完整藏文原文 · 德格版页 当前仅加载第 57 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་པ་རྣམས་ལས་ཀྱང་ཁྱད་པར་དུ་འཕགས་པ་ཡིན་ཏེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པའི་གནས་ཀྱི་མཚན་ཉིད་དུ་རིག་པར་བྱའོ། །གསོལ་པ། བཅོམ་ལྡན་འདས་བྱང་ཆུབ་སེམས་
D144.057.0013b01.01དཔའ་སེམས་དཔའ་ཆེན་པོ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པའི་ཡང་དག་པར་འདའ་བའི་མཚན་ཉིད་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་
D144.057.0013b02.01པ་ནི་ངན་འགྲོའི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ཐམས་ཅད་ལས་ཡང་དག་པར་འདས་པ་ཡིན་ནོ། །བྱང་ཆུབ་སེམས་དཔའ་དད་པ་ཐབས་ཆེན་གྱིས་གསོལ་པ། བཅོམ་ལྡན་འདས་ས་ལ་ཞུགས་པ་ལས་རིང་དུ་གནས་པ། ལས་དང་པོ་པ་མོས་
D144.057.0013b03.01པས་སྤྱོད་པ་ལ་ཞུགས་པའི་བྱང་ཆུབ་སེམས་དཔའ་རྣམས་ཀྱི་ངན་འགྲོ་ཐམས་ཅད་ལས་ཡང་དག་པར་འདའ་བར་འགྱུར་བ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་ས་ལ་ཞུགས་པ་རྣམས་ཉིད་ཀྱི་ཐེག་པ་ཆེན་པོའི་ཕྱིར་
D144.057.0013b04.01ཐེག་པ་ཆེན་པོ་ལ་དད་པ་ཐོབ་པས་ངན་འགྲོ་ལས་ཡང་དག་པར་འདའ་བར་འགྱུར་ཞིང་བདེ་འགྲོའི་རྐྱེན་གཅིག་ནས་གཅིག་ཏུ་བརྒྱུད་པ་ཐོབ་པ་མ་ཡིན་གྱི། མ་ཐོབ་པའི་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཐོབ་པས་ཀྱང་ངན་འགྲོ་ལས་ཡང་
D144.057.0013b05.01དག་པར་འདའ་བར་རིག་པར་བྱའོ། །རིགས་ཀྱི་བུ་འདི་ལྟར་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཐོབ་པའི་བྱང་ཆུབ་སེམས་དཔའ་ནི་གཅིག་ནས་གཅིག་ཏུ་བརྒྱུད་པས་དུས་རིང་པོ་ན་ཚེ་རབས་ཐམས་ཅད་དུ་སངས་རྒྱས་དང་། བྱང་ཆུབ་སེམས་དཔའ་རྣམས་དང་འགྲོགས་པ་
D144.057.0013b06.01འཐོབ་བོ། །དེ་བས་ན་དམ་པའི་ཆོས་མཉན་པ་དང་། ཚུལ་བཞིན་ཡིད་ལ་བྱེད་པའི་རྗེས་སུ་འགྲོ་བའི་ཡང་དག་པའི་ནན་ཏན་ལ་ཞུགས་པའི་བྱང་ཆུབ་སེམས་དཔའ་ནི་གང་དུ་རྟག་པར་རྒྱུན་དུ་བྱང་ཆུབ་ཀྱི་ཚོགས་ཡོངས་སུ་རྫོགས་པར་འགྱུར་བ་དེར་སྐྱེ་བར་འགྱུར་ཏེ། རིགས་ཀྱི་བུ་
D144.057.0013b07.01