完整藏文原文 · 德格版页 当前仅加载第 57 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་པ་དཔག་ཏུ་མེད་པ་དང་། ཚིག་རབ་ཏུ་དབྱེ་བ་དཔག་ཏུ་མེད་པ་དང་། སེམས་ཅན་དཔག་ཏུ་མེད་པ་དང་། རྗེས་སུ་གཟུང་བ་དཔག་ཏུ་མེད་པ་དང་། ཐབས་ལ་མཁས་པ་དཔག་ཏུ་མེད་པ་དང་། དཀོན་མཆོག་གི་ཆེ་བ་ཉིད་དཔག་ཏུ་མེད་པ་དང་། ཞིང་དཔག་ཏུ་མེད་པ་
D144.057.0023a01.01དང་། ལས་དཔག་ཏུ་མེད་པའོ། །རིགས་ཀྱི་བུ་དེ་ལ་ཆོས་དཔག་ཏུ་མེད་པ་ནི་གང་མདོ་དང་། དབྱངས་ཀྱི་བསྙད་པ་དང་། ལུང་བསྟན་པ་ལ་སོགས་པ་བསྟན་པའི་ཆོས་རྣམས་ཀྱི་སྡེ་སྣོད་དུ་གཏོགས་པ་དང་། དེའི་ཡན་ལག་ཏུ་གཏོགས་པ་རྣམས་ཀྱི་ཆོས་དཔག་ཏུ་མེད་པའོ། །དེ་ལ་ཟབ་པ་
D144.057.0023a02.01དཔག་ཏུ་མེད་པ་ནི་གང་ཐེག་པ་ཆེན་པོ་ལ་གང་ཟག་ལ་བདག་མེད་པ་དང་། ཆོས་ལ་བདག་མེད་པ་དང་། སྟོང་པ་ཉིད་དང་། དེ་བཞིན་ཉིད་དང་། ཡང་དག་པའི་མཐའ་དང་། མཚན་མ་མེད་པ་དང་། དོན་དམ་པ་དང་། ཆོས་ཀྱི་དབྱིངས་ཀྱི་རྣམ་གྲངས་རྣམས་ཀྱིས་བསྟན་པ་ཚད་མེད་པ་དང་།
D144.057.0023a03.01དགོངས་པ་ལས་བྱུང་བ་དང་། ཟབ་པ་བསྟན་པ་དཔག་ཏུ་མེད་པའོ། །དེ་ལ་བརྗོད་པ་དཔག་ཏུ་མེད་པ་ནི་རིགས་ཀྱི་བུ་བརྗོད་པ་གང་དང་གང་གིས་སེམས་ཅན་དང་ཆོས་དང་། དོན་རྟོགས་པར་འགྱུར་བ་ཐ་ན་དུད་འགྲོའི་སྐྱེ་གནས་སུ་སོང་བའི་སེམས་ཅན་རྣམས་ལ་ཡང་ཇི་ཙམ་དུ་ཚིག་བརྗོད་པ་དེ་དང་།
D144.057.0023a04.01དེས་དོན་ཁོང་དུ་ཆུད་པར་བྱ་བའི་ཕྱིར་དེ་བཞིན་གཤེགས་པ་རྣམས་ཀྱི་གསུང་བརྗོད་པ་རྣམས་དཔག་ཏུ་མེད་པར་འབྱུང་བའོ། །རིགས་ཀྱི་བུ་དེ་ལ་ཚིག་རབ་ཏུ་དབྱེ་བ་དཔག་ཏུ་མེད་པ་ནི་རིགས་ཀྱི་བུ་སེམས་ཅན་རྣམས་ལ་འདུལ་བའི་དབང་གི་ཕྱིར་དེ་བཞིན་གཤེགས་པས་ཚིག་རབ་ཏུ་དབྱེ་བའི་སྒོ་མང་པོ་ཉེ་བར་
D144.057.0023a05.01སྟོན་ཅིང་། དོན་རེ་རེ་ལ་ཡང་ཚིག་རབ་ཏུ་དབྱེ་བ་ཚད་མེད་པ་དག་གིས་རྣམ་གྲངས་སུ་ཕྱེ་སྟེ་རབ་ཏུ་སྟོན་པའོ། །དེ་ལ་སེམས་ཅན་དཔག་ཏུ་མེད་པ་ནི་གང་སྐྱེ་བའི་འཁོར་བ་ཐོག་མ་དང་། ཐ་མ་མེད་པ་དང་། ཀུན་ཏུ་རྒྱུག་པ་དང་། འཁོར་བའི་སྡུག་བསྔལ་གྱི་སྔོན་གྱི་མཐའ་མི་མངོན་པས་སེམས་ཅན་
D144.057.0023a06.01དཔག་ཏུ་མེད་དོ། །དེ་ལ་རྗེས་སུ་གཟུང་བ་དཔག་ཏུ་མེད་པ་ནི་རིགས་ཀྱི་བུ་དེ་བཞིན་གཤེགས་པ་འདི་ལྟ་སྟེ། གནོད་པ་ལས་ཡོངས་སུ་བསྐྱབ་པའི་རྗེས་སུ་གཟུང་བ་དང་། ངན་སོང་ལས་ཡོངས་སུ་བསྐྱབ་པའི་རྗེས་སུ་གཟུང་བ་དང་། འཇིག་ཚོགས་ལས་ཡོངས་སུ་བསྐྱབ་པའི་རྗེས་སུ་གཟུང་བ་དང་།
D144.057.0023a07.01