完整藏文原文 · 德格版页 当前仅加载第 60 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོས་ཉོན་མོངས་པ་རྣམས་ལ་འཇིགས་པར་མི་བགྱིའམ། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་ཀུན་རྫོབ་ཏུ་བྱང་ཆུབ་སེམས་དཔའ་སེམས་དཔའ་ཆེན་པོས་ཉོན་མོངས་པ་རྣམས་ལ་འཇིགས་པར་
D179.060.0260b01.01བྱའོ། །དེ་བས་ཀྱང་དེས་ཉན་ཐོས་དང་རང་སངས་རྒྱས་དམིགས་པ་ཅན་གྱི་སེམས་ལ་ཤིན་ཏུ་འཇིགས་པར་བྱ་སྟེ། ཉོན་མོངས་པ་རྣམས་ལ་ནི་དེ་ལྟ་མ་ཡིན་ནོ། །ལྷའི་བུས་གསོལ་པ། བཅོམ་ལྡན་འདས་དེ་ཅིའི་སླད་ནས། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་ཁྱོད་ཉིད་ལ་དྲིས་ཁྱོད་
D179.060.0260b02.01ཀྱིས་ཅི་ནུས་པ་དེ་བཞིན་དུ་ལུང་སྟོན་ཅིག །ལྷའི་བུ་འདི་ཡིད་ལ་ཇི་སྙམ། སྐྱེས་བུ་འཚོ་བར་འདོད་པར་གྱུར་པས་ཡན་ལག་གཅད་པ་ལ་འཇིགས་པར་བྱའམ། འོན་ཏེ་མགོ་གཅད་པ་ལ་རབ་ཏུ་འཇིགས་པར་བྱ། ལྷའི་བུས་གསོལ་པ། བཅོམ་ལྡན་འདས་ཡན་ལག་གཅད་པའི་སྐྱེས་བུ་ནི་འཚོ་སྟེ།
D179.060.0260b03.01བསོད་ནམས་འདོད་པ་བསོད་ནམས་ཀྱི་ལམ་ཡང་དག་པར་བླངས་ཤིང་གནས་པ་དེ་ནི་མཐོ་རིས་སུ་སྐྱེ་བའི་རྒྱུར་འགྱུར་གྱི། བཅོམ་ལྡན་འདས་མགོ་བཅད་པ་ནི་འཚོ་བ་ལས་ཡོངས་སུ་ཉམས་ཏེ། བསོད་ནམས་འཚལ་བ་བསོད་ནམས་ཀྱི་ལམ་ཡང་དག་པར་ལེན་ཅིང་སྤྱོད་མི་ནུས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷའི་
D179.060.0260b04.01བུ་དེ་བཞིན་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་མི་དམིགས་པ་ནི་སྤྱོད་པ་ཉམས་ཀྱང་བླའི། ཉན་ཐོས་དང་། རང་སངས་རྒྱས་དམིགས་པ་ཅན་གྱི་ལྟ་བར་ལྟུང་བ་རྣམས་ཀྱིས་བསླབ་པ་དང་། སྦྱངས་པའི་ཡོན་ཏན་ཐམས་ཅད་དང་ལྡན་པ་ནི་དེ་ལྟ་མ་ཡིན་ནོ། །བྱང་ཆུབ་སེམས་དཔའ་སེམས་
D179.060.0260b05.01དཔའ་ཆེན་པོ་སེར་སྣ་ཅན་ནི་བླའི། སེམས་ཅན་ཐམས་ཅད་ཡོངས་སུ་བཏང་སྟེ། སངས་རྒྱས་ཀྱི་ཆོས་ཐམས་ཅད་འདོར་བ་ནི་དེ་ལྟ་མ་ཡིན་ནོ། །བྱང་ཆུབ་སེམས་དཔའ་སེམས་དཔའ་ཆེན་པོ་ངན་པའི་ངང་ཚུལ་ཅན་དུ་གྱུར་པ་ནི་བླའི། སེམས་ཅན་ཐམས་ཅད་ཡོངས་སུ་སྨིན་པར་མི་བྱེད་པར་གྱུར་
D179.060.0260b06.01པ་ནི་དེ་ལྟ་མ་ཡིན་ནོ། །བྱང་ཆུབ་སེམས་དཔའ་སེམས་དཔའ་ཆེན་པོ་དད་པས་སྤྱོད་པའི་ས་ལ་སྤྱོད་པ། མི་དམིགས་པ་ལ་མོས་ཤིང་། ཉོན་མོངས་པ་དང་བཅས་པ་བླའི། ཉན་ཐོས་དང་། རང་སངས་རྒྱས་དམིགས་པ་ཅན་ངེས་པར་གྱུར་པ་ཐོབ་པ། ཉོན་མོངས་
D179.060.0260b07.01