完整藏文原文 · 德格版页 当前仅加载第 60 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
མཁས་པའི་སྒོའོ། །ཀུན་རྫོབ་ཏུ་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་མྱ་ངན་ལས་འདས་པའི་སྒོའོ། །དོན་དམ་པར་ན་ཤིན་ཏུ་མི་འབྱུང་བ་ནི་ཆོས་ཐམས་ཅད་ཀྱི་སྒོའོ།། །།བམ་པོ་གཉིས་པ་སྟེ་ཐ་མ། ལྷའི་བུས་སྨྲས་པ། འཇམ་དཔལ་ཤིན་ཏུ་མི་སྐྱེ་
D179.060.0256a01.01བའི་སྒོ་གང་། འཇམ་དཔལ་གྱིས་སྨྲས་པ། ལྷའི་བུ་དོན་དམ་པར་ན་ཤིན་ཏུ་མི་འབྱུང་བ་ནི་ཀུན་ནས་སྒོའོ། །ལྷའི་བུས་སྨྲས་པ། འཇམ་དཔལ་ཤིན་ཏུ་མི་འབྱུང་བའི་རང་བཞིན་གང་། འཇམ་དཔལ་གྱིས་སྨྲས་པ། ལྷའི་བུ་དོན་དམ་པར་ན་ཤིན་ཏུ་
D179.060.0256a02.01དངོས་པོ་མེད་པ་ནི་ཤིན་ཏུ་མི་འབྱུང་བའི་རང་བཞིན་ནོ། །ལྷའི་བུས་སྨྲས་པ། འཇམ་དཔལ་ཤིན་ཏུ་མི་འབྱུང་བ་ལ་ཆ་ཤས་དབྱེ་བ་གང་ཡང་ཡོད་དམ། འཇམ་དཔལ་གྱིས་སྨྲས་པ། ལྷའི་བུ་དེ་ཇི་སྙམ་དུ་སེམས། ནམ་མཁའ་ལ་ཆ་ཤས་དབྱེ་བ་གང་ཡང་ཡོད་དམ།
D179.060.0256a03.01ལྷའི་བུས་སྨྲས་པ། འཇམ་དཔལ་མེད་དོ། །འཇམ་དཔལ་གྱིས་སྨྲས་པ། ལྷའི་བུ་དེ་བཞིན་དུ་ཇི་ལྟར་ན་ནམ་མཁའ་ལ་ཆ་ཤས་དབྱེ་བ་མེད་པ་དེ་བཞིན་དུ་ལྷའི་བུ་ཤིན་ཏུ་མ་སྐྱེས་པ་ལ་ཡང་ཆ་ཤས་དབྱེ་བ་མེད་དོ། །ལྷའི་བུས་སྨྲས་པ། འཇམ་དཔལ་ཁྱོད་ཀྱིས་དོན་
D179.060.0256a04.01དམ་པར་ན་ཤིན་ཏུ་མི་འབྱུང་བ་ཡོངས་སུ་ཤེས་སམ། འཇམ་དཔལ་གྱིས་སྨྲས་པ། ལྷའི་བུ་ཤིན་ཏུ་མི་འབྱུང་བས་ཤིན་ཏུ་མི་འབྱུང་བ་ཡོངས་སུ་མི་ཤེས་སོ། །དེ་ཅིའི་ཕྱིར་ཞེ་ན། ལྷའི་བུ་ཆོས་ཐམས་ཅད་ནི་ཤིན་ཏུ་མ་སྐྱེས་ཤིང་མ་བྱུང་ལ། དངོས་པོ་མེད་པའི་
D179.060.0256a05.01ཕྱིར་རོ། །ལྷའི་བུས་སྨྲས་པ། འཇམ་དཔལ་ཁྱོད་ཀྱིས་ཆོས་གང་ཡང་ཡོངས་སུ་ཤེས་ཤིང་གང་ཁོང་དུ་ཆུད་པས་འདི་ལྟ་བུའི་སྤོབས་པར་གྱུར། འཇམ་དཔལ་གྱིས་སྨྲས་པ། ལྷའི་བུ་འདི་ཇི་སྙམ་དུ་སེམས། བྲག་ཅས་ཆོས་གང་ཡོངས་སུ་ཤེས་ན། གང་དེ་ལས་སྒྲ་
D179.060.0256a06.01འབྱུང་། ལྷའི་བུས་སྨྲས་པ། འཇམ་དཔལ་བྲག་ཅས་ཆོས་གང་ཡང་ཡོངས་སུ་ཤེས་པ་མེད་མོད་ཀྱི་ཀུན་རྫོབ་ཏུ་ན་རྐྱེན་ལས་སྒྲ་འབྱུང་ངོ་། །འཇམ་དཔལ་གྱིས་སྨྲས་པ། ལྷའི་བུ་དེ་བཞིན་དུ་སེམས་ཅན་ཐམས་ཅད་ལ་དམིགས་པའི་རྐྱེན་གྱིས་ཀུན་རྫོབ་ཏུ་ན། བྱང་ཆུབ་
D179.060.0256a07.01