完整藏文原文 · 德格版页 当前仅加载第 60 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་ཏོག་དེའི་ཉན་ཐོས་ཀྱི་དགེ་འདུན་ནི་དེ་དང་འདྲ་སྟེ། དེ་བས་ཀྱང་ལྷག་པར་བསམ་གྱིས་མི་ཁྱབ་པའི་ཆོས་དང་ཡང་ལྡན་ནོ། །འཇམ་དཔལ་གཞོན་ནུར་གྱུར་པས་མི་དམིགས་པའི་ཚུལ་གྱིས་བསྟན་པ་འདི་བཤད་པ་ན་དགེ་
D179.060.0252a01.01སློང་ལྔ་བརྒྱ་དང་། དགེ་བསྙེན་ལྔ་བརྒྱ་དང་། ལྷའི་བུ་ལྔ་སྟོང་དམིགས་པ་ཅན་དེ་དག་ཐམས་ཅད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་ཏོག་དེའི་ཉན་ཐོས་སུ་གྱུར་ཅིག །
D179.060.0252a02.01འཇམ་དཔལ་གྱིས་སྨྲས་པ། ཀྱེ་གྲོགས་པོ་དག་སངས་རྒྱས་ཀྱི་ཞིང་དེར་དམིགས་པ་ཅན་ཐམས་ཅད་མི་སྐྱེའོ། །ཀྱེ་གྲོགས་པོ་དག་བྱང་ཆུབ་སེམས་དཔའ་སེམས་དཔའ་ཆེན་པོ་དམིགས་པ་མེད་པ་རྣམས་ནི་མི་སྐྱེ་བའི་ཚུལ་གྱིས་དེར་སྐྱེའོ། །ཀྱེ་གྲོགས་པོ་དག་གལ་ཏེ་ཁྱེད་ཀྱང་དེར་འདོད་ན་
D179.060.0252a03.01ཁྱེད་ཀྱིས་མི་དམིགས་པའི་ཚུལ་གྱིས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པར་གྱིས་ཤིག །ཀྱེ་གྲོགས་པོ་དག་ཁྱེད་ནམ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མི་དམིགས་པའི་ཚུལ་གྱིས་བརྩོན་པར་གྱུར་པ་དེའི་ཚེ། གྲོགས་པོ་དག་ཁྱེད་ལ་རྣམ་པའི་མཆོག་ཐམས་ཅད་
D179.060.0252a04.01དང་ལྡན་པ། ཐམས་ཅད་མཁྱེན་པའི་ཡེ་ཤེས་ཀྱང་རྙེད་པར་མི་དཀའ་ན། སངས་རྒྱས་ཀྱི་ཞིང་ཡོངས་སུ་དག་པར་སྐྱེ་བ་ལྟ་སྨོས་ཀྱང་ཅི་དགོས། ལྷའི་བུ་རབ་ཏུ་ཞི་བ་རྣམ་པར་དུལ་བའི་དབང་ཕྱུག་གིས་ཡང་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་
D179.060.0252a05.01སོ། །འཇམ་དཔལ་ཉན་ཐོས་ཀྱི་འདུལ་བ་ནི་ཇི་ལྟ་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་འདུལ་བ་ནི་ཇི་ལྟ་བུ། འཇམ་དཔལ་གྱིས་སྨྲས་པ། ལྷའི་བུ་ཁམས་གསུམ་གྱིས་སྐྲག་པས་བཏུལ་བ་ནི་ཉན་ཐོས་ཀྱི་འདུལ་བའོ། །དགེ་བའི་རྩ་བའི་ཚོགས་ཐམས་
D179.060.0252a06.01ཅད་བསགས་ཤིང་སེམས་ཅན་ཐམས་ཅད་དབུགས་འབྱིན་པ་དང་། ཁམས་གསུམ་དུ་བསམས་བཞིན་དུ་སྐྱེ་བས་བཏུལ་བ་ནི་ཀུན་རྫོབ་ཏུ་ན་བྱང་ཆུབ་སེམས་དཔའ་སེམས་དཔའ་ཆེན་པོའི་འདུལ་བའོ། །ཉོན་མོངས་པ་ཐམས་ཅད་ལ་སྡང་བ་ནི་ཉན་ཐོས་ཀྱི་འདུལ་བའོ། །སེམས་
D179.060.0252a07.01