完整藏文原文 · 德格版页 当前仅加载第 55 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
ཉི་མའི་དཀྱིལ་འཁོར་ཤར་ནས། ཡེ་ཤེས་ཆེན་པོའི་འོད་ཟེར་བརྒྱ་སྟོང་གྲངས་མེད་པ་རབ་ཏུ་བཀྱེ་བས། གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་དང་གཅེར་བུ་པ་ལ་སོགས་པ་ཐམས་ཅད་འོད་མེད་པར་འགྱུར་ཏེ། ལམ་མེ་མ་ཡིན། ལྷང་ངེ་མ་ཡིན་ཞིང་། མཛེས་པ་མ་ཡིན་པ་འདི་
D129.055.0194b01.01ནི་དེ་བཞིན་གཤེགས་པའི་བྱིན་གྱི་རླབས་སུ་ཤེས་པར་བྱའོ། །དེ་བཞིན་གཤེགས་པའི་ཐབས་མཁས་པའི་ཡུལ་དེ་ནི་བསམ་གྱིས་མི་ཁྱབ་སྟེ། དེས་ན་སངས་རྒྱས་ཀྱི་ཞིང་དེར་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་དང་གཅེར་བུ་པ་རྣམས་ཀུན་ཏུ་སྣང་ངོ་། །དེ་ཅིའི་
D129.055.0194b02.01ཕྱིར་ཞེ་ན། གཞན་མུ་སྟེགས་ཅན་གྱི་སྒོ་དེ་དག་ཐམས་ཅད་ནི་རྣམ་པར་ཐར་པ་དང་། ཏིང་ངེ་འཛིན་བསམ་གྱིས་མི་ཁྱབ་པ་ལ་གནས་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་ངེས་པར་བྱུང་བ། ཐབས་མཁས་པ་ཆེན་པོས་རྣམ་པར་རྩེན་པ། སངས་རྒྱས་དང་ཆོས་དང་དགེ་འདུན་ཡིད་ལ་བྱེད་
D129.055.0194b03.01པ་དང་མ་བྲལ་བ། སེམས་ཅན་ཡོངས་སུ་སྨིན་པར་བྱེད་པའི་མཆོག་གི་ཕ་རོལ་ཏུ་སོན་པ་སྟེ། སེམས་ཅན་ཡོངས་སུ་སྨིན་པར་བྱ་བའི་ཕྱིར་དེ་བཞིན་གཤེགས་པའི་བྱིན་གྱི་རླབས་ཀྱིས་བྱིན་གྱིས་བརླབས་པ་དག་གོ། །འཇམ་དཔལ་འདི་ལྟ་སྟེ་དཔེར་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་
D129.055.0194b04.01ཁམས་ཀྱི་རྡུལ་ཕྲ་རབ་ཀྱི་རྡུལ་སྙེད་ཀྱི་སེམས་ཅན་དེ་དག་སེམས་ཅན་རེ་རེ་ནས། འཛམ་བུའི་གླིང་ལ་དབང་བའི་རྒྱལ་པོར་གྱུར་ཏེ། དེ་དག་ཐམས་ཅད་ཀྱིས་ཚིག་འདི་སྐད་ཅེས་བདག་ཅག་གིས་ཐེག་པ་ཆེན་པོ་གང་ལེན་པ་འཛིན་པ་དང་། ཀློག་པ་དང་། ཀུན་ཆུབ་པར་བྱེད་པ་དེའི་ཤ་ལས་ཉི་མ་རེ་རེ་
D129.055.0194b05.01ཞིང་ཡང་སྲང་ལྔ་ལྔ་སེན་མོས་གཅད་པར་བྱ་སྟེ། དེ་ཚུལ་དེ་ལྟ་བུས་སྲོག་དང་དབྲལ་ལོ་ཞེས་སྨྲ་བ་ལ། འཇམ་དཔལ་གལ་ཏེ་བྱང་ཆུབ་སེམས་དཔའ་དེ་སྐད་སྨྲ་བས་མི་སྐྲག་མི་དངང་དངང་བར་མི་འགྱུར་ཏེ། ཐ་ན་སྐྲག་པའི་སེམས་ཀྱང་མི་སྐྱེད། ཞུམ་པ་མེད། གོད་པ་མེད། ཐེ་ཚོམ་མེད་ལ།
D129.055.0194b06.01ཕྱིར་ཞིང་ཆོས་ཡོངས་སུ་གཟུང་བ་ལ་བརྩོན་ཏེ། ཀློག་པ་དང་ཁ་ཏོན་བྱེད་པ་ལ་བརྩོན་པར་འགྱུར་བའི་བྱང་ཆུབ་སེམས་དཔའ་དེ་ནི། འཇམ་དཔལ། སེམས་དཔའ་བ། སྦྱིན་པ་ལ་དཔའ་བ། ཚུལ་ཁྲིམས་ལ་དཔའ་བ། བཟོད་པ་ལ་དཔའ་བ། བརྩོན་འགྲུས་ལ་དཔའ་བ། བསམ་
D129.055.0194b07.01