完整藏文原文 · 德格版页 当前仅加载第 55 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
གྲགས་པ་དང་། །དཔལ་དང་གཟི་བརྗིད་འཕགས་པ་ཡང་། །ཚུལ་འདིར་ཡི་རང་སྤྱད་པར་འགྱུར། །བྲམ་ཟེ་སཱ་ལ་ཆེ་འདྲ་བ། །ཚུལ་ཁྲིམས་ལྡན་དང་མང་ཐོས་འགྱུར། །རྒྱལ་རིགས་སཱ་ལ་ཆེ་འདྲ་བ། །སྐྱིད་ཅིང་ནོར་ཡང་ཆེན་པོར་འགྱུར། །བསོད་ནམས་མཛོད་ཀྱིས་འཕགས་པ་ཡི། །
D129.055.0207b01.01རྒྱལ་པོ་རྫུ་འཕྲུལ་ཆེར་འགྱུར་ཏེ། །རྒྱ་མཚོར་བཅས་དང་རིར་བཅས་ཀྱི། །ས་ལ་ཆོས་ཀྱི་སྟོན་པར་འགྱུར། །རིན་ཆེན་བདུན་གྱི་དབང་ཕྱུག་ཆེ། །འཁོར་ལོས་སྒྱུར་བ་རྒྱལ་དབང་འགྱུར། །རྒྱལ་པོར་གནས་ནས་སངས་རྒྱས་ལ། །ཕྱི་ཕྱིར་བསྟི་སྟང་བྱེད་པར་འགྱུར། །ཤི་འཕོས་ནས་ནི་
D129.055.0207b02.01མཐོ་རིས་འགྲོ། །སངས་རྒྱས་བསྟན་ལ་དད་པར་འགྱུར། །རི་རབ་རྩེ་མོའི་དབང་ཕྱུག་པོ། །ལྷ་ཡི་དབང་པོ་བརྒྱ་བྱིན་འགྱུར། །ལྷ་དབང་འཐབ་བྲལ་རབ་ཏུ་འགྱུར། །དེ་བཞིན་ཡོངས་སུ་དགའ་ལྡན་འགྱུར། །ལྷ་དབང་རབ་ཏུ་འཕྲུལ་པ་དང་། །དབང་བྱེད་འཇིགས་པ་མེད་པར་འགྱུར། །
D129.055.0207b03.01ཚུལ་འདིར་ཡི་རང་བྱས་པ་ནི། །ཚངས་པའི་འཇིག་རྟེན་ཚངས་པའི་མཆོག །མཁས་པ་ལྷ་རྣམས་བྱེ་བ་ཡིས། །མཆོད་པ་བྱ་བའི་དབང་ཕྱུག་འགྱུར། །གང་ཞིག་མདོ་སྡེ་དཀོན་མཆོག་འདིར། །ཕྱི་ཕྱིར་རྗེས་སུ་ཡི་རང་ན། །སུས་ཀྱང་དེ་ཡི་ཡོན་ཏན་མཐའ། །བརྗོད་པར་ནུས་པ་མ་
D129.055.0207b04.01ཡིན་ནོ། །བྱང་ཆུབ་ཏུ་ནི་སེམས་བསྐྱེད་ན། །བསྐལ་པ་བྱེ་བ་རྣམས་སུ་ཡང་། །ནམ་དུའང་ལོང་ཐེང་མི་འགྱུར་ཏེ། །སྟོན་པ་བླ་ན་མེད་པར་འགྱུར། །རྩྭ་ཤིང་རི་དང་སྡོང་པོ་དང་། །འཁྲི་ཤིང་སྨན་ཡང་དེ་བཞིན་ཏེ། །མེ་ཏོག་འབྲས་ལྡན་ལྗོན་ཤིང་ཡང་། །གང་དུ་འགྲོ་བར་འདུད་པར་
D129.055.0207b05.01འགྱུར། །མར་མེ་མཛད་ནས་བཟུང་ནས་སུ། །བརྟུལ་ཞུགས་བཟང་པོ་གང་འགྲོ་བར། །ཕྱོགས་བཅུ་དག་གི་འཇིག་རྟེན་ཁམས། །མཐའ་ཡས་འོད་ཀྱིས་སྣང་བར་བྱེད། །གང་དག་འདས་པའི་བར་དེ་དང་། །གང་དག་མ་འོངས་ཤིང་རྣམས་ཀྱི། །མེ་ཏོག་འབྲས་བུ་ལོ་མ་
D129.055.0207b06.01དག། །དེ་དག་རྣམ་པར་ཤེས་པར་ནུས། །སངས་རྒྱས་བྱེ་བ་ཕྲག་སྟོང་དང་། །ཁྲག་ཁྲིག་ཕྲག་བརྒྱ་རྣམས་ཀྱིས་ཀྱང་། །དེ་དག་གི་ནི་ཡོན་ཏན་མཐའ། །བརྗོད་པར་ནུས་པ་མ་ཡིན་ནོ། །བྱང་ཆུབ་སེམས་དཔའ་གང་དག་ནི། །མདོ་འདི་ཕྱིར་ཞིང་མོས་བྱེད་པ། །དེ་ཡི་
D129.055.0207b07.01