完整藏文原文 · 德格版页 当前仅加载第 62 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཡང་མི་འགྱུར་ཏེ། མིག་གི་རང་བཞིན་ཡང་དེ་བཞིན་ཉིད་ཡིན་ནོ། །དེ་བཞིན་ཉིད་ཀྱི་རང་བཞིན་ཡང་མིག་ཡིན་ནོ། །རྒྱལ་པོ་ཆེན་པོ་དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་ཀུན་ནས་ཉོན་མོངས་པར་ཡང་མི་འགྱུར། རྣམ་པར་དག་པར་ཡང་མི་འགྱུར་ཏེ། ཡིད་
D216.062.0251b01.01ཀྱི་རང་བཞིན་ཡང་དེ་བཞིན་ཉིད་ཡིན་ནོ། །དེ་བཞིན་ཉིད་ཀྱི་རང་བཞིན་ཡང་ཡིད་ཡིན་ནོ། །རྒྱལ་པོ་ཆེན་པོ་གཟུགས་ཀྱང་ཀུན་ནས་ཉོན་མོངས་པར་ཡང་མི་འགྱུར། རྣམ་པར་དག་པར་ཡང་མི་འགྱུར་ཏེ། གཟུགས་ཀྱི་རང་བཞིན་ཡང་དེ་བཞིན་ཉིད་ཡིན་ནོ། །དེ་བཞིན་ཉིད་ཀྱི་རང་བཞིན་ཡང་
D216.062.0251b02.01གཟུགས་ཡིན་ནོ། །རྒྱལ་པོ་ཆེན་པོ་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡང་ཀུན་ནས་ཉོན་མོངས་པར་མི་འགྱུར། རྣམ་པར་དག་པར་ཡང་མི་འགྱུར་ཏེ། རྣམ་པར་ཤེས་པའི་རང་བཞིན་ཡང་དེ་བཞིན་ཉིད་ཡིན་ནོ། །དེ་བཞིན་ཉིད་ཀྱི་རང་བཞིན་
D216.062.0251b03.01ཡང་རྣམ་པར་ཤེས་པ་ཡིན་ནོ། །རྒྱལ་པོ་ཆེན་པོ་ཆོས་ཐམས་ཅད་ནི་ཀུན་ནས་ཉོན་མོངས་པར་ཡང་མི་འགྱུར། རྣམ་པར་དག་པར་ཡང་མི་འགྱུར། འདོད་ཆགས་པར་ཡང་མི་འགྱུར། ཞེ་སྡང་བར་ཡང་མི་འགྱུར། གཏི་མུག་པར་ཡང་མི་འགྱུར། ཆགས་པར་ཡང་མི་འགྱུར།
D216.062.0251b04.01ཁོང་ཁྲོ་བར་ཡང་མི་འགྱུར་བ་ཡིན་གྱིས་དེ་ལ་ཁྱོད་ཀྱིས་རྟོག་པ་ངན་པ་མི་བྱའོ། །རྒྱལ་པོ་ཆེན་པོ་བྱིས་པ་ལྟ་བུ་སོ་སོའི་སྐྱེ་བོ་རྣམས་ནི་མེད་པ་ལ་ཡོངས་སུ་རྟོག་པས་ཉོན་མོངས་པ་བྱུང་གིས་དེ་ལ་ཁྱོད་ཀྱིས་མེད་པ་ལ་འདུ་ཤེས་བསྐྱེད་པར་མི་བྱའོ། །གང་མ་བྱུང་བ་དེ་ནི་གཞར་ཡང་
D216.062.0251b05.01འབྱུང་བ་མ་ཡིན་ཏེ། རྒྱལ་པོ་ཆེན་པོ་ཆོས་ཐམས་ཅད་ནི་མེད་པ་ལས་བྱུང་བས་མེད་པའོ། །དེ་ལ་ཁྱོད་ཀྱིས་ཡོད་པར་འདུ་ཤེས་མ་བྱེད་ཅིག །རྒྱལ་པོ་ཆེན་པོ་འདི་ལྟ་སྟེ། དཔེར་ན་ནམ་མཁའ་ལ་ནི་གཟུགས་མེད་པ། བལྟར་མི་སྣང་བ། གཟུང་དུ་མེད་པ་མི་དམིགས་པ་ཡིན་ཏེ།
D216.062.0251b06.01སྐྱེས་བུ་ལ་ལ་ཞིག་བདག་གིས་ནམ་མཁའ་གཟུགས་མེད་པ། བལྟར་མི་སྣང་བ། གཟུང་དུ་མེད་པ། མི་དམིགས་པ་འདི་རྡུལ་ཕྲན་ནམ། རྡུལ་ཏམ། དུ་བའམ། སྟུག་པོའམ། སྤྲིན་གྱིས་ཀུན་ནས་ཉོན་མོངས་པར་བྱའོ་ཞེས་དེ་སྐད་ཟེར་ན། རྒྱལ་པོ་ཆེན་པོ་དེས་ཇི་ག་ནམ་
D216.062.0251b07.01