完整藏文原文 · 德格版页 当前仅加载第 62 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ཤིན་ཏུ་འཇམ་དཔལ་གཞོན་ནུར་གྱུར་པ་ལ་སྟོན་པའི་འདུ་ཤེས་ཀྱིས་བཀུར་སྟི་བྱེད་པར་གྱུར་ཏོ། །དེ་ནས་རྒྱལ་པོ་མ་སྐྱེས་དགྲ་བདག་གི་འགྲོ་བ་དང་འཁོར་དང་བཅས་ཏེ། མེ་ཏོག་དང་། དྲི་དང་། ཕྲེང་བ་དང་། བྱུག་པ་དང་། ཕྱེ་
D216.062.0247a01.01མ་ཐོགས་ནས་གཡོག་དང་བཅས་པས་འཇམ་དཔལ་གཞོན་ནུར་གྱུར་པ་བསུ་བའི་ཕྱིར་ཕྱི་རོལ་དུ་བྱུང་ནས། དེས་འཇམ་དཔལ་གཞོན་ནུར་གྱུར་པ་ལ་མཆོད་པ་བྱས་ཏེ། སླར་བདག་གི་ཁྱིམ་དུ་སོང་ངོ་། །དེ་ནས་འཇམ་དཔལ་གཞོན་ནུར་གྱུར་པ་འཁོར་དང་བཅས་
D216.062.0247a02.01ཏེ། རྒྱལ་པོ་མ་སྐྱེས་དགྲའི་ཁང་པ་ག་ལ་བ་དེར་དོང་སྟེ་ཕྱིན་པ་དང་ནང་དུ་དོང་ངོ་། །ནང་དུ་ཕྱིན་པ་དང་། གྲོང་ཁྱེར་ན་གནས་པ་ཐམས་ཅད་ཀྱང་མཆོད་པའི་ལས་ལ་བརྩོན་པར་གྱུར་ཏོ། །ཡང་དེའི་ཚེ་ན་བྱང་ཆུབ་སེམས་དཔའི་འཁོར་དེར་བྱང་ཆུབ་སེམས་དཔའ་
D216.062.0247a03.01སེམས་དཔའ་ཆེན་པོ་ཀུན་ཏུ་གཟིགས་པ་ཞེས་བྱ་བ་ཞིག་འདུས་པར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་གཟིགས་པ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱིས་འཁོར་གྱི་གནས་བཀོད་
D216.062.0247a04.01པ་བྱའོ། །དེའི་དུས་ལ་བབ་པར་ཤེས་པར་གྱིས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་གཟིགས་པས་རྒྱལ་པོ་མ་སྐྱེས་དགྲའི་ཁབ་ཀྱི་གཡས་གཡོན་དུ་བལྟས་པ་དང་། བལྟས་མ་ཐག་ཏུ་རྒྱལ་པོ་མ་སྐྱེས་དགྲའི་ཁབ་ཏུ་འཁོར་
D216.062.0247a05.01གྱི་གནས་བྱུང་སྟེ། དར་གྱི་ལྡ་ལྡི་མང་པོ་ནི་བཏགས། བླ་རེ་ནི་བྲེས། གདུགས་དང་། རྒྱལ་མཚན་དང་བ་དན་ནི་བསྒྲེང་། མེ་ཏོག་སིལ་མས་ནི་བཀང་ཞིང་ལག་མཐིལ་བཞིན་དུ་མཉམ་པ་དང་། ཡངས་ཤིང་རྒྱ་ཆེ་བར་གྱུར་ཏོ། །ཡང་དེའི་ཚེ་ན་བྱང་
D216.062.0247a06.01ཆུབ་སེམས་དཔའ་སེམས་དཔའ་ཆེན་པོ་ཆོས་ལས་མངོན་པར་འཕགས་པ་ཞེས་བྱ་བ་ཞིག །བྱང་ཆུབ་སེམས་དཔའི་འཁོར་དེར་འདུས་པར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པས། བྱང་ཆུབ་སེམས་དཔའ་ཆོས་ལས་མངོན་པར་འཕགས་
D216.062.0247a07.01