完整藏文原文 · 德格版页 当前仅加载第 60 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་ལ་མཆོད་པའི་ཕྱིར་འདི་ལྟ་བུའི་མེ་ཏོག་གི་ཆར་ཆེན་པོ་མངོན་པར་ཕབ་པོ། །འཁོར་དེ་དག་གིས་གསོལ་པ། བཅོམ་ལྡན་འདས་འཇམ་དཔལ་གཞོན་ནུར་གྱུར་པ་དེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་བདག་ཅག་གིས་བལྟའོ། །
D179.060.0246b01.01དེ་ནས་འཇམ་དཔལ་གཞོན་ནུར་གྱུར་པ། བྱང་ཆུབ་སེམས་དཔའ་སྟོང་ཕྲག་བཅུ་དང་ལྷན་ཅིག་ཏུ་བར་སྣང་ལས་བབས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། འཇམ་དཔལ་གཞོན་
D179.060.0246b02.01ནུར་གྱུར་པ་རང་རང་གི་རྫུ་འཕྲུལ་གྱིས་སྤྲུལ་པའི་སྟན་ལ་འཁོད་དོ། །དེ་ནས་ལྷའི་བུ་རབ་ཏུ་ཞི་བ་རྣམ་པར་དུལ་བའི་དབང་ཕྱུག་གིས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
D179.060.0246b03.01འདས་འཁོར་འདི་དག་ཉན་འཚལ་ན། བཅོམ་ལྡན་འདས་ཀྱིས་བཀའ་མཆིད་ཀྱི་རྒྱུད་འགའ་ཞིག་འཇམ་དཔལ་གཞོན་ནུར་གྱུར་པ་ལ་སྨྲར་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་ཁྱོད་ཉིད་ཀྱིས་གང་འདོད་པ་དྲིས་ཤིག །ལྷའི་བུས་སྨྲས་པ། འཇམ་དཔལ་
D179.060.0246b04.01བཅོམ་ལྡན་འདས་དེ་བཞིན་གཤེགས་པ་རིན་པོ་ཆེའི་ཏོག་དེའི་སངས་རྒྱས་ཀྱི་ཞིང་ན་ཆོས་བསྟན་པ་ཇི་ལྟ་བུ་དག་འབྱུང་ན་དེར་མངོན་པར་དགའ། འཇམ་དཔལ་གྱིས་སྨྲས་པ། དོན་དམ་པར་ན་འདོད་ཆགས་བསྐྱེད་པའི་ཕྱིར་ཡང་མ་ཡིན། འདོད་ཆགས་ཟད་པར་བྱ་བའི་
D179.060.0246b05.01ཕྱིར་ཡང་མ་ཡིན་ནོ། །དོན་དམ་པར་ན་ཞེ་སྡང་བསྐྱེད་པའི་ཕྱིར་ཡང་མ་ཡིན། ཞེ་སྡང་ཟད་པར་བྱ་བའི་ཕྱིར་ཡང་མ་ཡིན་ནོ། །དོན་དམ་པར་ན་གཏི་མུག་བསྐྱེད་པའི་ཕྱིར་ཡང་མ་ཡིན། གཏི་མུག་ཟད་པར་བྱ་བའི་ཕྱིར་ཡང་མ་ཡིན་ནོ། །དོན་དམ་པར་ན་ཡེ་ཤེས་བསྐྱེད་
D179.060.0246b06.01པའི་ཕྱིར་ཡང་མ་ཡིན། ཡེ་ཤེས་ཟད་པར་བྱ་བའི་ཕྱིར་ཡང་མ་ཡིན་ནོ། །ལྷའི་བུས་སྨྲས་པ། འཇམ་དཔལ་ཅིའི་ཕྱིར། འཇམ་དཔལ་གྱིས་སྨྲས་པ། ལྷའི་བུ་མི་སྐྱེ་བ་ལ་སྐྱེ་བའམ། ཟད་པ་གང་ཡང་མེད་དོ། །ལྷའི་བུ་དོན་དམ་པར་ན་བྱང་ཆུབ་སེམས་དཔའ་
D179.060.0246b07.01