完整藏文原文 · 德格版页 当前仅加载第 62 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཀྱང་ཐེ་ཙོམ་དེ་བསལ་ནས་ཀུན་དུ་དཀྲིས་པ་མ་མཆིས་པར་འགུམ་པའི་དུས་བགྱིད་པ་དང་། བདག་གི་སུག་ལས་དེ་ཡང་མྱོང་བ་ཆུང་ངུ་འགྱུར་བ་དེ་ལྟ་དེ་ལྟར་ཆོས་བཤད་དུ་གསོལ། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མའོ་རྒྱལ་པོ་མ་སྐྱེས་དགྲ་འདི་ནི་སྲེད་པ་ལ་
D216.062.0234b01.01སྤྱོད་པ། ཆོས་ཟབ་མོ་ལ་དད་པ་ཡིན་གྱིས། འཇམ་དཔལ་གཞོན་ནུར་གྱུར་པ་མ་གཏོགས་པར་གཞན་སུས་ཀྱང་འདིའི་ཐེ་ཙོམ་ལྷག་མ་མ་ལུས་པར་སེལ་མི་ནུས་སྙམ་དགོངས་སོ། །དེ་ནས་སངས་རྒྱས་ཀྱི་མཐུས་ཚེ་དང་ལྡན་པ་ཤཱ་རིའི་བུས་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་
D216.062.0234b02.01སོ། །རྒྱལ་པོ་ཆེན་པོ་འཇམ་དཔལ་གཞོན་ནུར་གྱུར་པ་སང་བཤོས་ལ་སྤྱན་དྲོངས་ཤིག་དང་། དེས་ཁྱོད་ཀྱི་ཐེ་ཙོམ་ངན་པ་དེའང་བསལ་བར་འགྱུར། ཁྱིམ་ཡང་སྤྱད་པར་འགྱུར། ཁྱོད་ཀྱི་ནང་གི་འགྲོ་བ་དེ་ཐམས་ཅད་ཀྱིས་ཀྱང་དགེ་བའི་རྩ་བ་བསྐྱེད་པར་འགྱུར། རྒྱལ་པོའི་
D216.062.0234b03.01ཁབ་ཀྱི་གྲོང་ཁྱེར་ཆེན་པོར་ཡང་སེམས་ཅན་ཚད་མེད་པ་དག་གི་དོན་བྱས་པར་འགྱུར་རོ། །དེ་ནས་འཇམ་དཔལ་གཞོན་ནུར་གྱུར་པ་ལ་རྒྱལ་པོ་མ་སྐྱེས་དགྲས་འདི་སྐད་ཅེས་གསོལ་ཏོ། །འཇམ་དཔལ་གཞོན་ནུར་གྱུར་པ་བདག་ལ་ཐུགས་བརྩེ་བའི་སླད་དུ་སང་བཤོས་ལ་
D216.062.0234b04.01གཤེགས་པར་དགོངས་ཤིག །དེ་སྐད་ཅེས་གསོལ་པ་དང་། འཇམ་དཔལ་གཞོན་ནུར་གྱུར་པས་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་བྱས་པ་དང་། མཆོད་པས་ཆོག་གིས་འདི་ལྟ་སྟེ། ལེགས་པར་གསུངས་པའི་ཆོས་འདུལ་བ་ལ་
D216.062.0234b05.01གོས་ལེན་པའམ། ལྷུང་བཟེད་ལེན་པའམ། ཟས་ལེན་པ་དེ་ནི་ཐུགས་བརྩེ་བ་མ་ཡིན་གྱི། རྒྱལ་པོ་ཆེན་པོ་ཁྱོད་གང་གི་ཚེ་ཟབ་མོའི་དོན་དམ་པ་བདག་མེད་པ་ལ་ཐེ་ཙོམ་མེད་པའམ། ནེམ་ནུར་མེད་པར་གྱུར་ན། དེ་ལྟ་བུ་ནི་ཁྱོད་ལ་ཐུགས་བརྩེ་བར་བྱས་པ་ཡིན་ནོ། །
D216.062.0234b06.01རྒྱལ་པོ་ཆེན་པོ་གང་གི་ཚེ་ན་ཁྱོད་ཆོས་གང་ལ་ཡང་རྟོག་པར་ཡང་མ་གྱུར། རྣམ་པར་རྟོག་པར་ཡང་མ་གྱུར་ན་དེ་ལྟ་བུ་ནི་ཁྱོད་ལ་ཐུགས་བརྩེ་བར་བྱས་པ་ཡིན་ནོ། །རྒྱལ་པོ་ཆེན་པོ་གང་གི་ཚེ་ན་ཁྱོད་སེམས་འདས་པ་དང་། མ་འོངས་པ་དང་། ད་ལྟར་དུ་རྟོག་པའང་
D216.062.0234b07.01