完整藏文原文 · 德格版页 当前仅加载第 62 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱད། ངག་གིས་མ་སྤྱད། ཡིད་ཀྱིས་མ་སྤྱད་པ་སྟེ། ཐམས་ཅད་དུ་མ་སྤྱད་ཅིང་མ་ཞུགས་པའོ། །རིགས་ཀྱི་བུ་དེ་ཇི་སྙམ་དུ་སེམས། ཇི་སྤྲུལ་པས་སྤྱད་དམ། གསོལ་པ། བཅོམ་ལྡན་འདས་སྤྲུལ་པས་མ་སྤྱད་དོ། །བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔས་དེ་ལྟར་བྱའོ། །
D216.062.0220b01.01དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པའི་ཕུང་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་དེ་བཞིན་གཤེགས་པ་འདི་སྤྲུལ་པ་མ་ཡིན་གྲང་། དེས་སྨྲས་པ། རིགས་ཀྱི་བུ་ཆོས་ཐམས་ཅད་ནི་སྤྲུལ་པའི་རང་བཞིན་དུ་ངེས་ཏེ།
D216.062.0220b02.01སྒྱུ་མའི་མཚན་ཉིད་ལས་མི་ལྡོག་གོ། །སྨྲས་པ། འཇམ་དཔལ་དེ་བཞིན་ནོ། །ཆོས་ཐམས་ཅད་ནི་སྤྲུལ་པའི་རང་བཞིན་ཅན་ཏེ། སྒྱུ་མའི་མཚན་ཉིད་ལས་མི་ལྡོག་གོ། །སྨྲས་པ། ཆོས་ཐམས་ཅད་སྤྲུལ་པའི་རང་བཞིན་ཅན་ཡིན་ན། ཁྱོད་ཅིའི་ཕྱིར་དེ་བཞིན་གཤེགས་པ་འདི་སྤྲུལ་པ་མ་ཡིན་
D216.062.0220b03.01གྲང་སྙམ་དུ་བྱེད་པར་གྱུར། སྨྲས་པ། སུས་སྤྲུལ། སྨྲས་པ། བདག་གིས་ལས་ཀྱི་རྣམ་པར་སྨིན་པ་ཡོངས་སུ་དག་པས་སྤྲུལ་གྱིས། འདི་ལ་རང་བཞིན་གྱིས་བདག་གམ། སེམས་ཅན་ནམ། སྲོག་གམ། གང་ཟག་དག་སངས་རྒྱས་སུ་གནས་པའམ། སོ་སོའི་སྐྱེ་བོར་
D216.062.0220b04.01གནས་པ་ནི་མ་ཡིན་ནོ། །དེ་ནས་དེ་བཞིན་གཤེགས་པའི་སྐུ་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པའི་ཕུང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གང་ལ་བསླབས་ནས་བྱང་ཆུབ་ཐོབ་པར་གྱུར། བཀའ་སྩལ་པ། རིགས་ཀྱི་བུ་མི་སློབ་པ་ནི་
D216.062.0220b05.01བྱང་ཆུབ་སེམས་དཔའི་སློབ་པའོ། །མི་སྡོམ་པ་ནི་བྱང་ཆུབ་སེམས་དཔའི་སློབ་པའོ། །མི་འཇིགས་པ་ནི་བྱང་ཆུབ་སེམས་དཔའི་སློབ་པའོ། །མི་རྟོག་པ་ནི་བྱང་ཆུབ་སེམས་དཔའི་སློབ་པའོ། །མི་དཔྱོད་པ་ནི་བྱང་ཆུབ་སེམས་དཔའི་སློབ་པའོ། །རིགས་ཀྱི་བུ་གནས་མེད་པ་དང་།
D216.062.0220b06.01མི་སྙེམས་པ་དང་། མ་སྤྲོས་པ་དང་། མི་ལེན་པ་དང་། མི་གཏོང་བ་དང་། མི་རྒྱུ་བ་དང་། ཡི་གེ་མེད་པ་དང་། མི་སྐྱེ་བ་དང་། མི་འགག་པ་དང་། མ་འོངས་པ་དང་། མ་སོང་བ་དང་། མི་གནས་པ་དང་། མཚན་མ་མེད་པ་དང་། དངོས་པོ་མེད་པ་དང་། མི་དམིགས་
D216.062.0220b07.01