། བཅོམ་ལྡན་འདས་ལ་ཕྱག་བྱ་བ་དང་། བལྟ་བ་དང་། བསྙེན་བཀུར་བྱ་བའི་ཕྱིར་འདོང་དགོས་སོ་ཞེས་སྦྲོན་ཅིག །ངའི་ཚིག་གིས་ཁྱིམ་བདག་གི་ཆུང་མ་ཟླ་བ་
D229.063.0238b02.01དང་། དྲི་མེད་དང་། བདེ་དཔལ་དང་། འཕགས་མ་དང་། ཀུན་ཤེས་དང་། དཔེ་མེད་དཔལ་དང་། བཀོད་མཆོག་མ་དང་། ཟླ་{བཟངས་,བཟང་}མ་དང་། དྲི་མེད་ལྡན་རྣམས་ལ་ཡང་སྦྲོན་ཅིག །གནང་ཆེན་མོ་དེ་དག་གིས་ཇོ་མོ་ལེགས་སོ་ཞེས་ཇོ་མོའི་ལྟར་མཉན་ནས་ཇི་སྐད་བསྒོ་བ་བཞིན་སྦྲན་ཏོ། །
D229.063.0238b03.01དེ་ནས་སྣ་ཆེན་པོ་ལ་གཏོགས་པ་དབྱིབས་རིང་གིས་རྒྱལ་པོ་གསལ་རྒྱལ་གྱི་བཞོན་པ་བཟང་པོ་བཤམས་སོ། །བཤམས་ནས་ཀྱང་ཡུལ་ཀོ་ས་ལའི་རྒྱལ་པོ་གསལ་རྒྱལ་ག་ལ་བ་དེར་སོང་སྟེ་ཕྱིན་ནས་འདི་སྐད་ཅེས་སྨྲས་སོ། །ལྷའི་བཅིབས་པ་བཟང་པོ་ནི་བཤམས་ལགས་སོ། །དེ་ནས་ཡུལ་
D229.063.0238b04.01ཀོ་ས་ལའི་རྒྱལ་པོ་གསལ་རྒྱལ་གྱིས། བཅོམ་ལྡན་འདས་ལ་ཕྱག་བྱ་བ་དང་། བལྟ་བ་དང་། བསྙེན་བཀུར་བྱ་བའི་ཕྱིར་བཞོན་པ་བཟང་པོ་ལ་ཞོན་ཏེ། རྒྱལ་པོ་ཆེན་པོའི་མཐུ་དང་། རྒྱལ་པོ་ཆེན་པོའི་རྫུ་འཕྲུལ་གྱིས་བཙུན་མོའི་འཁོར་གྱི་ནང་ན་གནས་ཤིང་། བཙུན་མོའི་འཁོར་
D229.063.0238b05.01གྱིས་མདུན་གྱིས་ནི་བལྟས། ལྗོངས་ཀྱི་མི་དང་། གྲོང་རྡལ་བས་ནི་བསྐོར། ཡན་ལག་བཞི་པའི་དཔུང་གི་ཚོགས་ཀྱིས་ནི་མདུན་གྱིས་བལྟས། མེ་ཏོག་དང་། མེ་ཏོག་ཕྲེང་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། ཕྱེ་མ་དང་། གདུགས་དང་། རྒྱལ་མཚན་དང་།
D229.063.0238b06.01བ་དན་དང་། གོས་དག་ནི་ཐོགས། རིན་པོ་ཆེའི་གོས་རིན་ཏང་མེད་པ་དག་ནི་ཁྱེར། རིན་པོ་ཆེའི་གོས་རྒྱ་ཆེ་ཞིང་ཡངས་པ་དག་ནི་བགོས། ཤིང་རྟ་སྟོང་ཕྲག་དྲུག་ཁྲི་དང་། ཁྱོགས་པ་སྟོང་ཕྲག་དྲུག་ཁྲི་དང་། རྐང་ཏང་པ་སྟོང་ཕྲག་དྲུག་ཁྲིས་ནི་བསྐོར། བ་དན་སྟོང་ཕྲག་དྲུག་ཁྲི་
D229.063.0238b07.01