完整藏文原文 · 德格版页 当前仅加载第 57 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པ་དམན་པའི་ཤེས་རབ་ལས་ཀྱང་ཤིན་ཏུ་འདས་ནས་ཤེས་རབ་ཀྱི་རྒྱུ་བ་ལ་འཇུག་གོ། །དེ་བས་ན་དེ་དེ་ན་སེམས་ཅན་གྱི་དོན་ལ་བརྩོན་པར་རིག་པར་བྱའོ། །ངས་དེ་ལས་དགོངས་ཏེ་སེམས་ཅན་རྣམས་ཀྱི་ལས་ཀྱི་རྒྱུད་ཀྱང་བསམ་གྱིས་མི་ཁྱབ་ན་བྱང་ཆུབ་སེམས་
D144.057.0014b01.01དཔའ་རྣམས་ཀྱི་ལྟ་སྨོས་ཀྱང་ཅི་དགོས་ཞེས་གསུངས་སོ། །རིགས་ཀྱི་བུ་འདི་ནི་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པའི་ཡང་དག་པར་འདའ་བའི་མཚན་ཉིད་དོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ཐེག་པ་
D144.057.0014b02.01ཆེན་པོའི་ཕྱིར་ཐེག་པ་ཆེན་པོ་ལ་དད་པའི་རྩ་བའི་མཚན་ཉིད་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་དེ་ནི་སངས་རྒྱས་ཀྱི་ཆོས་ཚད་མེད་པ་ཐམས་ཅད་ཀྱི་ས་བོན་ཡིན་པའི་ཕྱིར་སངས་རྒྱས་ཀྱི་ཆོས་
D144.057.0014b03.01ཚད་མེད་པ་ཐམས་ཅད་ཀྱི་རྩ་བ་ཉིད་དུ་རིག་པར་བྱའོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་ཆོས་སྣ་ཚོགས་ཚད་མེད་པ་ཇི་སྙེད་ཐེག་པ་ཆེན་པོ་ལ་སྣང་བ་དང་། རབ་ཏུ་ཕྱེ་བ་དེ་དག་ཐེག་པ་ཆེན་པོ་ལ་དད་པ་ཐོབ་པའི་བྱང་ཆུབ་སེམས་དཔའ་ཉན་ཏོ། །ཀུན་ཏུ་འཛིན་ཏོ། །
D144.057.0014b04.01དམིགས་པ་དེས་དད་པ་སྐྱེད་དོ། །དེ་ལ་བྱང་ཆུབ་སེམས་དཔའ་དེའི་དད་པ་སྐྱེ་བའི་དམིགས་པ་ཇི་སྙེད་པར་ས་བོན་ཡོངས་སུ་འཛིན་པ་དང་། ས་བོན་ལ་སོགས་པ་ཡང་དེ་སྙེད་དུ་གནས་སོ། །དེ་བས་ན་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་དེ་ནི་སངས་རྒྱས་ཀྱི་
D144.057.0014b05.01ཆོས་ཚད་མེད་པ་ཐམས་ཅད་ཀྱི་རྩ་བ་ཞེས་བྱ་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པའི་རྩ་བའི་མཚན་ཉིད་དོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་
D144.057.0014b06.01པོ་ལ་དད་པའི་སྦེད་པའི་མཚན་ཉིད་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལ་བྱང་ཆུབ་སེམས་དཔའ་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་སྐྱེས་ནས་འདི་ལྟ་སྟེ། སེར་སྣའི་སེམས་ཡོངས་སུ་སྤོང་ཞིང་དང་དུ་མི་ལེན་པས་སྦེད་པ་དང་།
D144.057.0014b07.01