完整藏文原文 · 德格版页 当前仅加载第 57 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཚོགས་དང་ཡེ་ཤེས་ཀྱི་ཚོགས་ཡོངས་སུ་རྫོགས་པར་འགྱུར་རོ། །དེ་བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་རྫོགས་ཤིང་དགེ་བའི་རྩ་བས་ལེགས་པར་བརྟན་པས་ཐེག་པ་ཆེན་པོ་ལ་དད་པའི་རྐྱེན་ཆུང་ངུས་ཀྱང་ཐེག་པ་ཆེན་པོ་ལ་དད་པ་རྒྱ་ཆེན་
D144.057.0021a01.01པོ་སྐྱེ་ན། ཐེག་པ་ཆེན་པོ་ལ་དད་པའི་རྐྱེན་རྒྱ་ཆེན་པོས་ལྟ་ཅི་སྨོས་ཏེ། དེ་ཉིན་མོའམ། མཚན་མོའམ། ཉལ་ལམ། མི་ཉལ་ཡང་རུང་། ཐེག་པ་ཆེན་པོ་ལ་དད་པའི་ཤུགས་ཀྱིས་དོན་མེད་པར་མི་འགྱུར་ཏེ། རིགས་ཀྱི་བུ་འདི་ནི་བྱང་ཆུབ་སེམས་དཔའི་ཐེག་པ་ཆེན་པོའི་
D144.057.0021a02.01ཕྱིར་ཐེག་པ་ཆེན་པོ་ལ་དད་པ་ཡོངས་སུ་བསྐང་བ་ལས་སྐྱེ་བའོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་གནས་ལས་སྐྱེ་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལ་བྱང་
D144.057.0021a03.01ཆུབ་སེམས་དཔའ་འདི་ལྟར་བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་རྫོགས་པ་ནི་མྱུར་བ་མྱུར་བར་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དམིགས་ནས་དད་པ་དང་། མཆོག་ཏུ་དགའ་བ་ལས་བྱུང་བའི་སེམས་ཀྱི་ཏིང་ངེ་འཛིན་འཐོབ་སྟེ། མཉམ་པར་བཞག་པའི་
D144.057.0021a04.01སེམས་དེས་ཐེག་པ་ཆེན་པོའི་ཆོས་ཡང་དག་པ་ཇི་ལྟ་བ་བཞིན་དུ་སྟོན་ཏོ། །དེའི་ཕྱིར་དེ་མ་ལོག་པའི་རྣམ་པས་དང་བ་སྐྱེ་ཞིང་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཆེས་ཁྱད་པར་དུ་འཕགས་པ་སྐྱེའོ། །བྱང་ཆུབ་སེམས་དཔའ་དེའི་སེམས་ཀྱི་ཏིང་ངེ་འཛིན་སྔ་མ་དང་
D144.057.0021a05.01ལྷག་མཐོང་འདི་ནི་ཞི་གནས་དང་། ལྷག་མཐོང་གིས་ཡོངས་སུ་ཟིན་པའི་རྣལ་འབྱོར་གྱི་ལམ་དུ་འགྱུར་རོ། །བྱང་ཆུབ་སེམས་དཔའ་རྣལ་འབྱོར་གྱི་ལམ་འདི་ལ་བརྟེན་ནས་རིམ་གྱིས་སངས་རྒྱས་ཀྱི་ཆོས་རྣམས་ཡང་དག་པར་སྒྲུབ་པར་འགྱུར་ཏེ། རིགས་ཀྱི་བུ་འདི་ནི་བྱང་ཆུབ་
D144.057.0021a06.01སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་གནས་ལས་སྐྱེ་བའོ། །བྱང་ཆུབ་སེམས་དཔའ་དང་བ་ཐབས་ཆེན་གྱིས་གསོལ་པ། །བཅོམ་ལྡན་འདས་ཅི་ལགས། ཞི་གནས་དང་ལྷག་མཐོང་གི་ལམ་འདི་བྱང་ཆུབ་སེམས་དཔའ་ཚོགས་བསགས་པ་རྣམས་ཀྱི་ལགས་
D144.057.0021a07.01