完整藏文原文 · 德格版页 当前仅加载第 60 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་བུ་དེ་བཞིན་དུ་ཉན་ཐོས་ཀྱི་བདེན་པ་ལ་སྒོམ་པ་ནི་ཡུན་ཐུང་བར་བལྟ་སྟེ། དེ་མྱུར་དུ་མྱ་ངན་ལས་འདས་ནས་སངས་རྒྱས་ཀྱི་ཚུལ་ཁྲིམས་དང་། ཐོས་པ་དང་། ཏིང་ངེ་འཛིན་དང་། ཤེས་རབ་དང་ཡེ་ཤེས་ཀྱི་དྲི་ཡང་མི་འབྱིན། བག་ཆགས་ཀྱི་མཚམས་སྦྱོར་
D179.060.0250a01.01བའི་ཉོན་མོངས་པ་ཡང་སྤོང་མི་ནུས་སོ། །ལྷའི་བུ་འདི་ལྟ་སྟེ། དཔེར་ན་ཡུལ་ཀ་ཤི་ཀའི་གོས་རིན་པོ་ཆེ་ལ། མི་དང་ལྷའི་སྤོས་དང་། མེ་ཏོག་གི་དྲིས་བསྐལ་པ་ཆེན་པོ་བརྒྱ་སྟོང་དུ་བསྒོས་ན། དེའི་ལྷའི་དྲི་དེ་རྟག་ཏུ་བྲོ་ཞིང་། དྲི་གཙང་མས་ལྷ་དང་མི་ཟིལ་གྱིས་གནོན་ཏོ། །
D179.060.0250a02.01ལྷའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོའི་བདེན་པ་སྒོམ་པ་མི་སྒོམ་པའི་ཚུལ་གྱིས་བསྐལ་པ་བརྒྱ་སྟོང་གྲངས་མེད་པར་བསྒོམས་པ་ནི། རྣམ་པ་ཐམས་ཅད་ཀྱི་མཆོག་དང་ལྡན་པ་ཐམས་ཅད་མཁྱེན་པའི་ཡེ་ཤེས་མ་ཐོབ་ཀྱི་བར་དུ་བར་མ་དོར་དེ་ཡོངས་སུ་མྱ་ངན་ལས་
D179.060.0250a03.01མི་འདའ་ཞིང་འདི་ལྟ་སྟེ། རྣམ་པ་ཐམས་ཅད་ཀྱི་མཆོག་དང་ལྡན་པ་ཐམས་ཅད་མཁྱེན་པའི་ཡེ་ཤེས་ཀྱི་དྲི་མི་དམིགས་པའི་ཚུལ་གྱིས་ཤིན་ཏུ་དྲི་ཞིམ་པར་འགྱུར་རོ། །འཇིག་རྟེན་གྱི་ཐ་སྙད་དུ་ཉོན་མོངས་པའི་བག་ཆགས་ཐམས་ཅད་ཀྱང་སྤོང་ཞིང་། ལྷ་དང་། མི་དང་། ལྷ་
D179.060.0250a04.01མ་ཡིན་དུ་བཅས་པའི་འཇིག་རྟེན་རྣམས་ཀྱང་འདུ་བར་འགྱུར་རོ། །དེ་ནས་ལྷའི་བུ་རབ་ཏུ་ཞི་བ་རྣམ་པར་དུལ་བའི་དབང་ཕྱུག་གིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D179.060.0250a05.01པའི་སངས་རྒྱས་རིན་པོ་ཆེའི་ཏོག་དེའི་ཉན་ཐོས་ཀྱི་དགེ་འདུན་དེ་ཅི་འདྲ། འཇམ་དཔལ་གྱིས་སྨྲས་པ། དོན་དམ་པར་ན་དད་པའི་རྗེས་སུ་འགྲོ་བ་ཡང་མ་ཡིན། གཞན་ལ་དད་པས་འགྲོ་བ་ཡང་མ་ཡིན་ནོ། །དོན་དམ་པར་ན་རིགས་ཀྱི་རྗེས་སུ་འགྲོ་བ་ཡང་མ་ཡིན་ཏེ། དོན་
D179.060.0250a06.01དམ་པར་ན་དེ་བཞིན་གཤེགས་པའི་རིགས་ཀྱང་མི་གཏོང་ངོ་། །དོན་དམ་པར་ན་ཆོས་ཀྱི་རྗེས་སུ་འགྲོ་བ་ཡང་མ་ཡིན་ཏེ། དོན་དམ་པར་ན་ཆོས་གང་ཡང་མི་དམིགས་སོ། །དོན་དམ་པར་ན་བརྒྱད་པ་ཡང་མ་ཡིན་ཏེ། ཀུན་རྫོབ་ཏུ་ན་ལོག་པའི་ཆོས་བརྒྱད་དང་ཡང་
D179.060.0250a07.01