完整藏文原文 · 德格版页 当前仅加载第 62 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །ཆོས་ཉིད་ལ་སྣ་ཚོགས་མེད་པའི་ཕྱིར་དེས་ཆོས་རོ་གཅིག་པ་ལ་མོས་པར་བྱའོ། །རྟེན་ཅིང་འབྲེལ་པར་འབྱུང་བ་དང་མི་འགལ་བའི་ཕྱིར་དེས་ཆོས་ཉིད་ལ་བརྟག་པར་བྱའོ། །ཐོག་མ་ནས་མ་སྐྱེས་པའི་ཕྱིར་ཆོས་གང་ཡང་མ་བྲི་བ་དང་མ་འཕེལ་བར་བྱའོ། །
D216.062.0216a01.01བསོད་ནམས་མི་ཟད་པའི་ཕྱིར་སེམས་ཅན་ཐམས་ཅད་ཉེ་བར་འཚོ་བའི་དགེ་བའི་རྩ་བ་བསྐྱེད་པར་བྱའོ། །ཆད་པ་དང་རྟག་པ་ལས་དབེན་པའི་ཕྱིར་དེས་མཐའ་གཉིས་རྟོགས་པར་བྱའོ། །སེམས་ཀྱི་སྒོམ་པ་ཚད་མེད་པའི་ཕྱིར་དེས་ཆོས་ཐམས་ཅད་ལ་བརྟག་པར་བྱའོ། །ཆོས་ཡང་དག་
D216.062.0216a02.01པར་མི་བརྗེད་པའི་ཕྱིར་བདག་གི་དྲན་པའི་སྟོབས་བསྐྱེད་པ་ཡང་ཡོངས་སུ་གཞག་པར་བྱའོ། །སེམས་ཅན་ཐམས་ཅད་ལ་སྙོམས་པར་ཆོས་འཆད་པའི་ཕྱིར་དེས་སྙེམས་པ་ཐམས་ཅད་ཡང་དག་པར་བཅོམ་པ་ཡོངས་སུ་རྫོགས་པར་བྱའོ། །སངས་རྒྱས་ཀྱི་ཆོས་མ་འདྲེས་པ་ལྷུར་
D216.062.0216a03.01བྱེད་པའི་ཕྱིར་མི་དགེ་བའི་ཆོས་ཐམས་ཅད་དང་མི་འགྲོགས་པར་བྱའོ། །སྐྱེས་བུ་དམ་པ་དག་དྲན་པའི་ཡེ་ཤེས་ཀྱི་གོ་ཆ་དེས་ནི་ཐམས་ཅད་མཁྱེན་པ་རྟོགས་པར་ནུས་སོ། །བྱང་ཆུབ་སེམས་དཔའ་ལྷུན་པོ་ཆེན་པོས་སྨྲས་པ་འདི་ལྟ་སྟེ། སངས་རྒྱས་ཀྱི་ཡེ་ཤེས་དེ་ནི་འཇིག་རྟེན་ཐམས་
D216.062.0216a04.01ཅད་ལས་མངོན་པར་འཕགས་པའི་ཡེ་ཤེས་ཏེ། དེ་ནི་ཚད་ཡོད་པའི་སྤྱོད་པས་རྟོགས་པར་མི་ནུས་སོ། །དེ་བས་ན་བསམ་པ་འཇིག་རྟེན་ཐམས་ཅད་ལས་མངོན་པར་འཕགས་པ་དང་། ཐོས་པ་འཇིག་རྟེན་ཐམས་ཅད་ལས་མངོན་པར་འཕགས་པ་དང་། དད་པ་འཇིག་རྟེན་ཐམས་ཅད་
D216.062.0216a05.01ལས་མངོན་པར་འཕགས་པ་དང་། སྦྱིན་པ་འཇིག་རྟེན་ཐམས་ཅད་ལས་མངོན་པར་འཕགས་པ་དང་། དེ་བཞིན་དུ་ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་འཇིག་རྟེན་ཐམས་ཅད་ལས་མངོན་པར་འཕགས་པ་དང་། བསོད་
D216.062.0216a06.01ནམས་རི་རབ་ལྷུན་པོ་བཞིན་དུ་མངོན་པར་འཕགས་པས་ཐམས་ཅད་མཁྱེན་པ་རྟོགས་པར་ནུས་སོ། །བྱང་ཆུབ་སེམས་དཔའ་མཐོང་ན་དགའ་བས་སྨྲས་པ། སྐྱེས་བུ་དམ་པ་དག་གང་གི་ཚེ་ན་བྱང་ཆུབ་སེམས་དཔའ་བདག་གི་གཟུགས་ཀྱི་སེམས་ཡོངས་སུ་དག་པས་གཟུགས་སུ་
D216.062.0216a07.01