完整藏文原文 · 德格版页 当前仅加载第 57 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གཉེར་བའི་བྱང་ཆུབ་སེམས་དཔའ་དགེ་བའི་རྩ་བ་རྣམ་པ་འདི་ལྟ་བུ་དག་ཡོངས་སུ་གཟུང་བ་ལ་བརྩོན་པར་བྱའོ། །དགེ་བའི་རྩ་བ་དེ་དག་ནི་འཇིག་རྟེན་པ་དང་། འཇིག་རྟེན་ལས་འདས་པའི་དགེ་བའི་རྩ་བ་ཐམས་ཅད་ཟིལ་གྱིས་མནན་ནས་འཇིག་རྟེན་པའི་ཕུན་སུམ་ཚོགས་པ་ཐམས་
D144.057.0012b01.01ཅད་རྗེས་སུ་སྦྱིན་པའོ། །འབྲས་བུ་རབ་ཏུ་སྦྱིན་པ་དང་། དེའི་རྒྱུས་ཀྱང་དགོས་པ་ཡིན་ཏེ། མཐར་ཡང་མི་ཟད་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་སྒྲུབ་བོ། །སེམས་ཅན་ཚད་མེད་པ་དག་ཀྱང་ཐེག་པ་གསུམ་གྱིས་སྡུག་བསྔལ་ཐམས་ཅད་སྤོང་ཞིང་
D144.057.0012b02.01ངེས་པར་འབྱུང་བར་བྱེད་པར་འགྱུར་རོ། །བྱང་ཆུབ་སེམས་དཔའ་དད་པ་ཐབས་ཆེན་གྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པའི་གནས་ཀྱི་མཚན་ཉིད་གང་ལགས། བཅོམ་ལྡན་འདས་ཀྱིས་བཀའ་སྩལ་པ།
D144.057.0012b03.01རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ནི་སེམས་ཅན་ཐམས་ཅད་ཀྱི་གནས་སོ། །དེ་ཅིའི་ཕྱིར་ཞེ་ན། འདི་ལྟར་ཐེག་པ་ཆེན་པོ་བསྟན་པ་སེམས་ཅན་ཐམས་ཅད་ལ་ཕན་པ་དང་། བདེ་བའི་ཐབས་ཀྱིས་རབ་ཏུ་ཕྱེ་བ་དེ་ལ་
D144.057.0012b04.01དམིགས་ནས་བྱང་ཆུབ་སེམས་དཔའ་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་སྐྱེས་སོ། །དེ་ལྟ་བས་ན་བྱང་ཆུབ་སེམས་དཔའ་དེ་བསྟན་པ་དེ་ལ་དད་པས་གང་བསྟན་པ་ལ་དགའ་བ་གནས་པའི་རྒྱུ་དེས་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ནི་
D144.057.0012b05.01སེམས་ཅན་ཐམས་ཅད་ཀྱི་ཕན་པ་དང་བདེ་བའི་གནས་སུ་རིག་པར་བྱའོ། །རིགས་ཀྱི་བུ་ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་དད་པ་ཐོབ་པ་སེམས་ཅན་ཐམས་ཅད་ལ་ཕན་པ་དང་བདེ་བ་འབྱུང་བ་དེ་ལྟར་ཕ་མ་དང་། བུ་དང་། མཛའ་བོ་དང་། རྩ་ལག་དང་།
D144.057.0012b06.01གཉེན་གྱི་ཚོགས་ནི་གཉེན་གྱི་ཚོགས་ལ་ཕན་པ་དང་བདེ་བ་འབྱུང་བ་མ་ཡིན་ནོ། །དེ་ཅིའི་ཕྱིར་ཞེ་ན། ཕ་མ་ལ་སོགས་པ་གཉེན་འདབ་ཀྱི་ཚོགས་དེ་ནི་གཉེན་འདབ་ཀྱི་ཚོགས་ལ་ཕན་པ་མ་ཡིན་པ་ལ་ཕན་པར་འདུ་ཤེས་ཤིང་ཕན་པ་ལ་ནི་ཕན་པ་མ་ཡིན་པར་འདུ་ཤེས་པ་ཡིན། བདེ་བ་མ་ཡིན་
D144.057.0012b07.01