完整藏文原文 · 德格版页 当前仅加载第 57 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པ་རྣམས་ཀྱི་འདོད་པའི་ཡོན་ཏན་ལས་བྱུང་བའི་བདེ་བ་དང་ཡིད་བདེ་བས་ནི་མ་ཡིན་ནོ། །གཟུགས་དང་གཟུགས་མེད་པ་ན་སྤྱོད་པའི་སེམས་ཅན་རྣམས་ཀྱི་བདེ་བ་དང་ཡིད་བདེ་བ་གང་ཡིན་པ་དེས་ནི་འདི་འདྲ་བར་དེ་དག་གི་ལུས་དང་སེམས་སིམ་པར་བྱེད་པ་མ་ཡིན་ནོ། །
D144.057.0009a01.01དེ་ཅིའི་ཕྱིར་ཞེ་ན། འདི་ལྟར་དེ་དག་གི་བདེ་བ་དང་ཡིད་བདེ་བ་ནི་མ་ཞི་བའོ། །ཅིའི་ཕྱིར་མ་ཞི་བ་ཞེ་ན། གང་འདོད་པའི་ཡོན་ཏན་ལས་བྱུང་བའི་བདེ་བ་དེ་དང་ཡིད་བདེ་བ་དེ་དང་། འདོད་པ་ལ་ལོངས་སྤྱོད་པ་རྣམས་ཀྱི་བདེ་བ་དང་ཡིད་བདེ་བ་དེ་ནི་དེ་ཙམ་དུ་འདོད་ཆགས་དང་། ཁོང་ཁྲོ་བ་
D144.057.0009a02.01དང་ལྡན་པ་མ་ཞི་བའི་མཚན་ཉིད་དོ། །མཐོན་དམན་གྱི་རྒྱུའི་ཕྱིར་མ་ཞི་བའི་མཚན་ཉིད་དོ། །བདེན་པ་རྣམས་ལ་ཡིད་གཉིས་དང་ཐེ་ཚོམ་ཟ་བའི་རྗེས་སུ་སོང་བའི་ཕྱིར་རབ་ཏུ་མ་ཞི་བའི་མཚན་ཉིད་དོ། །ངར་འཛིན་པ་དང་། ང་ཡིར་འཛིན་པ་དང་། དེའི་རྩ་བ་ལས་བྱུང་བའི་
D144.057.0009a03.01ལྟ་བར་གྱུར་པ་ཚད་མེད་པ་དང་འབྲེལ་བའི་ཕྱིར་རབ་ཏུ་མ་ཞི་བའི་མཚན་ཉིད་དོ། །ཉེ་བའི་ཉོན་མོངས་པའི་ཕྱིན་ཅི་ལོག་དང་། གཡེང་བ་དང་། རྒོད་པ་དང་། རྨུགས་པ་དང་། བག་མེད་པ་དང་། ངོ་ཚ་མེད་པའི་རྩ་བའི་ཕྱིར་རབ་ཏུ་མ་ཞི་བའོ། །འགྲོ་བ་ལྔའི་ལས་སྣ་
D144.057.0009a04.01ཚོགས་མངོན་པར་འདུ་བྱེད་པའི་རྩ་བའི་ཕྱིར་རབ་ཏུ་མ་ཞི་བའོ། །སྡུག་བསྔལ་གྱི་བདེན་པས་བསྡུས་ཤིང་འགྲོ་བའི་ཕྱིར་རབ་ཏུ་མ་ཞི་བའོ། །རིགས་ཀྱི་བུ་འདི་ལྟར་ཉོན་མོངས་པ་དང་། ལས་དང་། ཚེའི་ཀུན་ནས་ཉོན་མོངས་པའི་རྒྱུ་དང་འབྲས་བུར་བཅས་པའི་རྒྱུན་ལ་འཇུག་པ་
D144.057.0009a05.01དང་ལྡན་པས་འདོད་པའི་ཡོན་ཏན་ལྔ་ལས་བྱུང་བའི་བདེ་བ་དང་། ཡིད་བདེ་བ་དེ་ནི་རབ་ཏུ་མ་ཞི་བ་སྟེ། དེ་བས་ན་དེའི་ལུས་དང་སེམས་སིམ་པར་བྱེད་པ་མ་ཡིན་ནོ། །ཇི་ལྟར་འདོད་པ་ལ་ལོངས་སྤྱོད་པ་རྣམས་ཀྱི་འདོད་པའི་ཡོན་ཏན་ལས་བྱུང་བའི་བདེ་བ་དང་ཡིད་བདེ་བ་མ་ཡིན་
D144.057.0009a06.01པ་དེ་བཞིན་དུ་གཟུགས་དང་། གཟུགས་མེད་པ་ན་སྤྱོད་པ་རྣམས་ཀྱི་སྙོམས་པར་ཞུགས་པ་ལས་བྱུང་བ་ལ་ཡང་རྣམ་པ་དེ་དག་གིས་ཅི་རིགས་པར་རབ་ཏུ་མ་ཞི་བའི་མཚན་ཉིད་དུ་རིག་པར་བྱའོ། །རབ་ཏུ་མ་ཞི་བས་ན་འཕགས་པའི་ཆོས་འདུལ་བ་ལ་ལུས་དང་སེམས་སིམ་པར་
D144.057.0009a07.01