完整藏文原文 · 德格版页 当前仅加载第 60 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ན་ཟད་པའི་ཆོས་ཅན་མ་ཡིན་ནོ། །སྣང་ཡང་སྣང་ལ་དོན་དམ་པར་ན་དེའི་ལུས་ཡོངས་སུ་གྲུབ་པ་ཡང་མེད་དོ། །སྨྲ་ཡང་སྨྲ་ལ་དོན་དམ་པར་ན་ཡི་གེར་ཡང་མི་བརྗོད་དོ། །སེམས་ཀྱང་སེམས་ལ་དོན་དམ་པར་ན་སེམས་དང་སེམས་ལས་བྱུང་བའི་ཆོས་སུ་བརྗོད་པར་བྱ་བ་མ་ཡིན་ནོ། །དོན་དམ་
D179.060.0251b01.01པར་ན་གཟུགས་སུ་ཡང་མི་སྣང་ལ་ཀུན་རྫོབ་ཏུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ནི་བརྒྱན། དཔེ་བྱད་བཟང་པོས་ནི་སྤྲས། བསོད་ནམས་དང་ཡེ་ཤེས་ཀྱི་ཚོགས་ཀྱིས་ནི་བརྒྱན། གཟི་བརྗིད་ནི་བསྙེན་པར་དཀའ། བརྗོད་པ་ནི་རྣམ་པར་བསྒྲགས། ཚུལ་ཁྲིམས་ཀྱི་
D179.060.0251b02.01བྱུག་པས་ནི་བྱུགས། ངན་དུ་སྨྲ་བའི་ཚིག་རྣམས་ཀྱིས་ནི་ཀུན་ནས་ཉོན་མོངས་པར་གྱུར་པ་མེད། མངོན་པར་ཤེས་པས་ནི་རྣམ་པར་རོལ། ཐོས་པས་ནི་རྣམ་པར་ཤིགས། སྤོབས་པས་ནི་རབ་ཏུ་སྒྲོག །ཀུན་རྫོབ་ཏུ་ན་ཡེ་ཤེས་ཀྱིས་ནི་རྣམ་པར་འཕྲུལ། ཡེ་ཤེས་ཀྱི་འོད་ཀྱིས་ནི་མུན་
D179.060.0251b03.01པ་མུན་ནག་སེལ། ཤེས་རབ་ཀྱིས་ནི་སྣང་བར་བྱེད། མཐའ་ཡས་པར་བསྟན་པ་ནི་རྟོགས་པར་ཁོང་དུ་ཆུད་དོ། །ཀུན་རྫོབ་ཏུ་ན་སེམས་ཅན་ཐམས་ཅད་ཀྱི་ནི་སྐྱབས། སངས་རྒྱས་བཅོམ་ལྡན་འདས་རྣམས་ཀྱིས་ནི་རྟག་ཏུ་གཟིགས། ཉན་ཐོས་དང་རང་སངས་རྒྱས་དང་། མུ་
D179.060.0251b04.01སྟེགས་ཅན་དམིགས་པ་ཅན་ཐམས་ཅད་ཀྱིས་ནི་མི་བལྟ་ཞིང་བྱང་ཆུབ་ཀྱི་ཕྱིར་ནི་རྟག་ཏུ་བལྟ་བ་སྟེ། ཀུན་རྫོབ་ཏུ་ན་བསྟན་པ་ནི་ཟད་མི་ཤེས། དྲན་པ་ནི་རྒྱ་མཚོ་དང་འདྲ། ཏིང་ངེ་འཛིན་ནི་རི་རབ་དང་མཚུངས། བཟོད་པ་ནི་ས་དང་འདྲའོ། །ཀུན་རྫོབ་ཏུ་ན་རྣམ་པར་རྟོག་པ་ཐམས་ཅད་སེལ་
D179.060.0251b05.01བའི་ཕྱིར་དཔའ་བའོ། །མི་ཤེས་པའི་མུན་པ་མུན་ནག་སེལ་བའི་ཕྱིར་ཉི་མ་ལྟ་བུའོ། །རབ་ཏུ་སྣང་བའི་ཕྱིར་ཟླ་བ་དང་འདྲའོ། །ཀུན་རྫོབ་ཏུ་ན་འདུ་བའི་ཕྱིར་དབང་པོ་དང་མཚུངས་སོ། །ཀུན་རྫོབ་ཏུ་ན་སེམས་ལ་དབང་བྱེད་པའི་ཕྱིར་ཚངས་པ་དང་འདྲའོ། །ཀུན་རྫོབ་ཏུ་ན་ནམ་མཁའ་ལ་དབང་
D179.060.0251b06.01བྱེད་པའི་ཕྱིར་མི་མཉམ་པ་དང་མཉམ་པའོ། །ཀུན་རྫོབ་ཏུ་ན་ཐམས་ཅད་རྗེས་སུ་སོང་ཡང་དོན་དམ་པར་ན་གང་དུ་སོང་བའམ་འོངས་པའམ། འདུག་པ་མེད་དོ། །དེ་ཅིའི་ཕྱིར་ཞེ་ན། དོན་དམ་པར་ན་ཆོས་ཐམས་ཅད་ཤིན་ཏུ་མ་བྱུང་བའི་ཕྱིར་རོ། །ལྷའི་བུ་བཅོམ་ལྡན་འདས་དེ་བཞིན་གཤེགས་པ་
D179.060.0251b07.01