完整藏文原文 · 德格版页 当前仅加载第 62 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །འཇམ་དཔལ་དེ་བཞིན་དུ། བྱང་ཆུབ་སེམས་དཔའ་སེམས་ཐོག་མ་བསྐྱེད་པ་ཡང་ཤེས་རབ་དང་། ཡེ་ཤེས་ཀྱི་སྟོབས་བསྐྱེད་པ་མ་ཐོབ་མོད་ཀྱི། སེམས་བསྐྱེད་མ་ཐག་ཏུ། ཉན་ཐོས་དང་། རང་སངས་རྒྱས་ཐམས་ཅད་
D216.062.0246a01.01ཟིལ་གྱིས་གནོན་པར་འགྱུར། བདུད་ཐམས་ཅད་ཀྱང་འཇིགས་པར་འགྱུར་ཞིང་སྐྲག་ནས། བདག་གི་ཁང་པ་ན་མི་དགའ་བར་འགྱུར་རོ། །ཡང་འཇམ་དཔལ་སེང་གེའི་ཕྲུ་གུ་དེས་སེང་གེའི་སྟོབས་དང་། ཤུགས་ཐོབ་པ་གཞན་དག་སེང་གེའི་སྐད་འབྱིན་
D216.062.0246a02.01པའི་སྒྲ་ཐོས་ན་ཡང་འཇིགས་དངངས་སྐྲག་པར་མི་འགྱུར་གྱི། སྟེང་དུ་བདག་ཀྱང་རིང་པོ་མི་ཐོགས་པར་སེང་གེའི་སྐད་འབྱིན་ཏོ་སྙམ་དུ་སེམས་པར་འགྱུར་རོ། །འཇམ་དཔལ་དེ་བཞིན་དུ། བྱང་ཆུབ་སེམས་དཔའ་སེམས་དཔའ་ཆེན་པོ་ཡང་། སངས་རྒྱས་ཀྱི་
D216.062.0246a03.01སེང་གེའི་སྐད་ཐོས་ནས། མི་འཇིགས། མི་དངངས། སྐྲག་པར་མི་འགྱུར་གྱི། སྟེང་དུ་བདག་ཀྱང་རིང་པོ་མི་ཐོགས་པར་དེ་བཞིན་དུ་བྱང་ཆུབ་ཐོབ་ནས། དེ་དང་འདྲ་བར་སེང་གེའི་སྐད་ཡང་དག་པར་འབྱིན་པར་བྱའོ་སྙམ་དུ་སེམས་པར་འགྱུར་རོ། །འཇམ་
D216.062.0246a04.01དཔལ་དེ་ལྟ་བས་ན། གང་དག་ཉན་ཐོས་ཀྱི་ནང་ན་གང་བགྲེས། རང་སངས་རྒྱས་ཀྱི་ནང་ན་གང་བགྲེས། དེ་བཞིན་གཤེགས་པའི་ནང་ན་གང་བགྲེས་ཞེས་སྨྲ་ཞིང་། ཡང་དག་པར་རྗོད་པ་དེ་དག་ནི་འཇམ་དཔལ་བྱང་ཆུབ་ཀྱི་སེམས་ལ་སྨྲ་ཞིང་། ཡང་དག་
D216.062.0246a05.01པར་རྗོད་པ་ལགས་སོ། །དེ་ཅིའི་སླད་དུ་ཞེ་ན། འཇམ་དཔལ་དགེ་བའི་ཆོས་དེ་དག་ཐམས་ཅད་ནི་དེ་ལས་བྱུང་ངོ་། །དེའི་སླད་དུ་ཡང་འཇམ་དཔལ་ཁྱོད་ནི་ཐུ་བོ་བགྲེས་པོ་ལགས་ཀྱིས་སྔོན་དུ་བཞུད་ཅིག །བདག་ནི་ཁྱོད་ཀྱི་སླད་བཞིན་དུ་མཆིའོ། །དེ་
D216.062.0246a06.01ནས་འཇམ་དཔལ་གཞོན་ནུར་གྱུར་པ་མདུན་དུ་སོང་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། ཉན་ཐོས་ཆེན་པོ་དེ་དག་ཀྱང་། དེའི་ཕྱི་བཞིན་དུ་དོང་ངོ་། །འཇམ་དཔལ་གཞོན་ནུར་གྱུར་པ་རིན་པོ་ཆེའི་ལམ་དེར་སོང་མ་ཐག་ཏུ་
D216.062.0246a07.01